حلب شهریده کردلر رهبرلیگیده سوریهنینگ دمکراتیک کوچلری و سوریه حربیلری آرهسیدهگی توقنشوو نتیجهسیده، کمیده ایکی تینچاهالی اولیب و ۱۱ کیشی یرهلنگن.
الجزیره خبری ترماغینینگ بوگون گزارش بیریشیچه، اوشبو توقنشوولر اوتگن کون حلب شهریده شیهان و لیرمون میدانلری یقینیده یوز بیرگن.
طبی منبعلرگه کوره، آتیشمه توقنشوو یوز بیرگن منطقهلردن اونلب عایلهنینگ قاچیشیگه سبب بولگن. شونینگدیک سوریه مدنی مدافعهسی، یاردم بیرووچی ایکی کیشی بیلن ایکی بالهنینگ یرهلنگنیدن خبر بیرگن.
سوریه ایچکی ایشلر وزیرلیگینینگ اعلام قیلیشیچه، مذکور توقنشوولر «خوفسیزلیک موقعیتلرگه سوریهنینگ دمکراتیک کوچلری هجومی» طفیلی یوز بیریب و خوفسیزلیک کوچلریدن نیچه تهسی هم یرهلنگن. شوندهی بیرحالده، سوریهنینگ دمکراتیک کوچلری تینچاهالینی نشانگه آلیش عیبینی رد قیلگن.
نیچه ساعتلیک توقنشوودن کیین، ایکی تامان آتیشمهنینگ توختهتیشگه کیلیشگن. اوشبو واقعه، سوریهنینگ ینگی حربیسیده دمکراتیک کوچلر قوشیلیشی توغریسیده تورکیه و سوریه رسمیلرینینگ مذاکره قیله یاتگنی بیرحالده، یوز بیرگن.
