دایکندی ده‌گی محلی منبع‌لر، اوشبو ولایت مرکزی نیلی شهری و میرامور تومنیده علیحده ایکی ترافیکی حادثه ده بیر عیال شامل اوچ کیشی هلاک بولگنی و بیر باله شامل ۱۱ کیشی یره‌لنگنیدن خبر بیره‌دیلر.
میرامور تومنیده بیر منبع نینگ سلام‌وطندار گه ایتیشیچه، سه‌شنبه کونی، ۲۲ حوت، توش دن کیین «پای‌کجک ورسل» کوتلی ده «فلانکوچ» رسوملی بیر موتر نینگ چپه بولیشی عاقبتیده بیر عیال شامل ایکی کیشی هلاک بولگن و باشقه بیر باله شامل ۱۱ کیشی یره‌لنگنلر.
بیزلرنینگ فیسبوک صحیفه‌میزگه باش اورینگ!
منبع گه کوره، حادثه طفیلی یره‌لنگن کیشی‌لر میرامور تومنی اسکان کسلخانه‌سیگه انتقال بیریلگن و احوال‌لری آغیر دییلگن.
منبع نینگ کوپه‌یتیریشیچه، مذکور واقعه اوتگن کونی توش دن کیین ساعت ۱:۰۰ اطرافی ده یوز بیرگن.
شونینگدیک، دایکندی مرکزی ده باشقه محلی بیر منبع، ۷۰ یاشر بیر کیشی «فرونر» رسوملی بیر موتر آستیگه قالیشی طفیلی جان بیرگنیدن خبر بیره‌دی.
منبع گه کوره، اوشبو حادثه اوتگن کونی توش دن کیین ساعت ۲:۰۰ اطرافی ده، نیلی شهری «بازار کهنه» منطقه‌سیده یوز بیرگن.
مذکور ترافیکی ایکی حادثه سببی حاضرگچه بیللی ایمس.
بیزلرنینگ توییترده هم تعقیب قیلینگ!
دایکندی خوفسیزلیک مسئوللری، اوشبو ایکی حادثه‌نی تصدیقله‌گنلر؛ بیراق قنده‌ی یوز بیریشی حقیده هیچ نرسه دییشمه‌گن.
دایکندی امنیه قوماندان‌لیگی سوزلاوچیسی غلام‌علی جاوید نینگ سلام‌وطندار گه ایتیشیچه، بوتوغریده تدقیقات باشلنگن.
دایکندی ده یوللر بوزوق‌لیگی، هیداوچیلر تامانیدن ترافیکی قاعده‌لر رعایت ایتیلمسلیگی ترافیکی حادثه‌لر یوز بیریش عاملی دییله‌دی.