۱۲-عقرب، سمنگان ده یوز بیرگن کوچلی زلزله، اوشبو ولایت یشاوچیلریگه تلفات ییتیشتیریش و اولرنینگ یشش اویلرینی بوزیشگه علاوه، خُلم تومنی عیدگاه مسجدیگه هم زیان ییتیشتیرگن.
خُلم تومنی یشاوچیلریدن قطارینینگ ایتیشلریچه، بو تومن عیدگاه مسجدینینگ بیر قطار بولیملری سونگی زلزله نتیجهسیده بوزیلگن. اولرنینگ کوپهیتیریشلریچه، اوشبو تاریخی جاینینگ قیته قوریلیشی اوچون توجه بولمهگنی صورتده، ییتیب کیلهدیگن قیش موسومیده ییقیلیش احتمالی بار.
خُلم تومنی یشاوچیسی بولمیش ذکراللهنینگ ایتیشیچه، عیدگاه مسجدی بو تومننینگ تاریخی بنالریدن بولیب و اونینگ قیته قوریلیشیگه نیاز بار. اونینگ کوپهیتیریشیچه: «عیدگاه مسجدی زلزلهده بوزیلدی؛ حکومتدن اوشبو قدیمی مسجدنینگ قیته قوریلیشینی سورهیمیز که اهالی آرام بیر فکر بیلن بو مسجد گه باریب عبادت قیلسینلر.»
بو تومن یشاوچیلریدن باشقه بیری محمدعثماننینگ ایتیشیچه: «اهالی مذکور مسجدلرنینگ قیته قوریلیشیگه یاردم بیرسینلر؛ مسجد بوزیلگنیده باشقه هیچ کیم نماز اوقیش اوچون کیلمهیدی. یاردم بیرووچی نهادلرنینگ یاردم بیریشی کیرهک که مسجدلر قیته قوریلسین.»
خُلم تومنی عیدگاه مسجدی، ۱۰۰ ییلدن آرتیق تاریخگه ایگه بولیب و اونینگ قوریلیشی اوچون قدیمی معمارلیکدن ایشلنگن.
بو بیلن بیرگه، خُلم تومنی حج و اوقاف مدیریتیده مسئوللرنینگ ایتیشلریچه، زلزلهده زیان کورگن بو تومن عیدگاه مسجدی و باشقه جایلرنینگ قیته قوریلیشی اوچون سعیوحرکت دوام قیلماقده.
سمنگان ولایتی خُلم تومنی حج و اوقاف مدیری حمیدالله مسدورنینگ ایتیشیچه: «بو واقعهده مدرسهلر، مکتبلر و مسجدلر زیان کوردی؛ قریب ۲۰ مسجد بوتونلی و قسمی شکلده بوزیلدی، بیراق حاضرگچه اویننگ قیته قوریلیشیگه تیگیشلی هیچ بیر اقدام بولمهگن.»
سمنگان ده مسئوللرنینگ معلوماتی اساسیده، بو ولایتده یوز بیرگن سونگی زلزلهده خُلم تومنی عیدگاه مسجدی گه علاوه، کمیده ۹۰ مکتب و مدرسه زیان کورگن.
