ایران و اسرائیل آرهسیده توقنشوولرنینگ یکونلنیشی اوچون دیپلماتیک سعیوحرکتلر دوام قیلهیاتگنی بیرحالده، ایران بوگون ایرتهلب (۳۰-جوزا، جمعه)، راکته هجوملرینینگ ینگی تولقینی بیلن اسرائیل نی نشانگه آلگن.
ایران و اسرائیل اورتهسیده توقنشوولرنینگ ییتینچی کونیده، ایککی تامان بیر-بیرلرینینگ توپراغی گه هجوم اویوشتیریب و هجوملرینی آشیریش حقیده آگاهلنتیرگنلر.
اسرائیل ییتکرمهلری، ایران آرقهلی اویوشتیریلگن راکته هجوملرینینگ ینگی باسقیچیده، یرهلنگنلر سانی آشگنیدن خبر بیرگنلر.
فلسطین ساغلیقنی سقلش وزیرلیگی، اوتگن بیر کیچه-کوندوز ایچیده، اسرائیل اردوسینینگ غزه تورلی حدودلریده اویوشتیرگن هجوملری عاقبتیده چمهسی ۱۴۴ کیشی قربان بولگنینی بیلدیرگن.
ایران و اسرائیل اورتهسیده اوروش دوام اېتماقده اېکن، اسرائیل ایران راکتهلرینی اۉز مملکتی هواسیده یوق قیلیش اوچون، راکته گه قرشی مدافعه تیزیملری یېتیشمسلیگی بیلن دوچ کېلماقده. ایران یېتکرمهلرینینگ معلوماتی اساسیده، ۲۷-جوزا، سهشنبهدن چهارشنبه گه اوتر کیچه، ایران «فتاح-۱» راکتهلری بیلن اسرائیل گه هجوم اویوشتیرگن.
ایران یېتکرمهلرینینگ معلوماتی اساسیده، اسرائیل اردوسی بوگون (۲۸-جوزا، چهارشنبه) بامداد چاغی، عسکرلیک بیلیم یورتی، امام حسین تربیتی و شونینگدیک تهران شرقیده «خجیر» راکته ایشلب چیقرووچی آست قورمهلرنی نشانگه آلگنینی معلوم قیلگنلر.
ایران اسلامی جمهوریتینینگ مذهبی لیدری آیتالله علی خامنهای، «خیبر اوروشی» ینگی باسقیچی باشلنگنینی معلوم قیلدی. خامنهای، بوگون (۲۸-جوزا، چهارشنبه) ایرتهلب بامداد چاغی، ایکس صحیفهسیده بو حقده خبر بیرگن. ایران یېتکرمهلری، اوشبو مملکت «فتاح-۱» راکتهلرینی اسرائیل تامان آتگنیدن خبر بیرگن بیرحالده، خامنهای خیبر اوروشی باشلنگنینی بیلدیرگن.
اسرائیل و ایران اوروشنینگ بیشینچی کونیده هم، بیر بیرینینگ مملکتیگه هجوملرینی دوام بیرگنلر. اسرائیل بوگون تهراننینگ بیر قطار بولیملری و کاشان همده تبریز شهرلرینی نشان گه آلگن که اوشبو هجوملر نتیجهسیده، ایران اهالیسیدن قطاری اولیب و یرهلنگن.
عرب و منطقهدهگی ۲۰ دولت تشقی ایشلر وزیرلری قۉشمه بیانیه صادر قیلیب، اسرائیلنینگ ایران گه هجوملرینی قتیق قارهلب و توقنشوولریگه تیزلیک بیلن چېک قوییشلرینی سورهگنلر.
اسرائیل ییتکرمهلرینینگ گزارش بیریشیچه، بوگون ایرتهلب (۲۷-جوزا، سهشنبه)، ایران اسرائیل توپراغیده نیچه بولیم جملهدن تلآویو و اورشلیم نی راکته هجوملری بیلن نشانگه آلگن.
اوکراین رسمیلرینینگ اعلام قیلیشیچه، روسیه آرقهلی بو مملکتنینگ بیر قطار بولیملریگه اویوشتیریلگن پهپاد و راکته هجوملری نتیجهسیده، کمیده ۱۵ کیشی اولیب و ۷۵ دن آرتیق کیشی یرهلنگن.
اسرائیلنینگ تهران ده صداوسیما بناسیگه اویوشتیرگن هجومی نتیجهسیده، بو ییتکرمهنینگ یرهلنگن ایکی ایشلاوچیسی، جانلرینی قولدن بیرگنلر.
خلقارا ییتکرمهلرنینگ گزارش بیریشیچه، دوشنبه کونی ایرتنگ چاغیدن حاضرگچه نوار غزه گه اسرائیل اردوسینینگ اویوشتیرگن هجوملریده، کمیده ۵۶ فلسطینلیک قربان بولگن.
اسرائیل باش وزیری ادارهسینینگ اعلام قیلیشیچه، جمعه کونی توقنشوولر باشلنگنیدن دوشنبه کونی ایرتهلیگچه، اسرائیل ده قریب ۲۴ کیشی هلاک بولیب و ۵۹۲ کیشی یرهلنگن.
العربیه، اسرائیل امنیتی منبعلریدن نقل قیلیب، ایران اسرائیللیک حربی منبعلر و قوماندانلرنینگ یشش اویلرینی نشانگه آلیشنی باشلهگنینی معلوم قیلگن. عینحالده، ۲۵-جوزا، یکشنبهدن دوشنبه گه اوتر کیچه، ایران اسرائیل پایتختی تلآویو شامل حیفا و باشقه بیرقطار شهرلرینی نشانگه آلگن.
خلقارا ییتکرمهلرنینگ گزارش بیریشیچه، اوتگن کیچه اسرائیل گه ایراننینگ اویوشتیرگن راکته هجوملری نتیجهسیده، کمیده اوچ کیشی اولگن که توپلم شکلده قربانیلر رقمی ۱۷ کیشیگه ییتیشگن. «سیانان» خبری ترماغینینگ گزارش بیریشیچه، مذکور اوچ کیشی اسرائیل پایتختی تلآویو ده هلاک بولگنلر.
