بدخشان ولایتی محلی مسئوللری، اوشبو ولایتنینگ کوهستان اولسواللیگیده، محل یشاوچیلری تامانیدن باشلنغیچ بیر مکتبنینگ تمل تاشی قوییلگنیدن خبر بیرهدیلر.
بدخشان کوهستان اولسواللیگی معارف آمری عبدالخبیر حبیبی گه کوره، «ملا عبدالعلی» آتیده بو مکتب، محل یشاوچیلرینینگ مالی حمایتی بیلن قوریلهدی.
عبدالخبیر حبیبی، اوشبو مکتب کوهستان اولسواللیگی «شپوی بالا و شپوی پایین» قیشلاقلریگه قرهشلی بولیب و بیر میلیون ۳۰۰ مینگ افغانی خرهجت کوتاریشینی معلوم قیلهدی.
بو مکتب آلتی صنف، بیر اداری اتاقدن عبارت بولیب و بیش جریب ییرده قوریلهدی.
سۉنگی آیلرده بدخشان تورلی تومنی یشاوچیلری تامانیدن خودّی شوندهی لایحهلر عملگه آشیریلگنی اېتیلهدی.
