ایرانده مردمی ناراضیلیکلر دوام ایتماقده ایکن، اوشبو وضعیت برابریده جهانی مناسبتلر ینگی باسقیچ گه کیرگن. منطقهدهگی کوچلی مملکتلر جملهدن روسیه و چین امریکانینگ ایران گه احتمالی حربی هجوم قیلیشیگه قرشیلیک کورستگن.
چین و روسیه، هر قندهی حربی اقدام منطقه ثباتی و برقرارلیگینی بوزیشی حقیده آگاهلنتیریشگن.
روسیه تشقی ایشلر وزیرلیگی سوزلاوچیسی ماریا زاخارووا، مطبوعاتی ییغیلیشده امریکانینگ ایران گه احتمالی حربی اقدامینی ایران ایچکی ایشلریگه ارهلشیش و انیق تجاوز قیلیش دیب اتهگن.
او شوندهی دیگن: «ایران ایچیدهگی ترتیبسیزلیکلردن اوشبو مملکت گه تجاوز قیلیش اوچون بهانه صفتیده فایدهلنماقچی بولگنلر، بوندهی حرکتلرنینگ یقین شرق و خلقارا خوفسیزلیک اوچون آغیر عاقبتلر گه آلیب کیلیشینی انگلب ییتیشلری کیرهک. بیز ایراننینگ ایچکی سیاسی جریانلریگه هر قندهی بوزغونچی تشقی ارهلشوونی قطعی قارهلهیمیز.»
شونینگدیک چین هم، امریکانینگ ایران گه احتمالی هجومی گه نسبتن شفاف مناسبت کورستگن.
چین تشقی ایشلر وزیرلیگی سوزلاوچیسی مائونینگ، پکن هر قندهی حربی اقدام یا کی زورهوانلیکدن فایدهلنیش حرکت گه قرشیلیگینی بیلدیرگن.
چین هم قطر کبی امریکا و ایراندن کیسکینلیک و تهدید اورنیده، قیینچیلیکلرینی دیپلماتیک یول بیلن حل قیلیش گه چقیرگن.
دونالد ترامپنینگ ایران گه قرشی حربی چاره کوریش حقیدهگی سونگی بیاناتلریگه جواباً، ایران تشقی ایشلر وزیری عباس عراقچی فاکس نیوز بیلن صحبتده، ایران حالتینی انقراضلی کورستهیاتگن نرسه – بو عامهوی اخبارات واسطهلریدهگی ترغیبات و ناتوغری معلوماتلر ایکنینی تأکیدلهگن.
او شوندهی دیگن: «واشنگتن جون آییدهگی ناموفق تجربهنی تکرار قیلمسلیگی کیرهک، چونکی اوشه سیاستلرنی تکرار قیلیش اوشه نتیجهلرنی آلیب کیلهدی.»
دونالد ترامپ، بو قرشیلیکلردن کیین ایران برابریدهگی بیاناتلرنی اوزگرتیردی و حربی اقدام قیلیش گه تأکیدلش جاییده، یومشاق ورینتلر گه تیهنگن.
او اوتگن کون ژورنالیستلر بیلن صحبتده ایتیشیچه، ایرانده نمایشچیلرنی اولدیرش توختهتیلگن، بیراق نمایشچیلردن ناراضیلیکلریگه دوام بیریب و دولت مرکزلرینی باسیب آلیش گه چقیرگن. «بیز قولگه کیریتگن ایشانچلی معلوماتلر گه کوره، ایران ده نمایشچیلرنی قیرغین قیلیش توختهتیلگن و حاضرچه قتل ایتیش بوییچه هیچ قندهی ریجه یوق. ایندی بو معلوماتلر انیق نیمهنی انگلهتیشینی کوریب چیقیشیمیز کیرهک.»
خلقارا بیلرمانلرنینگ فکریچه، امریکانینگ ایران گه حربی احتمالی هجوم قیلیش اوچون منطقه مملکتلرنینگ سعی-حرکتی تأثیرسیز بولمهگن.
خلقارا مناسبتلر بیلرمانی مجتبی کوهکن گه کوره، ایران گه حربی هجوم منطقه اقتصادینی جدی انقراض بیلن روپره قیلیشی ممکن، شونینگ اوچون واشنگتن باشقه ورینتلرنی تنلهگن.
ایرانده مردمی نمایشلر ۱۹ کون آلدین اقتصادی قیینچیلیک، ایشسیزلیک و ایران پولی قیمتی مثلسیز درجهده پس توشیش بیلن باشلندی.
