کابلده چین ایلچیسی، اسلام امیرلیگی باش وزیرلیگی ادارهسی عمومی باشلیغی بیلن اوچرهشووده، افغانستان و چین آرهسیده واخان یولی آچیلیشیده قیینچیلیکلری یوقلیگینی معلوم قیلگن.
ارگ، ۲۲-دلو، دوشنبه کونی ایکس صحیفهسیده بیر بیانیه ترقهتیب، کابلده چین ایلچیسی جاوشینگ اسلام امیرلیگی باش وزیرلیگی ادارهسی عمومی باشلیغی ملا عبدالواسع بیلن اوچرهشگنیدن خبر بیرگن.
اوشبو اوچرهشووده چین ایلچیسی، بدخشانده واخان یولی آچیلیشیده قیینچیلیگی یوق و امنیتی تشویشلر اساسی شکلده حل اېتیلگن تقدیرده، بوتوغریدهگی بعضی ایشلر عملگه آشیریلیشی ممکن دیگن. اونینگ کوپهیتیریشیچه، بامیانده برق یېتکزیش، قندهارده کسلخانه و تخارده آمو دریا تیلی لایحهلری ایشی دوام اېتماقده.
بیزلرنینگ فیسبوک صحیفهمیزگه باش اورینگ!
ارگ، کابلده چین ایلچیسیدن نقل قیلیب یازیشیچه: «چین و افغانستاننینگ مناسبتی اوتمیشدن بیری یخشی و میلادی ۲۰۲۱-ییلدن بیری کوپراق یخشی بولگن. چین هردایم تشکیلاتلر و خلقارا ییغیلیشلرده افغانستاننی قۉللب-قوتلهگن.
جاو شینگنینگ کوپهیتیریشیچه، چین و افغانستان آرهسیده سودا، آلیش-بیریش و باریب-کېلیش کوپهیگن. شونینگدیک او، میلادی ۲۰۲۴-ییلده کابلده چین ایلچیخانهسی ۱۱ مینگدن کوپراق افغانستان فقراسی گه ویزه بیریش امکانیتینی یرهتیب بیرگنینی معلوم قیلگن.
عینحالده، اسلام امیرلیگی باش وزیرلیگی ادارهسی عمومی باشلیغی، افغانستان و چین اوتمیشدن بیری «یقین و کېنگ» شکلده مناسبتی بولگنینی اېتگن. «چین بیرینچی مملکت بولیب اسلام امیرلیگی ایلچیسینی قبول قیلدی و اۉز ایلچیسینی افغانستان گه یوللـهدی، بو ایکّی مملکتنینگ مناسبتی یخشی بولگنیدن درک بیرهدی.»
بیزلرنینگ «ایکس» ترماغی ده هم تعقیب قیلینگ!
او، اسلام امیرلیگی چین تامانیدن تن آلینیشینی سورهگن. ملا عبدلواسع، مملکت مقیاسیده امنیت تأمینلنگن و چیننینگ قۉشمه همکارلیگی بیلن مملکت آرهسیده واخان یولی آرقهلی آلیش-بیریش و باریب-کېلیش کوپهیب و بو یول خوفسیزلیگی تأمین اېتیلیشیدن ایشانچ بیلدیرگن.
