تخار ولایتی درقد تومنیده آمو دریا اوستیده کانکریتی کوپریک قوریلیشی، تخمیناً ۲۳۷ میلیوندن آرتیق افغانی عوضیگه باشلندی.
درقد تومنیده بو کوپریکنینگ قوریلیشی بوگون (۱۴-جدی/۴-جنوری) باشلنگن.
اوشبو کوپریکنینگ اوزونلیگی ۲۴۳ متر و کیینگلیگی ۷ متر بولیب درقد اولسواللیگی «قغنی» حدودیده قوریلهدی و مصرفی قریب ۲۳۷ میلیون ۹۹۵ مینگ افغانی تخمین ایتیلگن.
بو کوپریک قوریلیشی بیلن تخار مرکزی همده درقد، ینگیقلعه و خواجه بهاءالدین تومنلری آرهسیده یول قیینچیلیگی دایمی طرزده حل ایتیلهدی.
درقد تومنیده آمو دریا اوستیده کانکریتی کوپریکنینگ قوریلیش خرهجتی، تخار کانلری اجتماعی خذمتلر درآمدیدن تولنیلهدی.
بو، درقد تومنیده تورت دههدن سونگ اینگ بویوک کوپریک بولیب و قوریلیشی باشلنگنی ایتیلگن.
