افغانستان فوتسال ملی تیرمه جماعه‌سی، کانتیننتال کپی اوچینچی اویینیده نیوزیلند بیلن بیلله‌شه‌دی.
افغانستان فوتبال فدراسیونی بوگون (۱۴-سنبله، چهارشنبه) فیسبوک صحیفه‌سیده بیر خبر ترقه‌تیب مملکت فوتسال ملی تیرمه جماعه‌سی کانتیننتال کپی مسابقه‌لریده، نیوزیلند تیرمه جماعه‌سی بیلن بیلله‌شووینی یازگن.
بیزلرنینگ فیسبوک صحیفه‌میزگه باش اورینگ!
اوشبو مسابقه افغانستان وقتی بیلن بوگون توشدن سۉنگ ساعت ۲:۰۰ ده تایلند میزبان‌لیگی بیلن بولیب اۉته‌دی.
ایکیله جماعه کانتیننتال کپی ده ایکّی اویین اۉتکزگن، افغانستان بیر مرته غالب و بیر مرته هم مغلوبیت گه تن بیرگن و نیوزیلند تیرمه جماعه‌سی اېسه ایکیله اویینینی بای بیرگن.
افغانستان بیرینچی اویینیده ۵-۴ حسابی بیلن گواتمالا تیرمه جماعه‌سی گه غالب و ایکّینچی اویینیده کویت برابریده ۴-۳ حسابی بیلن مغلوب بولدی.
بیزلرنینگ «ایکس» ترماغی ده هم تعقیب قیلینگ!
نیوزیلند تیرمه جماعه‌سی اېسه تایلند و گواتمالا برابریده مغلوبیت گه تن بیرگن.
۱۶-سنبله، جمعه کونی سۉنگی اویینلرده دستلب نیوزیلند جماعه‌سی کویت تیرمه جماعه‌سی بیلن و ایکّینچی مسابقه ده تایلند و افغانستان فوتسال تیرمه جماعه‌لری قرشی لشه‌دیلر.
جدول ده تایلند اول، گواتمالا و افغانستان ایکّینچی و اوچینچی اورینده دیر.
