اسلام امیرلیگی باش وزیرینینگ اقتصادی اورین باسری عبدالغنی برادر، مملکت سودا و صناعتچیلری بیلن اوچرهشووده، سودانی امکان قدر تیزراق پاکستاننینگ بدیل یوللری آرقهلی باشلشلرینی سورهگن. اسلام امیرلیگینینگ اقتصادی اورین باسرلیگی بوگون (۲۱-عقرب/۱۲-نومبر، چهارشنبه) بیر بیانیه ترقهتیب، بو حقده خبر بیرگن.
فلسطین رسمیلرینینگ اعلام قیلیشیچه، اوتگن بیرکیچه و کوندوزده نوار غزه بویلب اسرائیل آرقهلی اویوشتیریلگن هجوملر نتیجهسیده، اوچ کیشی قربان بولگن.
اسلام امیرلیگی تشقی ایشلر وزیرلیگی، هندوستان و پاکستانده یوز بیرگن پارتلشلرنی قارهلهدی.
ایکینچلیک، سووغاریش و چاروهچیلیک وزیرلیگی، قویاش ۱۴۰۴-ییلده اوشبو ولایتده لیمو یېتیشتیریش ۷ فایز گه آشگنینی معلوم قیلگن.
پاکستان پایتختی اسلامآباد ده اویوشتیریلگن پارتلشده ۶ کیشی هلاک بولیب و کمیده ۱۲ کیشی یرهلنگن.
پنجشیر محلی رسمیلرینینگ معلوم قیلیشیچه، اوشبو ولایت کانلریدن ینگی قزیب آلینگن ایکی مینگ ۸۰۷ قیراط زمرد، ۱.۹ میلیون افغانیدن آرتیق قیمتبها تاشلر سوداگرلریگه ساتیلگن.
تورکیه دولت رهبری رجب طیب اردوغان، بو مملکتنی برچه ساحهلرده دنیا بیلن رقابت قیله آلهدیگن قدرتلی مملکت گه ایلنتیرگنینی بیلدیردی. اردوغان جنابلری، بو سۉزلرنی تورکیه جمهوریتی تیزیمینینگ اساسچیسی و تورک خلقینینگ ییریک تاریخی سیمالریدن بولمیش مصطفی کمال آتاتورکنینگ وفاتی ۸۷-ییللیگی مناسبتی بیلن انقرهده اۉتکزیلگن ییغیلیشده بیان قیلگن.
هندوستان پایتختی ینگی دهلینینگ اېنگ مهم سیاحتی جاذبهلری و تاریخی بناسی «قیزیل قلعه» یقینیده اویوشتیریلگن پارتلش عاقبتیده، چمهسی ۹ کیشی هلاک بولگن و ۱۹ کیشی یرهلنگن. بو پارتلش باشقه نیچه موترنینگ آلاو آلیشیگه سبب بولگن. فرانسه آژانسی بوگون (۲۰-عقرب، سهشنبه) عینی گواهلر گه اساسلنیب ایتیشیچه، آلاو النگهسی اهالی و موترلرنی قمرهب آلیب حتا بعضی کیشیلر موترلری ایچیده آغیر کویگن.
تورکیه، بو مملکتنینگ یوقاری مرتبهلی عملدارلری اشتراکیده بیر هیئت اوشبو هفته پاکستان گه باریشینی معلوم قیلگن. بو هیئت پاکستان رسمیلری بیلن کابل و اسلامآباد اورتهسیده مذاکرهلرنینگ قیته باشلنیشی احتمالی حقیده صحبت قیلهدی.
بیرلشگن ملتلر تشکیلاتینینگ بالهلرنی قۉللب-قوتلش صندیغی (یونیسف)، اوشبو میلادی ییلده افغانستانده ۷۰ «بالهلر رواجلنیش مرکزی» قوریلگنینی بیلدیرگن. یونیسف، ۱۹-عقرب، دوشنبه کونی ایکس صحیفهسیده بیر بیانیه ترقهتیب، اوشبو ۷۰ مرکزده، ۲۰ مینگدن آرتیق باله گه خذمت کورسهتیلگن و آنهلر و بالهلر اورتهسیدهگی علاقهنی مستحکملش گه مهم رول اوینهگن دیب یازگن.
بادغیس امنیتی مسئوللری، اوشبو ولایتنینگ بالامرغاب تومنیده اوتگن اوروشلردن قالگن ماین پارتلشی عاقبتیده ایکی باله هلاک بولگنیدن خبر بیرگنلر.
افغانستاننینگ جرمنی بُن شهریده قنسولگرلیگی بیر بیانیه ترقهتیب، ۱۹-عقرب، دوشنبه کونی رسمی طرزده فعالیتینی قیته باشلشینی اعلان قیلگن.
اسلام امیرلیگی باش وزیرینینگ اقتصادی اورین باسری عبدالغنی برادر باشچیلیگیده ملی تدارکات کمیسیونینینگ نوبتی ییغیلیشیده، ۳.۳ میلیارد افغانی قیمتی گه ۶ لایحه منظور قیلینگن. اسلام امیرلیگی اقتصادی اورین باسرلیگی، ۱۸-عقرب، یکشنبه کونی بیر بیانیه ترقهتیب بو حقده خبر بیرگن. بیانیه گه کوره، اوشبو ییغیلیشده اوزهتیلگن ۱۸ لایحهدن ۶ تهسی منظور قیلینگن.
تورکیهنینگ استانبول شهریده افغانستان و پاکستان هیئتلری اورتهسیده اوچینچی باسقیچ مذاکرهلر ایریم قیینچلیکلر بیلن اۉتکزیلیب و نهایت نتیجهسیز توگهدی. بو مذاکرهلر توگهشیدن سۉنگ، منطقه مملکتلری بیرین-کیتین، کابل و اسلامآباد اورتهسیده آتیش کېسین و دیپلماتیک مذاکرهلر دوام ایتیشینی سورهگنلر.
اسلام امیرلیگی اقتصاد وزیرلیگینینگ اعلام قیلیشیچه، اقتصاد وزیری دینمحمد حنیف، مملکت گه قیتگن قاچقینلر قیینچیلیکلری حلی توغریسیده، افغانستان ده بیرلشگن ملتلر تشکیلاتینینگ اورینباسرلیک هیئت ادارهسی (یوناما) و خلقارا قاچقینلر تشکیلاتی نمایندهلری بیلن اوچرهشگن.
قاچقینلر قیینچیلیکلرینی حل قیلیش بوییچه عالی کمیسیونی، بیر کونده ایران و پاکستان دن ۱۲ مینگ ۴۵۵ افغانستانلیکنینگ چیقریلگنینی معلوم قیلگن.
