بلخ ولایتی ساغلیقنی سقلش رسمیلری، اوتگن کیچهدهگی زلزله عاقبتیده تورت کیشی هلاک بولیب و ۱۲۰ کیشی یرهلنگنینی معلوم قیلگنلر.
بلخ ولایتی ساغلیقنی سقلش ریاستی سۉزلاوچیسی کمالزدران، ۱۲-عقرب، دوشنبه کونگی صحبتیده، زلزله طفیلی ابو علی سینای بلخی حوزوی کسلخانهسیگه حاضرگه قدر تورت جسد آلیب باریلگنینی بیلدیرگن.
شو بیلن بیرگه، اسلام امیرلیگی ساغلیقنی سقلش وزیرلیگی، اوتگن کیچهدهگی زلزلهده سمنگان ولایتیده ۱۰ کیشی هلاک بولیب و ۲۶۰ کیشی یرهلنگنیدن خبر بیرگن.
یکشنبهدن دوشنبه گه اوتر کیچه ساعت ۱:۰۰ اطرافیده کوچلی زلزله افغانستان شمالی حدودلرینی قیمیردتدی؛ امریکا زلزلهنی انیقلش مرکزی، بو زلزله ۶.۳ درجه ریشتر اېکنلیگینی اېتگن.
