درختلرنی پیوند قیلیش، باغدارلیک‌نینگ اونملی اصوللریدن بیری بولیب و اونینگ درست شکلده صورت تاپگنی‌ده، باغدارلیک رواجلنیشی و ایکینچیلیک محصوللر صفتی آشیشی‌گه سبب بوله‌دی.
غزنی مرکزی نوغی قیشلاغی‌ده‌گی باغدارلردن بیری بخت‌محمد‌نینگ ایتیشیچه، مذکور ولایت‌ده‌گی باغدارلردن قطاری حاضرگچه درختلرنی پیوند قیلیش مقصد سنتی اصوللردن فایدده‌لنه‌دیلر. اونگه کوره، مناسب وقتی‌ده پیوند قیلمسلیک، درختلرنی ساووق اوریب و محصوللر کمه‌یشی گه سبب بوله‌دی.
بیزلرنینگ فیسبوک صحیفه‌میزگه باش اورینگ!
بخت‌محمد، درختلرنی پیوند قیلیش توغریسیده ایکینچیلیک ریاستی تامانیدن هیچ قنده‌ی یاردم قولگه کیلتیرمه‌گنیلرینی بیان قیلیب و کوپه‌یتیریشیچه: «پیوند قیلیش اوچون ایکینچیلیک ریاستی تامانیدن بیزلرگه هیچ قنده‌ی معلومات بیریلمه‌ی و همکارلیک بولمه‌گن. درختلرنی پیوند قیلیش اوچون قیچی و پیچاق‌دن فایده‌لنه‌میز. خارجی‌لر رواجلنگن اوسکونه‌لردن فایده‌لنه‌دیلر که بیزلرده او نرسه‌لر یوق.»
باشقه بیرتاماندن، اوتگن ییل غزنی ده ایکینچیلیک ریاستی‌نینگ تعلیمی سیمیناری‌گه شرکت قیلگن باغدارلردن جمعه‌خان‌نینگ ایتیشیچه، حاضرگچه درختلرنی پیوند قیلیش اوچون دست‌لبکی اوسکونه‌لردن فایده‌لنیش‌گه مجبور دیر.
اونینگ اورغولشیچه، امکانیت یوقلیگی و ییترلی آگاهی‌لیککه ایگه بولمسلیک درختلر قوریشی‌گه سبب بوله‌دی. «دخترلر نی پیوند قیلیش اوچون اوشه ایسکی و ساده اصوللر نی بیله‌میز. پیوند قیلیش درست شکلده صورت تاپمه‌گنی‌ده درختلر قوریدی. اوتگن ییل ایکینچیلیک ریاستی آرقه‌لی سیمینار اوتکزیلدی و بیزلر ایکینچیلیک ریاستی‌دن دهقانلرگه اوسکونه و امکانیت یره‌تیلیشی‌نی ایسته‌یمیز، چونکه اوسکونه و امکانیت بولمه‌گنی صورت‌ده درختلر قوریدی و دهقان‌لرنینگ اونچه‌لیک آگاهی‌لیگی یوق.»
شونده‌ی بیرحالده، غزنی ده باغدارلیک ایشلری بوییچه ایش بیلرمانلردن بیری محمدابراهیم فروتن‌نینگ ایشانچی‌گه کوره، پیوند قیلیش‌نینگ درست شکلده صورت تاپگنی‌ده درختلر، کسل‌لیکلر و آفتلر برابریده مقاومتلی بولیب، تیزراق و صفتلی میوه تولید قیله آله‌دی.
محمدابراهیم فروتن‌نینگ ایتیشیچه، غزنی‌ده قیش موسومی‌ده درختلرگه زیان ییتیشمسلیگی مقصد سنبله آیی اورته‌لریده درختلر پیوند قیلینه‌دی. «پیوند قیلینیش‌نینگ فایده‌لریدن بیری میوه‌لرنینگ بیرتورلی چیقیشی و یخشی بازار گه ایگه بولیشی دیر. غزنی ده اقلیم وضعیتی‌گه قره‌ب درختلر پیوند قیلینه‌دی. سنبله آیی‌ده پیوند قیلینه‌دی، ثور و جوزا آیلریده درختلر پیوند قیلینگنی صورت‌ده، قیش‌ده درختلرنینگ موزلب قالیشی ممکن.»
عین حالده، غزنی ایکینچیلیک، چاروه‌چیلیک و سووغاریش ریاستی مسئوللری، باغدارلیک رواجلنیشی مقصد پیوند قیلیش، شاخچه‌لرنی کیسیش و باشقه تورلی‌خیل باغدارلیک اصوللری توغریسیده بیر قطار تعلیمی برنامه‌لرنینگ اوتکزیلیشی‌نی بیان قیلگنلر.
بیزلرنینگ «ایکس» ترماغی ده هم تعقیب قیلینگ!
مذکور ریاست‌نینگ اوسیم‌لیکلرنی سقلش عمومی مدیری محمد‌ذکریا هوتک‌نینگ ایتیشیچه: «اوشبو ولایت‌ده دهقانلر و باغدارلر تورلی‌خیل پیوند قیلیش اصوللریدن فایده‌لنه‌دیلر. غزنی ایکینچیلیک، سووغاریش و چاروه‌چیلیک ریاستی باغدارلر و دهقانلرنی تشویق قیلیش اوچون میوه‌لی باغلرنی قوریب و اولرنینگ آگاهی‌لیگی آشیشی مقصد بیر قطار سیمینار اوتکزه‌دی. شونینگدیک دهقانلرگه عملی و نظری شکلده تورلی موضوع‌لر توغریسیده ینگی اصوللر اورگه‌تیله‌دی.»
باغدارلیک غزنی یشاوچیلری‌نینگ اینگ اونملی درآمد منبع‌لریدن بولیب و بو ولایت‌ده تولید بوله‌دیگن اینگ اونملی ایکینچیلیک محصوللری ایسه آلمه، آلوبخارا، اوزوم و بادام‌دن عبارت دیر. زمانه‌‌وی شکلده درختلرنی پیوند قیلیش و تخصصی تعلیم‌لرنی آلیش ایکینچیلیک محصوللر صفتی و سانی آشیشی توغریسیده کوپینچه تاثیری بولیب و باغدارلر هم مسئول نهادلر تامانیدن بیریلگن تعلیم‌لر و امکانیت‌لردن فایده‌لنیش بیلن ستندرد شکلده درختلرنی پیوند قیلیشلری کیره‌ک.
