یاشلردن بیر قطاری «بلبل» دستورینی توزهتیش بیلن، دینی، معلوماتلی، هنری و رمان کتابلرینی سیسلی شکلده تینگلاوچیلر اینیقسه یاشلر و بالهلر اختیاریگه قویگنلر. مذکور دستورنی توزهتگنلرنینگ سلاموطندارگه ایتیشلریچه، فایدهلنووچیلر اوشبو دستورنی دانلود قیلیش بیلن حتا ایش، هیداوچیلیک یا-ده کوندهلیک فعالیتلرینی بجریش وقتیده هم کتابگه قولاق سالیب و اوندن بیلیم همده مهارتلرینی آشیریش اوچون فایدهلنه آلهدیلر.
مذکور دستورنی توزهتگنلردن سوریا یوسفی، حاضر بلبل دستورینینگ ۵۲ مینگ فعال فایدهلنووچیسی بارلیگیگه اشاره قیلیب و ایتیشیچه: «فایدهلنووچیلریمیز اوچ تیل دری، پشتو و انگلیزچه ده کتابلرنی اوقه آلهدیلر. فایدهلنووچیلردن ۶۰ فایزی افغانستان دن تشقریده دیر. اولردن کوپراغی سوادی بولمهگن یا-ده ایش سبب اوقیشگه وقت تاپه آلمهگن کیشیلر دیر. یعنی اویدهگی عیاللر قولی بیر شکلده هدفون بیلن کتابگه قولاق ساله آلهدیلر.»
بلبل دستوری مدیریگه کوره، بو دستورنینگ توزهتیلگنی و فعالیتیدن مقصد، بیلیم نی انتقال بیریش، کتابدن قولی شکلده فایدهلنیش و نطاقلیک اوچون کیرهکلی مهارتلرگه ایگه بولگن کیشیلرگه ایش فرصتی یرهتیلیشی دیر. «کتابلریمیز الهاملنتیرووچی، دینی، شعر، رمان و بالهلر بولیملریده دیر و برچه یاش گروهلریگه بولهدی. مخاطبلریمیزدن کوپ قطارینی رمان کتابلریگه قیزیققن یاشلر تشکیل بیرهدی. بو ایشدن مقصدیمیز کتاب نی سیسلی قیلیب، بیلیمنی آسانراق شکلده انتقال بیریش و کتابنی مملکت ایچیدهگی و تشقیدهگی مخاطبلر اختیاریگه قوییش دیر.»
شونینگدیک اوشبو دستوردن فایدهلنووچیلر، «بلبل» دستورینی فایدهلی دیب و ایتیشلریچه، حاضر امکانیتلر و وقتلریدن یخشیراق شکلده فایدهلنه آلهدیلر.
بو توغریده بلبل دستوریدن فایدهلنهدیگنلردن سدیسنینگ ایتیشیچه: «ایشیم بولمهگن وقتلرده کوپراق بو دستوردن فایدهلنهمن و کوپراق رمان کتابلرینی اوقهمن. مذکور کتابلرنینگ اوقیش مینی کوندهلیک حیاتیمده مثبت تاثیری بولگن. یعنی هم ایشلب همده کتاب ایشیتهمن.»
شونینگدیک بلبل دستوریدن فایدهلنهدیگنلردن باشقه بیری نجلاگه کوره: «سیسلی کتابلر مینگه بو امکانیتنی بیرگن که باشقه ایشلرنی بجریش پیتیده هم مطالعه قیله آلسم. اوشبو روش مینده مطالعه عادتینی کوچلنتیرگن و کوپراق الهاملنتیرووچی کتابلرنی اوقهمن.»
ایتیش کیرهک که، سونگی ییللرده مملکتلردن کوپ قطاریده سیسلی کتابلرگه قیزیقیش کوپهیگن. مطالعهنینگ بو شکلی، کوپینچه گروهلر جملهدن سوادی آزراق بولگن و کوزدن عاجز بولگنلر اوچون بیلیمدن فایدهلنیش امکانیتینی یرهتیب و «بلبل» کبی دستورلر ایسه بو توغریده بیر آدیم حسابلنهدی.
