بوگون (چهارشنبه، ۱- دلو) ساغلیک وزیرلیگی نینگ اعلام قیلیشیچه، اوتگن ۲۴ ساعت ده کرونا ویروس گه شبهه‌لی ۲ مینگ و ۳۸۵ واقعه تیکشیریلگن، کیم بولردن ۱۲۵ ته‌سی ایجابی انیق‌لنگن.
ساغلیک وزیرلیگی نینگ گزارشی گه کوره، اوتگن بیر کیچه‌وکوندوز ده کرونا گه چلینگن ۹ کسل جان بیرگن و شونینگدیک ۲۰۵ کسل دارولنگن.
ساغلیک وزیرلیگی نینگ معلوماتی اساسیده، مملکتده حاضرگچه ۵۴ مینگ و ۴۰۳ کیشی کرونا ویروس گه چلینگن، کیم بولردن ۲ مینگ و ۳۶۳ ته‌سی جان بیرگن و باشقه ۴۶ مینگ ۷۵۹ ته‌سی ایسه قیته دارولنگن.
ساغلیک وزیرلیگی گه کوره، مملکتده حاضرگچه کرونا ویروس گه شبهه‌لی ۲۳۲ مینگ و ۵۸۷ واقعه تیکشیریلگن.
دنیا ده حاضرگه‌قدر ۹۶ میلیون و ۶۴۶ مینگ دن آرتیق کیشی کروناگه چلینگن کیم بولردن ۲ میلیون و ۶۶ مینگ دن آرتیغی جان بیرگن و ۶۹ میلیون و ۳۲۹ مینگ دن آرتیغی ایسه دارولنگن.
کرونا ویروسی نینگ کوپینچه ایجابی واقعه‌لری آمریکا، هند، برزیل، انگلستان و روسیه مملکت‌لریده قید ایتیلگن.
