امریکا ده اوشبو مملکت جمهورلیک ریاستی سیلاو نامزدلریدن بیری دونالد ترامپ نینگ سیلاو کمپاینیده قوراللی هجوم اۉیوشتیریلیشی عاقبتیده ترامپ یرهلنیب و باشقه ایکّی کیشی هلاک بولگن. خلقارا یېتکرمهلر نینگ معلوماتی اساسیده، اوشبو هجوم ۲۳-سرطان، شنبه کونی امریکا نینگ پنسیلوانیا ایالتی «باتلر» منطقهسیده اۉیوشتیریلگن.
اسرائیل اردوسی، غزه جنوبی ده ییرلشگن خان یونس شهری بوتونلی بوشهتیلیش بویروغینی بیرگن. اسرائیل اردوسی ۲۰-سرطان، چهارشنبه کونی خان یونس شهری فضاسیده بیانیه ترقهتیب، اوشبو شهر بوتونلی بوشهتیلیشنی اېستهگن. مذکور مملکت اردوسی نینگ بیانیهسیده، بو شهر خوفلی ارووش منطقه اولهراق اتهلگن. الجزیره نینگ گزارشی اساسیده، اسرائیل اردوسی غزه جنوبی حدودلریده ینگی هجوم اۉیوشتیریش گه تیارگرلیک کورماقده اېکن، بوندهی بیانیه ترقهتیلگن.
امریکا قۉشمه ایالتلری نینگ آبامای ایالتی «مونتگومری» شهری ده بیر مهمانلیک احتفال ده اوق آتیش ده چمهسی توقیز کیشی یرهلنگن. خلقارا یېتکرمهلر نینگ معلمواتی اساسیده، بو واقعه محلی وقت بیلن ۳-سرطان، یکشنبه کونی امریکا نینگ آبامای ایالتیده یوز بیرگن. واقعه طفیلی یرهلنگنلردن بیرقطاری نینگ احوالی آغیر دیېلگن.
روسیه نینگ داغستان جمهوریتیده ایکّی کلیسا و بیر کنیسه ده قوراللی هجوم عاقبتیده توقیز کیشی هلاک بولگن. روسیه یېتکرمهلری نینگ معلوماتی اساسیده ۳-سرطان، یکشنبه دن دوشنبه گه اوتر کیچه اوشبو هجوم عاقبتیده یېتّی عسکر شامل توقیز کیشی هلاک بولیب و چمهسی ۲۵ کیشی یرهلنگن.
اسرائیل حربی کوچلری نینگ غزه شمالی حدودلریده هوا هجوملری عاقبتیده فلسطینلیک ۴۲ کیشی قربان بولگن. معلوماتلر گه کوره، اسرائیل حربی کوچلری ۲-سرطان، شنبه کونی غزه شمالی حدودلری الطوفه منطقهسی و ساحل کمپی گه هجوم اۉیوشتیرگن. خلقارا یېتکرمهلر نینگ معلوماتی اساسیده، سۉنگی بیر کیچه-کوندوز ایچیده اسرائیل نینگ غزه ده هوا هجوملری عاقبتیده فلسطینلیک ۱۰۱ کیشی قربان بولیب و باشقه ۱۶۹ کیشی یرهلنگن.
فلسطین ساغلیقنی سقلش وزیرلیگی، اسرائیل نینگ «المواسی» منطقهسی که بوندن آلدین اسرائیل تامانیدن تینچ منطقه تعیینلنگن اېدی هجوملری عاقبتیده، چمهسی ۲۵ کیشی هلاک بولیب و باشقه ۵۰ کیشی یرهلنگنینی معلوم قیلگن.
امریکا نینگ آکانزاس ایالتیده بیر سوپر مارکیت ده اوق آتیشمه ده اوچ کیشی هلاک بولیب و باشقه ایکّی پولیس شامل ۱۰ کیشی یرهلنگن. خلقارا یېتکرمهلر نینگ معلوماتی اساسیده، بو واقعه ۱-سرطان، جمعه کونی امریکا نینگ آرکانزاس ایالتی حدودلری گه قرهشلی فوردایس شهری ده یوز بیرگن. معلوماتلر گه کوره، هجومچی پولیس کوچلری بیلن توقنشووده یرهلنگن.
