آردا گولرنینگ قیمتی، رئال مادرید گه قوشیلگنیدن بویان ایکی برابر آشگن و اونینگ نامی تورکیه فوتبال تاریخیگه کیریتیلدی.
گولر، میلادی ۲۰۲۵-ییل دوامیده رئال مادرید کلوبیده یارقین اویینلری بیلن کتته اعتبارنی اوزیگه قرهتدی. شونینگدیک اونینگ نامی، جاری ییل آخری عرفهسیده بازار قیمتی اینگ کوپ آشگن فوتبالچیلر آرهسیده کیریتیلیب و ییتینچی اوریننی ایگللهدی.
بو هجومچی ییلنی ۴۵ میلیون یورو بازار قیمتی بیلن باشلهدی و ۹۰ میلیون یورو گه ییتیب اوز قیمتینی ایکی برابر آشیردی. اوشبو سیزیلرلی و ریکارد درجهدهگی اوسیش بیلن، گولر ۹۰ میلیون یورولیک قیمت گه ییتگن ایلک تورک فوتبالچیسیگه ایلندی و شو طریقه اوز نامینی تورکیه فوتبالی تاریخیگه آلتین حرفلر بیلن یازیب قویدی.
آردا گولر، اوشبو فصلده برچه مسابقهلرده رئال مادرید کییمیده ۲۵ اوییننده میدانگه توشگن. او اوشبو ۲۵ مسابقهده ۳ ته گل اوریب و ۷ ته گل پاسینی بیرگن. بو فوتبالچی هر بیر اویینده تاباره رواجلنیب بارماقده و بیر نیچته کلوبلر اونی هم قیسقه، هم اوزاق مدتده قولگه کیریتیشنی آرزو قیلماقده. اینیقسه انگلستان پریمیر لیگهسیده اشتراکی بولگن کلوبلر اوشبو تورک فوتبالچیسیگه جدی قیزیقیش بیلدیرگن، بیراق رئال مادرید حاضرگچه اونی ساتیش بارهسیده قرار چیقرگنچه یوق.
