اسرائیل ده فوقالعاده وضعیت اعلام بولدی
اسرائیل اردوسی، فوقالعاده وضعیت اعلام قیلیب و یشاوچیلریدن پناهگاهلری یقینیده قالیشلرینی سورهگن. الجزیره، بوگون (۹-حوت/ ۲۸-فبروری، شنبه)، گزارش بیریشیچه، اسرائیل ایران گه قرشی هجوملرینی باشلهگن.
اسرائیل اردوسی، فوقالعاده وضعیت اعلام قیلیب و یشاوچیلریدن پناهگاهلری یقینیده قالیشلرینی سورهگن. الجزیره، بوگون (۹-حوت/ ۲۸-فبروری، شنبه)، گزارش بیریشیچه، اسرائیل ایران گه قرشی هجوملرینی باشلهگن.
اسلام امیرلیگی تشقی ایشلر وزیرلیگینینگ اوچینچی سیاسی باشلیغی ذاکر جلالیگه کوره، وضعیت آرام بولیشی اوچون مدافعه چاره-تدبیرلر و خوفسیزلیک کوچلرینینگ اقداملری بیلن بیرگه، فعال دیپلماسی هم جدی شکلده دوام ایتیریلماقده.
امریکا جمهور باشلیغی دونالد ترامپ، اسلام امیرلیگی و پاکستان آرهسیدهگی حربی توقنشووگه عکسالعمل بیلدیریب، نیاز بولگنی صورتده بو کیسکینلیککه ارهلشیشی ممکنلیگینی ایتگن.
اسلام امیرلیگی سوزلاوچیسی اورینباسری حمدالله فطرتنینگ اعلام قیلیشیچه، پاکستان آرقهلی خوست و پکتیکا ولایتلرینینگ بیر قطار بولیملریگه اویوشتیریلگن هجوملر نتیجهسیده، کمیده ۱۹ کیشی قربان بولیب و ۲۶ کیشی یرهلنگن. فطرت، بوگون ایرتهلب (۹-حوت، شنبه)، اکس صحیفهسیده یازیشیچه…
اوزبیکستان تشقی ایشلر وزیرلیگی، افغانستان و پاکستان اورتهسیده وضعیت کیسکینلشهیاتگنیدن چقور خواطردهلیگینی بیلدیریب و اوتیش آتیشنی درحال توختهتیشگه چقیردی.
پاکستاننینگ کابل گه اویوشتیرگن هجوملری عاقبتیده جبرلنگنلردن قطاری، اسلام امیرلیگی و پاکستان دن تینچاهالینینگ حمایه قیلیشلرینی سورهگنلر.
اسلام امیرلیگی و پاکستان آرهسیده توقنشوولر یوز بیرگنی بیلن بیرگه، چین تشقی ایشلر وزیرلیگینینگ ایتیشیچه، ایکی تامان اورتهسیده چیگره توقنشوولری کوچهیشیدن خواطرلنگن.
مدافعه وزیرلیگی، اسلام امیرلیگی حربی کوچلری، پاکستاننینگ ایریم حدودلری جملهدن اسلامآباد، نوشهر، جمرود و ایبتآباد حدودلرینی هوا آرقهلی نشانگه آلگنیدن خبر بیردی. اوشبو وزیرلیک سوزلاوچیسی عنایتالله خوارزمی، بوگون (۸ حوت/۲۷ فبروری، جمعه) ایکس صحیفهسیده بیر بیانیه ترقهتیب، اسلام امیرلیگی هوا کوچلرینینگ هوا عملیاتی موفقیتلی شکلده عملگه آشیریلیب و اونینگ نتیجهسیده مهم حربی حدودلر، مرکزلر و پاکستان اردوسینینگ آست قورمهلری نشانگه آلینگن.
روسیه تشقی ایشلر وزیرلیگی، اسلام امیرلیگی و پاکستان دن چیگره توقنشوولرینینگ توختهتیشلرینی سورهگن.
افغانستان سابق جمهور باشلیغی حامد کرزینینگ ایتیشیچه، پاکستان زورهوانلیک و بمباردمان قیلیش بیلن، اوزی یرهتگن قیینچیلیکلردن قوتقره آلمهیدی.
ملی مدافعه وزیرلیگینینگ اعلام قیلیشیچه، پاکستان برابریده اسلام امیرلیگی کوچلری اویوشتیرگن هجوملرده، بو مملکتنینگ ۵۵ عسکری هلاک بولگن.
ایران تشقی ایشلر وزیری سیدعباس عراقچی، افغانستان و پاکستان عملدارلریدن، اوز ارا کیلیشماوچیلیکنی دیپلماتیک یول آرقهلی حل ایتیشلرینی سورهدی. عراقچی، بوگون (۸ حوت/۲۷ فبروری، جمعه) ایکس صحیفهسیده بیر بیانیه ترقهتیب، کیلیشماوچیلیکلرینی قوشنیچیلیک تمایللر دایرهسیده همده دیپلماتیک یول آرقهلی حل ایتیشلرینی سورهگن.
پاکستان جنگریلری ۲-حوت، شنبه کیچه ساعت ۱۱:۰۰ اطرافیده، ننگرهار ولایتی بهسود، خوگیانی و غنیخیل تومنلریده نیچه یشش اوی همده پکتیکا ولایتی ارگون تومنیده بوش اوی و برمل تومنیده دینی بیر مدرسهنی بمباردمان قیلگن.
نوار غزهنینگ بیر قطار بولیملریگه اسرائیل آرقهلی اویوشتیریلگن اینگ ینگی هجوملرده، کمیده ایکی فلسطینلیک قربان بولیب و آتیش کیسین برقرار بولگنیدن حاضرگچه قربانلرنینگ توپلم سانی ۶۱۴ کیشیگه ییتیشگن.
اوکراین، بو مملکت حربیسی آرقهلی روسیهنینگ بالیستیک راکته ایشلب چیقرهدیگن بیر کارخانهسی نشانگه آلینگنینی معلوم قیلگن.
اسلام امیرلیگی مدافعه وزیرلیگی، پکتیکا و ننگرهارنینگ بیر قطار بولیملریگه پاکستان آرقهلی اویوشتیریلگن هوا هجوملریگه قرشی جواب اولهراق آگاهلنتیریشیچه، «مناسبت وقتده»، «مناسب و اویلنگن» طرزده جواب بیریلیشی ممکن.