تورخم بندری، باریب-کېلیش شامل سودا توارلرینی انتقال بیریش یوزیگه یاپیلگنیدن ۱۶ کون اوتماقده؛ سودا و سرمایه یاتقیزیش اتاقلری گه کوره، افغانستان گه عاید توار یوکلنگن یوزلب لاری، چېگره اوتامانیده بند قالگن.
سودا و سرمایه یاتقیزیش اتاق مسئوللرینینگ ایتیشلریچه، بازارنی کنترول قیلیش اوچون اېنگ ضروری نرسهلرنی شمالدهگی قۉشنی مملکتلر، ایران و باشقه بیرقطار اولکهلردن وارد اېتماقدهلر.
اوشبو اتاق مدیره هیئت اعضاسی خانجان الکوزی گه کوره، بو یول بیلن بازاردهگی بعضی احتیاجلرنی حل قیلگن بولسهلرده؛ بیراق پاکستان گه نسبتن بو یوللرنینگ مصرفی کوپراق دیر.
بیزلرنینگ فیسبوک صحیفهمیزگه باش اورینگ!
اونینگ کوپهیتیریشیچه: «هر ییلی پاکستاندن ۸۰۰ میلیون دالرلیک توار که کوپراغی آزیق-آوقت، لبنیات، سبزهوات و تازهمیوهلر دیر، وارد قیلهمیز؛ باشقه یول قیدیریش گه سعی-حرکت قیلماقدهمیز. ایران و شمالدهگی قۉشنی مملکتلردن ضروری نرسهلرنی وارد قیلماقدهمیز، هېچ قیینچیلیگی یوق بیرآز قیمت توشهدی.»
الکوزی جنابلرینینگ ایشانچی گه کوره، شو بیلن هم بازارلرده سبزهوات و لبنیات نرخی آشگن.
بیرقطار ولایتلرنینگ یشاوچیلری، آزیق-آوقت و باشقه نرسهلر نرخی آشگنیدن شکایت قیلیب، سوداگرلر فرصتدن فایدهلنیب و نرخ-نوارلرنی آشیرگنینی اېتهدیلر.
بیزلرنینگ «ایکس» ترماغی ده هم تعقیب قیلینگ!
غور فیروزکوه شهری یشاوچیسی دستیگیرنینگ ایتیشیچه: «برنج و یاغ کبی آزق-آوقت مادهلر نرخی آشگن، سۉنگی کونلرده قیمتلر اوج گه یېتگن، سوداگرلر بیر کون چېگرهنی بهانه قیلهدی بیر کون دالرنی، ساتیب آلیش گه قوربیمیز یېتمهیدی.»
اقتصادی ایش بیلرمانلرنینگ ایشانچی گه کوره، یالغیز مذاکره آرقهلی افغانستان و پاکستان اورتهسیدهگی سودا آلیش-بیریش قیینچیلیگی، حل اېتیلیشی ممکن.
اقتصادی ایش بیلرمان نبی افغاننینگ ایتیشیچه: «تورخم بندری یاپیلیشی ایکّی مملکت زیانیگه دیر؛ مردمنینگ ایشی آلینگن و بوتون سوداگرلر اینیقسه تازه و لبنیات سوداگرلری کوپ زیان کورهدی و اولر میلیونلب افغانی تاوان کورهدیلر؛ بو قیینچیلیکلر مذاکره آرقهلی حل اېتیلیشی درکار.»
پاکستان ایکّی هفته آلدین، افغانستان چېگرهچیلری بو مملکت توپراغیده پوسته قوریش ادعاسی بیلن، تورخم بندرینی یاپدی.
ایکّی تامان آرهسیده نیچه مرته مذاکره اوتکزیلیشی بیلن، بو بندر همان آچیلمهگن.
