هندوستان نظارتیده بولگن کشمیر اصلی شهری سریناگر جنوبی حدودلریده پولیس بیکتیده قانلی پارتلش عاقبتیده، ۹ کیشی هلاک بولیب و ۲۹ کیشی یرهلندی.
خلقارا یېتکرمهلر، بوگون (۲۴-عقرب/۱۵-نومبر، شنبه) ترقهتگن گزارشلریده، بو واقعه جمعه کونی یوز بیرگنینی ایتگنلر.
واقعه طفیلی یرهلنگن بیش کیشینینگ احوالی آغیر اعلان قیلینگن و تلفات رقمی آشیش احتمالی ایتیلگن.
اوشبو واقعه هندوستان پایتختی ینگی دهلیده صادر بولگن شونگه اوخشش پارتلشدن اتیگی بیر نیچه کون اوتیب روی بیردی، اوشه پارتلشده کمیده ۱۲ کیشی هلاک بولگن اېدی.
کشمیر میلادی ۱۹۴۷-ییلده هندوستان و پاکستان اورتهسیده بولینگنیدن بیری ایکی قسمگه اجرهتیلگن و هر ایکی مملکت هم بونی اۉز حدودینینگ بیر قسمی دیب حسابلهیدی. اوشندن بیری هندوستان و پاکستان کشمیر اوستیده اوچ مرته اوروش قیلگن و بو حدودنینگ وضعیتی هنوزگچه نازک و کېسکین مسئله بولیب قالماقده.
