خلقارا ییتکرمهلر گه کوره، اسرائیل و حزبالله لبنان حربی کوچلری اورتهسیده، اوشبو مملکتنینگ شرقی حدودلری «بقاع وادیسی»ده کوچلی توقنشوو یوز بیرگن.
حزبالله گه کوره، اسرائیل حربی تیکاوچرلری سوریه توپراغیدن لبنان شرقیده بقاع وادیسی حدودلریگه کیرگچ، بو توقنشوولر باشلنگن.
حزبالله گه کوره، تیکاوچرلر قونیشیدن کیین اسرائیل حربی کوچلری بقاع وادیسیده بعلبک شرقی تومنیده «نبیشیت» حدودیگه آلغه بارهیاتگن بیر پیتده، حزبالله کوچلری بیلن توقنشگن.
بیانیهده، اسرائیل حربی کوچلرینینگ جایی انیقلنگنیدن سونگ توقنشوو باشلنگن و اسرائیل حربی کوچلری منطقهده هوا آرقهلی کوچلی هجوم اویوشتیرگنی کیلگن. توقنشوولر باشلنگنیدن کیین، اسرائیل حربی کوچلری آرتگه چیکینیب و منطقهدن کوچلرینی آلیب چیقیش گه باشلهگنینی قوشیمچه قیلگن، حزبالله لبنان.
معلوماتلر گه کوره، حزبالله حربی کوچلری اسرائیل کوچلری آرتگه چیکینیش پیتیده، اولر تامان راکته آتگنلر.
اسرائیل، ۱۶ حوت/۶ مارچ، جمعه کونی، نبیشیت حدودیگه قریب ۱۳ مرته هوا آرقهلی هجوم اویوشتیرگن و اونینگ نتیجهسیده چمهسی ۹ کیشی اولگن.
