ایران جمهور باشلیغی مسعود پزشکیان، سعودی عربستان ولیعهدی محمد بن سلمان بیلن تلیفونی علاقهده، امریکا تهدیدلری عاقبتلریگه نسبت آگاهلنتیریش بیلن اورغولشیچه، منطقهده برقرارسیزلیک هیچ بیر مملکت فایدهسیگه ایمس.
پزشکیان، امریکا تهدیدلرینی منطقه خوفسیزلیگینی بوزیش دیب و ایتیشیچه، بو کبی یاندهشوو یالغیز برقرارسیزلیککه سبب بولهدی.
ایران جمهورلیک ریاستی ادارهسینینگ بیانیهسی اساسیده، پزشکیان ایران گه قرشی تشقی ارهلشوولر و اقتصادی باسیملرگه اشاره قیلیب و بو اقداملرنینگ ایران اهالیسی آگاهیلیگی و مقاومتیگه تاثیر قیله آلمهگن دیب ایتگن.
شونینگدیک عربستان ولیعهدی، صحبتلرنی خوش قرشیلب و منطقهای ثبات، امنیت و ترقیاتگه تاکید قیلگن. عربستان رسمی آژانسینینگ گزارشی اساسیده، محمد بن سلماننینگ ایتیشیچه، بو مملکت توپراغی یا-ده هوا حدودیدن ایران گه قرشی هر قندهی حربی حرکت اوچون فایدهلنیشگه رخصت بیرمهیدی.
بو صحبتلر، کیسکینلیکلر کوپهیشی بیلن امریکا ایران گه قرشی حربی اقدام احتمالینی بیان قیلگنی بیرحالده، صورت تاپگن.
ایران رسمیلرینینگ آگاهلنتیریشیچه، بو مملکت گه قرشی هر قندهی هجوم قرشی عکسالعمل بیلن روپهره بولیب و اونینگ عاقبتلری بوتون منطقهگه تاثیر قوییشی ممکن.
