چین قیزیل خاچ جمعیتی، سۉنگی زلزلهلرده ضرر کورگن عایلهلر گه یاردم بیریش مقصدیده، ۱۰۰ مینگ دالرنی افغانستان قیزیل آی جمعیتی گه تاپشیردی. بو یاردم سمنگان و بلخ ولایتلریده زلزله جبر دیدهلریگه مولجللنگن.
افغان قیزیل آی جمعیتی، چیننینگ انسان سیورلیک و دایمی یاردملریدن منتدارلیک بیلدیریب و یاردملر شفاف و عادلانه شکلده محتاج عایلهلر گه ترقهتیلیشیدن ایشانچ بیلدیرگن.
چین ایلچیسی باو ژو هوی، مملکتینینگ انسان سیورلیک یاردملرینی تاپشیریش پیتیده، انسان سیورلیک یاردملر ساحهسیده ایکی مملکت اورتهسیدهگی همکارلیکلر کېنگهیشیگه تأکیدلهگن.
شمال ولایتلر جملهدن سمنگان و بلخ ولایتلریده سۉنگی زلزله کوپینچه تلفات و ضرر کیلتیرگن. اسلام امیرلیگی ساغلیقنی سقلش وزیرلیگینینگ سۉنگی معلوماتیگه کوره، بو ایکی ولایتده ۲۷ کیشی هلاک بولگن و ۹۵۶ کیشی یرهلنگن.
میلادی ۲۰۲۵-ییل، ۳-نومبر محلی وقت بیلن ساعت ۱۲:۵۹ اطرافیده، کوچلی زلزله افغانستان شمالینی قیمیردتدی. بو زلزله ۶.۳ ریشتر کوچی بیلن ییرنینگ ۲۸ کیلومتر چقورلیگیده یوز بیردی و مملکتنینگ تورلی حدودلری و شونینگدیک اۉزبېکستان و قزاقستانده سیزیلگن.
