اسرائیلنینگ غزه تورلی حدودلریده اویوشتیرگن ینگی هجوملری عاقبتیده، بیر فلسطینلیک اولیب و بیر باله شامل ۶ کیشی یرهلندی.
الجزیره یېتکرمهسی، بوگون (۴-جدی/ ۲۵-دسمبر، پنجشنبه) ترقهتگن گزارشیده، بو هجوملر غزه شمالیده، خانیونس شرقی و اوشبو حدود مرکزیده اویوشتیریلگنینی ایتگن.
فلسطین ساغلیقنی سقلش وزیرلیگینینگ معلوماتیگه کوره، اکتوبر آییده آتیش کېسین برقرار ایتیلگنیدن بیری، اسرائیل هجوملریده ۴۰۰ دن آرتیق کیشی هلاک بولگن.
شو بیلن بیرگه، غزه دولت مطبوعات ادارهسی، ایکی تامان اورتهسیده آتیش کېسین برقرار ایتیلگنیدن بیری اسرائیل ۸۷۵ مرته اونی بوزگنینی بیلدیرگن.
۲۰ مادهلیک ریجه سپتمبر آییده امریکا جمهور باشلیغی دونالد ترامپ تامانیدن تکلیف قیلیندی، بیرینچیدن آتیش کېسین برقرار ایتیلیشی و کېین اېسه غزهده صلح اوچون ایجابی آدملر کوتاریلیشی اېدی.
حاضرگه قدر اوشبو ریجهنینگ فقط بیرینچی باسقیچی عملگه آشیریلگن – گروگه آلینگنلر و محبوسلرنی قوییب یوباریش و شو کبی اسرائیل حربی کوچلرینینگ بیر آز آرتگه چېکینیشی دیر.
میلادی ۲۰۲۳-ییل اکتوبر آیی دن حاضرگه قدر، اسرائیل هجوملریده قریب ۷۱ مینگ فلسطینلیک اولیب و ۱۷۱ مینگدن آرتیق کیشی یرهلنگن.
