تورکیه جمهور باشلیغی رجبطیب اردوغاننینگ تورموش اورتاغی امینه اردوغان، امریکا جمهور باشلیغی دونالد ترامپنینگ تومورش اورتاغی ملانیا ترامپگه بیر مکتوب یازگن.
تورکیه جمهورلیک ریاستینینگ اکس صحیفهسیده ترقهتیلگن مکتوب اساسیده، امینه اردوغان ملانیا ترامپدن اسرائیل باش وزیری بیلن غزه دهگی بالهلر احوالی حقیده صحبت قیلیشی و غزه گیده بالهلرگه توجه قرهتیشینی ایستهگن.
بیزلرنینگ فیسبوک صحیفهمیزگه باش اورینگ!
جاری آی باشلریده، ملانیا ترامپ هم روسیه جمهور باشلیغی ولادیمیر پوتین گه بیر مکتوب آرقهلی، بو مملکتنینگ هجوملریده اوکراینلیک یوزلب بالهنینگ اولگنیگه نسبت، همدردلیک بیلدیرگن ایدی.
شوندهی بیرحالده، امینه اردوغان بو مکتوب ده، «اوکراینلیک بالهلر اوچون تیریک سقلنگن امیدنی، غزه دهگی بالهلر اوچون هم تیریک سقلنگ.» دیب یازگن. اونینگ اورغولشیچه، فلسطینلیک بالهلر دنیا دهگی باشقه بالهلر کبی، تینچ محیطده حیات کیچیریشگه حقی بار.
بانو اردوغان یازگن مکتوبده غزه دهگی قربان بولگن بالهلر رقمیگه اشاره قیلیب یازیشیچه: «غزه ده ۱۸ مینگ ۸۸۵ باله قربان بولگن؛ لیکن غزه دهگی تیریک بالهلر حیات گه امیدی بار.»
بیزلرنینگ «ایکس» ترماغی ده هم تعقیب قیلینگ!
فلسطین ساغلیقنی سقلش وزیرلیگی، سونگی قریب ایکی ییل ایچیده اسرائیل اردوسینینگ غزه گه هجوملری عاقبتیده قریب ۱۹ مینگ باله قربان بولگنینی بیلدیرگن.
بیرلشگن ملتلر تشکیلاتینینگ فلسطینلیک آوارهلر گه یاردم کورسهتیش آژانسی، اوتگن هفته ۲۸-اسد، سهشنبه کونی قمراوگه آلینگن بو منطقه «بالهلر اوچون تینچ جای ایمس» دیگن.