غزنی ده شفاکارلردن قطارینینگ ایتیشلریچه، عیاللر اوچون حاملهدارلیک دوریده روحی کسللیکلر، آنه و چقهلاق سلامتلیگینی کوپینچه قیینچیلیک بیلن روپهره قیلهدی. مذکور شفاکارلرنینگ اورغولشیچه، روحی سلامتلیک برچه کیشی اینیقسه حاملهدار عیاللر اوچون مهم بولگنی بیرحالده، بیراق عایلهلردن قطاری آرقهلی بو توغریده اعتبار قرهتیلمهیدی.
غزنی ده شفاکارلردن محمداشرف صاحبزادهنینگ سلاموطندار گه ایتیشیچه، عایلهلر حاملهدارلر عیاللرگه زورهوانلیکدن اوزاق و تینچ بیر فضانی تامین قیلیشلری کیرهک. «جنجل بولگن جایلردن اوزاق بولیشلری کیرهک. روحی قیینچیلیکلر آنه و چقهلاقده جدی خوف گه سبب بولهدی که اونینگ قیتریلیشی امکانسیز دیر. روحی کسللیکلر چقهلاقده افسردهلیک و باشقه قیینچیلیکلرنی یرهتهدی.»
بیزلرنینگ «ایکس» ترماغی ده هم تعقیب قیلینگ!
غزنی ده روانشناسلردن خیالمحمد افغان، عاملهدارلر عیاللر اوچون روحی کسللیکلرنینگ یامان عاقبتلریدن آگاهلنتیریب و ایتیشیچه، جنیننینگ توشیشی، وقتدن آلدین چقهلاقنینگ دنیا گه کیلیشی و اویقوده قیینچیلیک، حاملهدار عیاللرده روحی کسللیکلرنینگ سلبی عاقبتلریدن دیر.
اونینگ کوپهیتیریشیچه: «بیر آنهده روحی قیینچیلیگی بولسه، بو قیینچیلیک آنه و چقهلاققه زیان ییتیشتیرهدی. آنهنینگ اویقوسی و آوقتلنیشیگه قیینچیلیک چیقرهدی و جنین درست شکلده رشد قیلمهی و وقتدن آلدین توغیلهدی. شونینگدیک توغیشدن کیین افسردهلیک خوفی هم تاپیلهدی.»
باشقه بیرتاماندن، غزنی ده اجتماعی فعال عیاللردن فاطمه محبینینگ ایتیشیچه، روحی سلامتلیک بولیمیده دوالنیش مرکزلر یوقلیگی و عایلهلر آگاهیلیگی سطحی کملیگی، حاملهدار عیاللرنینگ روحی قیینچیلیکلری اصلی سببی دیر. «عیاللردن کوپینچهسی روحی قیینچیلیکلرگه چلینگن و دوالنیش بیلن مصلحت گه نیازلری بار. اصلا اوزلری بو کسللیککه فکرلری بولمهیدی و کوپ اعتبار بیرمهیدیلر که بو قیینچیلیک آنه و چقهلاقلری سلامتلیگی اوچون سلبی تاثیر گه سبب بوله آلهدی. دولتی نهادلردن غزنی ده عیاللر اوچون دوالنیش خذمتلرنینگ کوپهیشینی ایستهیمیز.»
عیاللردن باشقه بیری سلیمهنینگ ایشانچیگه کوره، حاملهدار عیاللر روحی سلامتلیگیگه اونچهلیک اهمیت بیرمهیدیلر و شونینگدیک اهالی اینیقسه حاملهدارلر عیاللر آرهسیده روحی سلامتلیککه اعتبار بیریش آز و اهمیتسیز دیر. «عیاللرنینگ حاملهدارلیک دورهسیده روحی آراملیک کوپ اونملی دیر. اوشبو عیاللرنینگ کوپینچه تشویش و خواطری بار و اقتصادی نقطهی نظریدن هم تشویشلری کوپ دیر. دایم استرس و خواطرلری بار، بیراق اوزلرینی دواله آلمهیدیلر.»
بیزلرنینگ فیسبوک صحیفهمیزگه باش اورینگ!
شوندهی بیرحالده، غزنی ده حاملهدار عیاللردن شکریهنینگ ایتیشیچه، حیات خواطرلری طفیلی باش آغریققه چلینهدی که استرس و باش آغریقدن قوتقریلیش اوچون دارولردن فایدهلنیشگه مجبور دیر. «تشویش و باش آغریغیم کوپ بولسه، باش آغریق دارولریدن فایدهلنهمن. بیر عالم قیینچیلیکلر بار، اوزیم بیلهمن که معاینه بولمسدن دارودن فایدهلنیشنینگ ضرری بار، بیراق تشویش اوز قولیمده ایمس.»
ایتیش کیرهک که، ییترلی امکانیت بولمسلیگی، اهالینینگ آگاهیسیزلیگی و عایلهلرنینگ قشاقلیگی، افغانستان یشاوچیلرینینگ روحی سلامتلیک توغریسیده کمراق توجه قیلیشلری سببلریدن دیر.