حزبالله لبنان، اسرائیل نینگ توقیز حربی پایگاهسیگه راکته و پهپاد بیلن هجوم اۉیوشتیرگنینی معلوم قیلگن. رویترز آژانسی گه کوره، حزبالله لبنان ۲۴-جوزا، پنجشنبه کونی اسرائیل نینگ حرب پایگاهلری گه هجوم اۉیوشتیرگن. حزبالله، کاتیوشا و فلق راکتهلرینی اسرائیل نینگ آلتی حربی مکانی تامان آتگنینی ادعا قیلگن.
حزبالله لبنان، اۉتگن کون اسرائیل نینگ هوا هجوملری عاقبتیده ییریک بیر قوماندانی هلاک بولیشی گه مناسبت بیلدیریب بوگون (۲۳-جوزا، چهارشنبه) اسرائیل تامان چمهسی ۱۶۰ موشک آتگن. شو بیلن بیرگه، حزبالله باشقریلهدیگن یوزلب موشک و کاتیوشا راکته اسرائیل نینگ شمالی حدودلری گه آتگنینی اعلام قیلگن.
العربیه گزارشی اساسیده، اسرائیل حربی کوچلری ۲۲-جوزا، سهشنبه کونی لبنان جنوبی حدودلری «جویا» شهری ده حزبالله نینگ قرارگاهلرینی نشانگه آلگن، بو هجوم عاقبتیده حزبالله لبنان نینگ چمهسی تورت ییریک قوماندانی جمله دن گردان النصر قوماندانی «ابوطالب» هلاک بولگن.
خلقارا یېتکرمهلر، بیرلشگن ملتلر تشکیلاتی خوفسیزلیک کینگشی ۱۰-جون، دوشنبه کونی غزه ده اسرائیل و حماس اۉرتهسیده آتیش کېسین برقرار اېتیلیشی اوچون امریکا قۉشمه ایالتلری جمهور باشلیغی جوبایدن نینگ تکلیفینی قۉللب-قوتلهگنی حقیده گزارش بیرگنلر.
غزه ده اسرائیل حربی کوچلری نینگ آوارهلر توپلنگن مدرسه ده هوا هجومی عاقبتیده ۳۲ کیشی قربان بولگن. الجزیره خبری ترماغی گه کوره، اسرائیل حربی کوچلری بوگون (۱۷-جوزا، پنجشنبه) بامداد چاغی، غزه نینگ نصیرات منطقهسیده بیرلشگن ملتلر تشکیلاتی گه عاید یوزلب فلسطینلیک آواره توپلنگن مدرسهنی نشانگه آلگن.
غزه مرکزی و جنوبی ده قاچقینلر نینگ ایکّی کمپیده اسرائیل حربی کوچلری نینگ ییر و هوا هجوملری عاقبتیده چمهسی ۱۹ کیشی هلاک بولیب و باشقه اونلب کیشی یرهلنگن. رویترز گه کوره، اسرائیل حربی کوچلری ۱۵-جوزا، سهشنبه کونی غزه مرکزی و جنوبی ده «البریج، المغازی و النصیرات» کمپلریده هجوم اۉیوشتیرگن.
اوکراین رسمیلری، روسیه حربی کوچلری اوشبو مملکت نینگ بیرقطار منطقهلریده کېنگ کولملی راکته هجوم اویوشتیریب و بیش منطقه ده سوو آست قورمهلری گه نقصان یېتکزگنینی معلوم قیلگنلر.
افغانستان سرپرست حکومت ایچکی ایشلر وزیرلیگی مسئوللری، بامیان شهری ده قوراللی هجوم تلفاتی آلتی کیشی گه یېتگنینی معلوم قیلگن.
بدخشان ولایتی ارگو تومنی یشاوچیلری نینگ اسلام امیرلیگی خوفسیزلیک کوچلری بیلن توقنشووی عاقبتیده اوچ کیشی هلاک بولیب و باشقه ۱۰ کیشی یرهلنگن. بدخشان دهگی محلی منبعلر نینگ سلاموطندار گه ایتیشلریچه، ارگو تومنی «برلاس شمر» قیشلاغیده خوفسیزلیک کوچلر و محل یشاوچیلری اۉرتهسیدهگی توقنشووده، اوچ کیشی هلاک بولیب و باشقه ۱۰ کیشی یرهلنگن.
