کابل بگرام تومنی بتخاک منطقهسیده ۱۸۹ میگاولت ینگی سبایستیشن قوریلیشی و ارغندیدن بتخاک گه قدر ۲۲۰ کیلوولت برق انتقال بیریلیش ایشی، بوگون (۴-حوت، شنبه) سوو و برق وزیرلیگی تامانیدن باشلندی.
اسلام امیرلیگی سوو و برق وزیرلیگی سرپرستی عبداللطیف منصور، اوشبو مناسبت بیلن اوتکزیلگن مراسمده، بو لایحه یشاوچیلرنینگ اقتصادی یخشیلنیشی و قیینچیلیکلری حل اېتیلیشی اوچون مهم بولیب و «عوفی بهرام» شرکتی تامانیدن قریب ۲۵ میلیون دالر سرمایه یاتقیزیلیب و ایشی باشلنگنینی معلوم قیلگن.
بیزلرنینگ فیسبوک صحیفهمیزگه باش اورینگ!
اونینگ کوپهیتیریشیچه: «بو لایحهلر یشاوچیلرنینگ اقتصادی یخشیلنیشی و قیینچیلیکلری حل اېتیلیشی اوچون مهم دیر. عوفی بهرام شرکتی بو لایحه اوستیده قریب ۲۵ میلیون دالر سرمایه یاتقیزگن.»
کابل حاکمی امینالله عبید، بو لایحهلر عملگه آشیریلیشی بیلن، کابللیک اونلب کیشی ایش بیلن تأمینلنیشی ممکن دیگن.
اونینگ ایتیشیچه: «بو سبایستیشن کتته یوتوق دیر کابل یشاوچیلری گه ایش امکانیتینی یرهتهدی، بو منطقه یشاوچیلرینینگ اېستکلریدن بیری دیر.»
افغانستان صناعت و کانلر اتاقی مسئوللری، اوشبو لایحهلر ایشی توگهشی بیلن، صناعتی پارکلرنینگ برق قیینچیلیگی کمهیشینی معلوم قیلهدیلر.
بیزلرنینگ «ایکس» ترماغی ده هم تعقیب قیلینگ!
مملکت صناعت و کانلر اتاقی اعضاسی پرویز حیدری گه کوره: «اسلام امیرلیگیدن آلدین، مملکتده بیش مینگ ایشخانه فعال اېدی و حاضر اولرنینگ سانی آلتی مینگ ۵۰۰ ایشخانه گه یېتگن. قیینچیلیکلر حل اېتیلگن تقدیرده باشقه ساحهلرده هم سرمایه یاتقیزیشیمیز ممکن و بو لایحه قیینچیلیکلر کمهیشی گه سبب بولهدی.»
باشقه تاماندن، معلومات و مدنیت وزیرلیگینینگ نشرات ایشلری بوییچه اورین باسری مهاجر فراهی، اسلام امیرلیگی برچه ساحهلرده اۉزینی-اۉزی تأمینلش مقصدیده سعی-حرکت قیلماقدهلیگینی معلوم قیلهدی.
اونینگ کوپهیتیریشیچه: «مملکت مقیاسیده صناعت، برق ایشلب چیقریش، کان قازیب چیقریش و پروسس قیلیش، سرک توزیش و باشقه ساحهلرده اونلب لایحه ایشی باشلنگن و ایشلری تیزلیک بیلن عملگه آشیریلماقده.»
بوتوغریده سرمایه یاتقیزگن عوفی بهرام شرکتی مسئوللری، لایحهلر خلقارا معیارلر گه تېنگ عملگه آشیریلیشیدن ایشانچ بیرهدیلر.
بو سب ایستیشن و ارغندیدن ۲۲۰ کیلوولت برقنی انتقال بیریش لایحه، تورکمنستاننینگ ۵۰۰ کیلوولت برقینی جذب قیلیب و کابلنینگ برق قیینچیلیگی بیر قسمینی حل اېتیشی اېتیلهدی.
