افغانستان ده بیرلشگن ملتلر تشکیلاتینینگ اورینباسرلیک هیئت ادارهسی (یوناما)، بو تشکیلات باشکاتبی سیاسی اورینباسری روزمیری دیکارلونینگ کابل گه قیلگن سفری یکونلنگنیدن خبر بیرگن.
مذکور نهاد، اوتگن کون کیچ قورون (۵-دلو، یکشنبه)، اکس صحیفهسیده یازیشیچه، دیکارلو اسلام امیرلیگی رسمیلری بیلن اوچرهشگنیده، افغانستان ده قیزلر و عیاللر اوچون تعلیم و ایشلش حقوقینی قیتریشگه تاکید قیلگن.
یونامانینگ کوپهیتیریشیچه، شونینگدیک افغانستان ده بیرلشگن ملتلر تشکیلاتیگه تیگیشلی نهادلرده بو تشکیلاتنینگ عیال ایشلاوچیلری حضوری برابریدهگی چیکلاولرنینگ حل بولینیشی، اسلام امیرلیگی رسمیلری بیلن بیان بولگن موضوعلردن باشقه بیری دیر.
بیرلشگن ملتلر تشکیلاتینینگ اورینباسرلیک هیئت ادارهسیگه کوره، دیکارلو اسلام امیرلیگی رسمیلرینی خلقارا همجمعیتگه افغانستاننینگ قیتیشی اوچون خلقارا تعهدلریگه عمل قیلیب و فعال شکلده حصه قوشیشگه تشویق قیلگن.
بیرلشگن ملتلر تشکیلاتی باشکاتبی اورینباسری، جاری هفته شنبه کونی ایکی کونلیک بیر سفرده کابل گه کیلیب و اسلام امیرلیگی رسمیلری جملهدن ایچکی و تشقی ایشلر وزیرلری سراجالدین حقانی و امیرخان متقی بیلن اوچرهشیب و صحبت قیلگن.
