خلقارا ییتکرمهلرنینگ گزارش بیریشیچه، اوتگن کیچه اسرائیل گه ایراننینگ اویوشتیرگن راکته هجوملری نتیجهسیده، کمیده اوچ کیشی اولگن که توپلم شکلده قربانیلر رقمی ۱۷ کیشیگه ییتیشگن.
«سیانان» خبری ترماغینینگ گزارش بیریشیچه، مذکور اوچ کیشی اسرائیل پایتختی تلآویو ده هلاک بولگنلر.
بیزلرنینگ «ایکس» ترماغی ده هم تعقیب قیلینگ!
گزارش اساسیده، ایران اینگ ینگی هجوملری باسقیچیده، اسرائیلنینگ مرکزی و ساحلی حدودلریده بیر نیچه بولیمنی نشان گه آلگن.
اسرائیلنینگ ملی عاجل یاردم خذمتیگه کوره، بو هجوملرده اوچ کیشی هلاک بولگن و شونینگدیک اونلب کیشی یرهلنیب، دوالنیش اوچون کسلخانهلرگه انتقال بیریلگن.
ایران ییتکرمهلرینینگ اوتگن کیچه گزارش بیریشیچه، اوشبو مملکت دولتی ینه بیر مرته اسرائیلنینگ نیچه حدودیگه راکته هجوملرینی اویوشتیرگن.
بیزلرنینگ فیسبوک صحیفهمیزگه باش اورینگ!
ایکی تامان آرهسیدهگی توقنشوولر، اسرائیل ۲۳-جوزا، جمعه کونی ایراننینگ نیچه حدودیگه هجوم قیلیب و هجوملرنینگ بیرینچی باسقیچی نتیجهسیده، ایراننینگ کمیده تورت ته ییریک حربیسی و آلتی ته هستهای عالملری اولگنی بیلن، کوچهیگن.
شونینگدیک ایران، بو هجوم گه قرشی راکته هجوملری بیلن جواب قیتیرگن و ایکی تامان آرهسیده تورتدن بیری توقنشوولرنینگ دوامی بار.
