ایران و اسرائیل اورتهسیده اوروش ۱۱ کوندن بیری دوام اېتماقده اېکن، اوشبو کونده هم ایککی تامان راکته و دران بیلن بیر-بیرینینگ توپراغی گه هجوم اویوشتیردی.
اسرائیل بوگون (۲-سرطان، دوشنبه) ایران گه قرشی ینگی هجوملریده کرمانشاه، یزد، کرج، تهران، شهید بهشتی بیلیم یورتی، اوین قماقخانهسی، فردو هستهای سایتی و بو مملکتنینگ غرب، شرق و مرکزیده آلتی هوا قونالغهنی نشانگه آلگن.
اسرائیل اردوسی بیر بیانیه ترقهتیب اوشبو هجوملرده اوچیش یولکلری، ییر آستی آشیانهلری و یاقیلغی یېتکزیب بیرووچی اوچاقلری گه ضرر اېتگنینی ادعا قیلگن. «یوق قیلینگن اوچاقلر ایران هوا کوچلرینینگ جنگری اوچاقلریگه قرشی فایدهلنیش و اولر هجوملرینینگ ایران حدودیده آلدینی آلیش اوچون مولجللنگن اېدی.»
باشقه تاماندن، ایران نیچه راکته و تورلی اونلب دران بیلن اسرائیلنینگ بعضی حدودلری جملهدن تلآویو، اورشلیم، اشدود شهرلرینی نشانگه آلیب و اکثریت درانلر مولجللنگن جایلر گه باریب تېککنی معلوم قیلگن.
بیزلرنینگ فیسبوک صحیفهمیزگه باش اورینگ!
ایران رسمیلری امریکا گه، ۱۴۰۴-ییل، ۱-سرطان، ایراننینگ هستهای سایتلریگه اویوشتیرگن هجوم یامان عاقبتلری حقیده آگاهلنتیرگنلر.
ایران اسلامی جمهوریتی مجلس باشلیغی محمد قالیباف گه کوره، بو مملکت قوراللی حربی کوچلرینینگ امریکا هجوملریگه جواب قیتریشنی قۉللب-قوتلهیدی. اونینگ کوپهیتیریشیچه: «مذاکره قیلهیاتگن پیتده، بیز امریکانینگ هستهای مرکزلر گه هجومینی، دیپلماتیک و عقلانیت هجوم بیلهمیز؛ امریکانینگ تجاوزی گه قوراللی کوچلریمیزنینگ جواب قیتریشنی قۉللب-قوتلهیمیز.»
ایران و اسرائیل اورتهسیده اوروش دوام اېتماقده اېکن، ایران تشقی ایشلر وزیری سیدعباس عراقچی روسیه گه باریب بو مملکت جمهور باشلیغی ولادیمیر پوتین بیلن اوچرهشگن.
بیزلرنینگ «ایکس» ترماغی ده هم تعقیب قیلینگ!
عینحالده، ایران و اسرائیل اورتهسیده اوروش دوام اېتماقده اېکن، اوتگن کیچه بیرلشگن ملتلر تشکیلاتی امنیت کینگشی ایراننینگ اېستهگی بیلن بو مملکت هستهای سایتلریگه امریکانینگ هجوملری حقیده فوقالعاده ییغیلیش اۉتکزدی.
اوشبو ییغیلیشده، بیرقطار مملکتلرنینگ وکیللری امریکانینگ ایران گه هجومینی قارهلب و یقین شرقدهگی کېسکینلر گه چېک قوییلیشینی سورهگنلر.
بو ییغیلیشده روسیه وکیلی گه کوره، امریکانینگ ایران هستهای سایتلریگه هجومینی، بو مملکتنینگ خلقارا قاعدهلر گه بیفرقلیگینی کورستهدی. «امریکا بوندهی حرکتی بیلن خلقارا قاعدهلر گه بیفرقلیگینی کورستدی؛ امریکا گه هېچ کیم بوندهی حرکت اوچون رخصت بیرگنی یوق.»
امریکا، ۱۴۰۴-ییل، ۱-سرطان، ایرتهلب ساعت تانگ پیتلری ایرانده فردود، نطنز و اصفهان هستهای سایتلرینی نشانگه آلدی.
امریکا قۉشمه ایالتلرینینگ جمهور باشلیغی دونالد ترامپ هم، ایران هستهای اوچ مرکزیگه اویوشتیریلگن هجوم موفقیتلیک بیلن عملگه آشیریلیب و بو اوچ هستهای سایت بوتونلی یوق قیلینگنینی اېتگن.
