اسلام امیرلیگی باش وزیرینینگ اقتصادی اورین باسری عبدالغنی برادر باشچیلیگیده ملی تدارکات کمیسیونینینگ نوبتی ییغیلیشیده، ۳.۳ میلیارد افغانی قیمتی گه ۶ لایحه منظور قیلینگن. اسلام امیرلیگی اقتصادی اورین باسرلیگی، ۱۸-عقرب، یکشنبه کونی بیر بیانیه ترقهتیب بو حقده خبر بیرگن. بیانیه گه کوره، اوشبو ییغیلیشده اوزهتیلگن ۱۸ لایحهدن ۶ تهسی منظور قیلینگن.
تورکیهنینگ استانبول شهریده افغانستان و پاکستان هیئتلری اورتهسیده اوچینچی باسقیچ مذاکرهلر ایریم قیینچلیکلر بیلن اۉتکزیلیب و نهایت نتیجهسیز توگهدی. بو مذاکرهلر توگهشیدن سۉنگ، منطقه مملکتلری بیرین-کیتین، کابل و اسلامآباد اورتهسیده آتیش کېسین و دیپلماتیک مذاکرهلر دوام ایتیشینی سورهگنلر.
اسلام امیرلیگی اقتصاد وزیرلیگینینگ اعلام قیلیشیچه، اقتصاد وزیری دینمحمد حنیف، مملکت گه قیتگن قاچقینلر قیینچیلیکلری حلی توغریسیده، افغانستان ده بیرلشگن ملتلر تشکیلاتینینگ اورینباسرلیک هیئت ادارهسی (یوناما) و خلقارا قاچقینلر تشکیلاتی نمایندهلری بیلن اوچرهشگن.
قاچقینلر قیینچیلیکلرینی حل قیلیش بوییچه عالی کمیسیونی، بیر کونده ایران و پاکستان دن ۱۲ مینگ ۴۵۵ افغانستانلیکنینگ چیقریلگنینی معلوم قیلگن.
فلسطین ساغلیقنی سقلش وزیرلیگینینگ اعلام قیلیشیچه، ۲۰۲۳-ییلدن حاضرگچه نوار غزه گه قرشی اسرائیل اوروشی تلفاتی، ۶۹ مینگ کیشیدن آشگن.
امریکا قۉشمه ایالتلرینینگ سابق جمهور باشلیغی جوبایدن عملدهگی رهبر دونالد ترامپنی بو مملکتنی شرمنده قیلماقدهلیکده عیبلهدی. بایدن بو سۉزلرنی دموکرات حزبینینگ اوماها دهگی تدبیریده بیان قیلگن. بایدننینگ تأکیدلشیچه، ترامپ امریکالیکلر اونگه اېمس، بلکی او امریکالیکلر گه خذمت قیلهیاتگنینی انگلشی کېرهک.
بلخ ده مسئوللر، تورکمنستاننینگ انسانسیورلیک یاردملری افغانستان گه ییتیب کیلگنیدن خبر بیرگنلر. مسئوللرنینگ ایتیشلریچه، مملکت شمالیده یوز بیرگن زلزله نتیجهسیده زیان کورگنلرگه یاردم بیریش مقصد کورسهتیلگن بو یاردملر، (۱۷-عقرب، شنبه)، ایکی مملکت رسمیلرینینگ حضوری بیلن آقینه بندری آرقهلی مملکت گه ییتیب کیلگن.
اسلام امیرلیگی سۉزلاوچیسی ذبیحالله مجاهد، ۱۷-عقرب، شنبه کونی مطبوعاتی ییغیلیشده، پاکستان هیئتینینگ مسئولیتسیز و همکارلیکسیز حرکتی سبب مذاکرهلر جریانی توختهتیلیب و نتیجهسیز یکونلنگنینی اعلان قیلدی.
تورکیه دولتی، اسرائیل باش وزیری بنیامین نتانیاهو و بو مملکتنینگ باشقه بیرقطار ییریک رسمیلرینی، غزه اوروشی جریانیده «قیرغین قیلیش و بشریت گه قرشی جنایت» عیبی بیلن قولگه آلیش بویروغینی صادر قیلگن.
مجاهد جنابلریگه کوره، ایکی مملکت اورتهسیدهگی کېسکینلیکلر توبدن حل اېتیلیشی مقصدیده کابل بو مذاکرهلرده اشتراک اېتگن اېدی؛ بیراق پاکستان هیئتی مذاکرهلر دوامیده اۉزیگه عاید برچه خوفسیزلیک مسئولیتلرنی اسلام امیرلیگی گه یوکلشگه سعی-حرکت قیلگن و افغانستان خوفسیزلیگی یا کی حتا اۉز خوفسیزلیگی بارهسیده هم هر قندهی مسئولیتنی تن آلیشدن باش تارتگن.
قندوز امنیه قوماندانلیگی سوزلاوچیسی جمعهالدین خاکسارنینگ ایتیشیچه، بوگون ایرتهلب (۱۶-عقرب، جمعه)، ساعت ۷:۳۰ اطرافیده، قندوز شهرینینگ سکیزینچی خوفسیزلیک حوزه حدودلریده جایلشگن «شهرک سر دوره» منطقهسیده، پارتلش یوز بیرگن.
منبعلر سلاموطندار بیلن صحبتده، پاکستان حربی کوچلی قندهارنینگ اسپینبولدک تومنیده اسلام امیرلیگی چېگرهچیلرینینگ پوستهلریگه آغیر-یینگیل قورال بیلن هجوم اویوشتیرگن و اونینگ نتیجهسیده آتیش کېسین بوزیلیب و محل یشاوچیلری «ویش» بازاری حدودلریدن اوی-جایلرینی ترک اېتماقدهلیگینی اېتگن.
اسلام امیرلیگی و پاکستان هیئتلری اورتهسیده اوچینچی باسقیچ مذاکرهلر، ۱۵-عقرب، پنجشنبه کونی تورکیهنینگ استانبول شهریده اۉتکزیلهدی. پاکستان «دان» کوندهلیگی، ایکیله تاماننینگ مذاکره قیلووچی هیئتلری اوتگن کون ایکی کونلیک مذاکره اوچون استانبول گه یېتیب بارگنلرینی ایتگن.
خلقارا ییتکرمهلرنینگ گزارش بیریشیچه، ینگی موردده حماس گروگه آلینگن اسرائیللیکلردن بیرینینگ جسدینی خلقارا قیزیل خاچ کمیتهسی آرقهلی اسرائیل رسمیلریگه تاپشیرگن.
اۉزبېکستان و افغانستان مملکتده توقیمهچیلیک (نساجی) صناعتینی تیکلش بوییچه قۉشمه دستورینی عملگه آشیریشنی باشلهگن.
احصائیه و معلومات ملی ادارهسی، قویاش ۱۴۰۴-ییلده مملکت مقیاسیده ۴.۵۴ میلیون متریک تُن بوغدای یېتیشتیریلگنینی معلوم قیلگن. اوشبو اداره، ۱۴-عقرب، چهارشنبه کونی بیر بیانیه ترقهتیب بو حقده خبر بیرگن. بیانیه گه کوره، مملکت مقیاسیده یېتیشتیریلگن اوشبو مقدار بوغدایدن ۴.۱۳ میلیون متریک تُنی آبی و ۴۰۴ مینگ متریک تُنی دیمه (للمی) بولگن.
