کمیده ایکی آی آلدین هلمند- قندهار قتناو یولی طالبان گروهی نینگ هجوم سبب، باغلنگن ایدی و طالبان گروهی مذکور قتناو یولده جایلشگن امنیتی پوسته‌لردن بیرقطارینی نابود قیلگن ایدیلر.
هلمند محلی مسئوللری نینگ ایتیش‌لریچه، هلمند ولایت نینگ باشقه ییرلریگه اوروش نینگ دوامی بولگنی باعث، امنیتی کوچلر اوروش بولگن منطقه‌لرده عملیات قیلیش بیلن مصروف ایدیلر و حاضرده اوشبو قتناو یولی نینگ تازه‌لش اوچون حربی عملیات باشلنگن.
هلمند پولیس قومندانی خلیل رحمان جواد نینگ ایتیشیچه، بو قتناو یول‌نی تازه‌لش اوچون اویوشتیریلگن عملیات ۳ کیلومتر ایلگری کیتگن و مذکور عملیات نتیجه‌سیده ۱۱ طالب هلاک و یوزلرچه ماین بیکار قیلینگن.
شونینگدیک، هلمند ولایتی کینگش باشلیغی عطاالله افغان نینگ ایتیشیچه، بو قتناو یولی نینگ باغله‌نیشی اهالیگه زیان ییتیشتیرگن و بو قتناو یولینی طالبان وجودیدن تازه‌لنیشی کیره‌ک.
عین‌حالده، هلمند یشاوچی‌لری، اوروش تامانلریدن اهالیگه قرشی قیین‌چیلیک یره‌تمه‌یشلرینی سوره‌ب و قتناو یوللرنینگ آچیق قالیشینی ایسته‌گنلر.