بیرلشگن ملتلر تشکیلاتی قاچقینلر ایشلری بوییچه عالی کمیساری یا-ده (UNHCR)، ۲۰۲۳-ییل باشلنگنیدن حاضرگچه، قوشنی مملکتلردن اوچ میلیون ۵۰۰ مینگ افغانستانلیکنینگ مملکت گه قیتگنینی بیان قیلگن.
مذکور نهاد مسئوللری، افغانستان گه قیتیشنینگ آرتیب بارهیاتگن جریانیدن خواطر بیلدیریب و ایتیشیچه، یاردم بیریش اوچون بودجه کمهیگنی بیرحالده، بیراق نیازلر کوپهیماقده.
بیزلرنینگ «ایکس» ترماغی ده هم تعقیب قیلینگ!
بیرلشگن ملتلر تشکیلاتی قاچقینلر ایشلری بوییچه عالی کمیساری افغانستان بولیمی باشلیغی عرفات جمال، خلقارا قاچقینلر کونی مناسبتی بیلن بوگون اوشبو نهادنینگ کابل دهگی ادارهسیده اوتکزیلگن بیر ییغیلیشده ایتیشیچه، عیاللر اوچون باشپنه یوقلیگی، ایش زمینهسی کملیگی، تعلیمی و ایش فرصتلری یوقلیگی، قیتهدیگنلرنینگ اینگ اونملی قیینچیلیکلریدن دیر.
شونینگدیک جناب جمالنینگ ایتیشیچه، قیتهدیگنلردن بیر قطاری «قیتیشنی تنلمهیدیلر؛ اولردن قطاری یامان بیر وضعیتده مملکتلریگه قیتریلهدیلر؛ حتا اوی وسیلهلرینی ییغیب و اوزلری بیلن آلیب کیلیشگه هم فرصت قیله آلمهیدیلر.»
بیرلشگن ملتلر تشکیلاتی قاچقینلر ایشلری بوییچه عالی کمیساری افغانستان بولیمی باشلیغیگه کوره، قیتهدیگنلر سانینینگ کوپلیگی بیلن امریکا یاردملری کمهیشی، بو تشکیلاتنینگ خذمت کورسهتیشیگه تاثیر قیلگن.
بیرلشگن ملتلر تشکیلاتیگه کوره، وضعیتنی درست شکلده مدیریت قیلیش اوچون قیتیشلرنینگ داوطلب، منظم، تینچ بیر شرایطده و خلقارا معیارلر اساسیده صورت تاپیشی کیرهک.
جمالنینگ کوپهیتیریشیچه، سونگی آیلرده افغانستانلیکلرنینگ قیتیش جریانی کوپهیب و آلدیندن باسیم آستیده بولگن جمعیت و خذمتلرگه کوپراق باسیم کیلتیرگن. اونگه کوره، قیته جایلشتیریش یالغیز لوجستیکی بیر قیینچیلیک ایمس، بلکیم ازواق مدتلی بیر تعهد بولیب و برقرار حمایت، سرمایه یاتقیزیش و سیاسی اراده گه نیازی بار.
بیزلرنینگ فیسبوک صحیفهمیزگه باش اورینگ!
بیرلشگن ملتلر تشکیلاتی قاچقینلر ایشلری بوییچه عالی کمیساری، خلقارا همجمعیتدن افغانستانلیک قیتهدیگنلر بیلن همکارلیک بولینیشنی ایستهب و کوپهیتیریشیچه: «مملکت گه قیتریلهدیگن افغانستانلیکلرنینگ اونوتیلمسلیگی کیرهک. اولرنینگ قیتیشی ینگی بیر باشلنهنیش بولیشی کیرهک، قیینچیلیکلرنینگ دوام بیریش ایمس.»
بو نهادگه کوره، حاضر افغانستان یشاوچیلریدن ۷۰ فایزی قشاقلیک چیزیغی آستیده بولیب و قیتهدیگنلر سانی آشیشی، نیازلر و قیینچیلیکلر سانینی کوپهیتیریب و وضعیتنی مدیریت و کنترول قیلیش اوچون خلقارا همکارلیکلرگه نیاز بار.
