Category: سپورت

اروپا قهرمانلر لیگه‌سی گروهی باسقیچیده منچستر سیتی مهمان اوله‌راق بوده فوتبال تیرمه جماعه‌سی برابریده ۳-۱ حسابی بیلن بای بیردی، شونینگدیک انگلیس نماینده‌لیگیدن آرسنال هم اینتر مهمانی ایدی و بو جماعه‌نی ۳-۱ حسابی بیلن مغلوب قیلدی، شونینگدیک، اسپورتینگ هم مهمانی پاری‌سن ژرمن‌نی ۲-۱ حسابی بیلن مغلوب قیلدی و رئال مادرید هم موناکودن میزبانلیک قیلدی و بو جماعه‌نی تانیقلی یولدوزلری جمله‌دن کیلیان امباپه‌نینگ پارلشی بیلن ۶-۱ حسابی‌ده مغلوب قیلدی.

سنگال فوتبال ملی تیرمه جماعه‌سی، افریقا ملتلر کپی فینال اویینیده، مراکش گه غلبه قازانیب اوشبو بیللشولرنینگ قهرمانی بولدی. بو اویین، ۲۸ جدی/ ۱۸ جنوری، یک‌شنبه‌دن دوشنبه گه اوتر کیچه، مراکش رباط شهری شاهزاده مولای عبدالله کلوبی‌ده اوتکزیلدی. سنگال، ۹۴ دقیقه‌ده پاپه گوئیه نینگ گلی بیلن اویین غالبی اعلان بولدی.

معلومات‌لر اساسیده، کیلیشوو جاری ییل‌نینگ یازی‌ده عملگه آشیریلیشی ممکن. حاضرده هالند بریتانیاده منچستر سیتی کلوبی‌ده فوتبالیگه دوام بیرماقده. نروژلیک هجومچی اسپانیاده «رئال مادرید»نینگ اشدی مخلصی بولیب، کلوب‌نی اوزی‌نینگ اینگ مهم فعالیتیده‌گی مقصدی دیب بیله‌دی. بیراق نروژلیک هجومچی‌نینگ منچستر سیتی بیلن میلادی ۲۰۳۴ ییلگچه توزیلگن شرطنامه‌سی سبب، کیلیشو قیین بولیشی ممکن، شونینگ اوچون اونینگ یازده رئال مادرید کلوبی گه قوشیلیشی هنوز نامعلوم.

رئال مادرید کلوبی، باش مربی ۴۴ یاشر ژابی آلانسو بیلن یوللرنی اجره‌تیشگه قرار قیلدی. سپورت ییتکرمه‌لری‌نینگ معلوماتیگه کوره، رئال مادرید جماعه‌سی اسپانیا سوپرکپ فینالیده بارسلونا برابریده ۳:۲ حسابی بیلن مغلوب بولگچ، ایکی تامان یوللرنی اجره‌تگن.