دایکندی ده اوشبو ولایت مرکزی همده سکیز تومنیدن تولید قیلووچی عیاللر و ایرککلر حضوری بیلن اوچ کونلیک ایچکی محصوللر کورگزمهسی اوتکزیلدی. مذکور کورگزمه ایچکی محصوللرنینگ تانیشتیریش، ساتیلیش بازارینی یرهتیش و ایشلب چیقرووچیلر اینیقسه عیاللرنینگ قوللب-قوتلش مقصد دایکندی سودا و صناعت ریاستی همکارلیگی همده آقاخان جمغرمهسی مالی حمایتی بیلن اوتکزیلگن.
۱۳۰ غرفهده اوتکزیلگن مذکور کورگزمهده ۹۰ غرفه عیاللرگه تیگیشلی بولیب، ایکینچیلیک محصوللر همده قول صناعتی نمایشگه قوییلگن. بو کورگزمهده غرفهسی بولگن عیاللردن فرزانه فرهمند، قریب بیر ییلدن بیری طبیعی عسل ساتیش همده رب، ترشی، چتنی و خیارشور تولید قیلیش بولیمیده فعالیت قیلیشینی بیان قیلیب و ایتیشیچه، سرمایه و ساتیلیش بازار کملیگی کبی قیینچیلیکلر بولگنی بیلن اوشبو کورگزمه گه شرکت قیلیش آرقهلی محصوللرینینگ کوپینچه کیشیگه تانیشتیریب و ینگی مشتریلرنی تاپه آلگن.
فرهمندنینگ کوپهیتیریشیچه: «بو کورگزمه بیزلر اوچون یالغیز ساتیلیش جای ایمس، بلکیم محصولنینگ تانیشتیریلیشی اوچون یخشی بیر فرصت دیر. اهالیدن کوپینچهسی محصوللریمیزنی ایلک مرته یقیندن کوریب و ساتیب آلدیلر. مذکور کورگزمه سبب ینگی مشتریلرنی تاپیب، تولید کوپهیشی و بازارلرگه محصوللر چیقریلیشی اوچون کوپراق قیزیقدیک.»
اوشبو کورگزمهده غرفهسی بولگن عیاللردن باشقه بیری زینب موسوینینگ ایتیشیچه، کورگزمهلر اوتکزیلیشی محصوللر تانیشتیریلیشی، ینگی مشتریلر جذب بولیشی و ساتیلیش بازاری کوچهیشی اوچون مناسب امکانیت یرهتگن. اونگه کوره، سرمایه آز بولگنی بیلن حمایتلر دوام قیلگنی صورتده، تشقی بازارلرگه محصوللرینینگ چیقره آلیشیگه امیدوار دیر. «مین زعفران ایکهمن و تولید قیلهمن. کورگزمهلر اوتکزیلیشی محصوللریمیزنینگ تانیشتیریلیشی اوچون یخشی دیر. شونینگدیک کورگزمهلرده اوزیمیز تولید قیلگنیمیز محصوللرگه بازار تاپه آلهمیز.»
کورگزمهنی اوتکزگنلر، بو کورگزمهنینگ دایکندی اقتصادی امکانیتلری تانیشتیریلیشی اوچون مهم آدیم عنوان قیلگنلر. دایکندی سودا و صناعت باشلیغی کریم صالحینینگ ایتیشیچه، بو کورگزمه یالغیز محصوللر ساتیلیشی اوچون اوتکزیلمهی، بلکیم اوشبو ولایت تولیدی امکانیتلرینی تانیشتیریش، بازار تاپیش امکانیتی یرهتیلیشی و تولید قیلووچیلر اینیقسه عیاللر اوچون رشد فرصتینی یرهتیش دیر. «بو کورگزمهنینگ اوتکزیلگنیدن مقصد، بیر تورلی بازار تاپیش دیر. ولایتیمیزده بولگن نرسهلرنی نمایشگه قویسهک که باشقه ولایتلر و مملکتلرگه تانیشتیریلسه.»
شونینگدیک بو کورگزمهنی کوریب چیققنلر هم بو کبی دستورلرنی ایچکی محصوللرنینگ قوللب-قوتلنیشی اوچون بیر یول دیب و ایتیشلریچه، محصوللرنینگ مستقیم شکلده چیقریلیشی، اهالی ایشانچینی کوپهیتیریشگه علاوه ایچکی محصوللر صفتی بیلن کوپراق تانیش امکانیتینی یرهتهدی.
اوشبو کورگزمهنینگ کوریب چیققنلردن وجیهه حیدری، قیزیقیش سبب مذکور کورگزمه گه بارگنی و محصوللر صفتینینگ یخشی بولگنینی بیان قیلهدی. «ایچکی محصوللر حمایت بولیشی اوچون رب، ترشی و قروت ساتیب آلدیم. بو کبی کورگزمهلرنینگ منظم شکلده اوتکزیلگنیده، هم اهالی ایچکی محصوللرگه ایشانهدیلر و همده تولید قیلووچی عیاللر کوپینچه مشتری تاپه آلهدیلر.»
شوندهی بیرحالده، اقتصادی ایش بیلرمانلرنینگ ایشانچیگه کوره، بو کبی کورگزمهلر اوتکزیلیشی دوامی محلی اقتصاد رواجلنیشیگه یاردم بیرهدی؛ بیراق بو مقصد رواجلنیشی ایسه تولید قیلووچیلر اینیقسه عیاللر برابریدهگی قیینچیلیکلر حلیگه نیازی بار.
اقتصادی ایش بیلرمانلردن عبدالرؤف محمدینینگ ایتیشیچه، کورگزمهلر اوتکزیلیشی محصوللر تانیشتیریلیشی، ساتیلیش کوپهیشی و کیچیک کسب-کارلر رواجلنیشی اوچون مناسب فرصت دیر. او، سرمایه آزلیگی، ساتیلیش بازار چیکلنگنی، فنی همده حرفهای تعلیملر آزلیگی و ایشلب چیقریش امکانیتلری چیکلنگنینی، تولید قیلووچی عیاللرنینگ اینگ مهم قیینچیلیکلریدن بیلهدی.
جناب محمدنینگ کوپهیتیریشیچه: «کورگزمهلر محلی اقتصاد رواجلنیشی اوچون یخشی یول دیر. بو ایش ساتیلیش کوپهیشی، ینگی مشتریلر تاپیلیشی و تولید قیلووچیلر امکانیتلری تانیشتیریلیشیگه سبب بولهدی. ایشلب چیقرووچی عیاللر اوچون اینگ مهم قیینچیلیک ایسه سرمایه آزلیگی، محصوللری ساتیلیشی اوچون مناسب بازارلر یوقلیگی، فنی همده حرفهای تعلیملر آزلیگی و تولید امکانیتلر چیکلنگنی دیر.»
۴-اسد دایکندی ده آچیلگن ایچکی محصوللر کورگزمهسی بوگون یکونلنهدی. اشتراکچیلرنینگ ایتیشیچه، بو کبی کورگزمهلر اوتکزیلیشی محصوللرینینگ ساتیلیشی اوچون امکانیت یرهتیشی ممکن.
