دایکندی ده ساغلیق‌نی سقلش مسئوللری نینگ ایتیشلریچه، اوشبو ولایت کیتی تومنیده قیز مکتب‌لریدن بیریده ۱۰۵ قیز اوقووچی بیلن عیال اوقیتووچی زهرلنگن.
دایکندی ساغلیق‌نی سقلش باشلیغی محمدغنی صمیم نینگ سلام‌وطندار گه ایتیشیچه، اوشبو واقعه اوتگن کون (پنج‌شنبه، ۲۷-ثور)، توش‌دن آلدین ساعت ۱۰:۰۰ اطرافیده، کیتی تومنیده جایلشگن «دشت نخود» اسملی بیر مکتب‌ده یوز بیرگن.
بیزلرنینگ «ایکس» ترماغی ده هم تعقیب قیلینگ!
صمیم گه کوره، احوالی آغیر دیب گزارش بیریلگن زهرلنگنلردن اوچ ته‌سی دایکندی ولایتی کسل‌خانه‌سی گه انتقال بیریلگن که حاضر ایسه وضعیت‌لری قانیقرلی دیر.
دایکندی ساغلیق‌نی سقلش باشلیغی نینگ کوپه‌یتیریشیچه، زهرلنگن اوقووچیلر آره‌سیدن حاضر ایسه بیش اوقووچی کیتی ساغلیق مرکزی‌ده دوالنیش آستیده قرار تاپیب و وضعیت‌لری یخشی‌راق دیر.
صمیم نینگ ایتیشیچه، شفاکارلر و مسلکی کیشی‌لردن تشکیل بولگن بیر تیم بیلن واقعه محلی گه باریب، زهرلنیش نوعیتی و سببی نی بیللی قیلیش اوچون تیکشیریشلری نینگ دوامی بار.
بیزلرنینگ فیسبوک صحیفه‌میزگه باش اورینگ!
شونینگدیک دایکندی ده منبع‌لر نینگ ایتیشلریچه، اوتگن کونی زهرلنگن اوقووچیلر بیرینچی‌ده یامان بیر ایس نی احساس قیلیب و کیین ایسه نفس‌لری قیسگن دیر.
ایتیش کیره‌ک که، حاضرگچه مذکور قیزلر مکتبی‌ده زهرلنگنلر حقیده تورلی رقم‌لر گزارش بیریلگن. بیراز آلدین دایکندی معلومات و مدنیت باشلیغی سیدمصطفا صالح ییتکرمه‌لر گه، اوشبو واقعه‌ده ۶۴ قیز اوقووچی بیلن ۱۵ عیال اوقیتووچی شامل ۷۹ کیشی نینگ زهرلنگنی نی ایتگن ایدی.
