افغانستان مرکزی بانکی ۱۶ میلیون دالرنی لیلام شکلده ساته‌دی
افغانستان مرکزی بانکی گه کوره، افغانی پول نرخینی مملکت بازارلریده ثابت سقلش مقصدیده، یک‌شنبه کونی، ۱۶ دلو، ۱۶ میلیون امریکالیک دالرنی داوطلب‌لیک آرقه‌لی لیلام شکلده ساته‌دی.
افغانستان مرکزی بانکی گه کوره، افغانی پول نرخینی مملکت بازارلریده ثابت سقلش مقصدیده، یک‌شنبه کونی، ۱۶ دلو، ۱۶ میلیون امریکالیک دالرنی داوطلب‌لیک آرقه‌لی لیلام شکلده ساته‌دی.
کابل امنیه قوماندان‌لیگی نینگ سوزلاوچیسی خالد زدران نینگ ایتیشیچه، شنبه کونی، ۱۵ دلو، ساعت ۶:۰۰ اطرافی ده کابل شهری نینگ ایکینچی خوفسیزلیک حوزه حدودلری جاده‌ی پشتونستان ساحه‌سیده، پارتلش یوز بیرگن.
افغانستان ایشلری بوییچه امریکا نینگ مخصوص نماینده‌سی توماس وست نینگ جرمنی گه سفری و افغانستان وضعیتی خصوصیده مذکور مملکت نینگ سیاسی رسمی‌لری بیلن ملاقات قیلیشیدن کیین، افغانستان اوچون اروپا اتفاقی نینگ مخصوص نماینده‌سی، پاکستان نینگ سیاسی رسمی‌لری بیلن اوچره‌شیب و ملاقات قیلگنیدن خبر بیرگن.
جوزجان خوفسیزلیک مسئوللری، اوشبو ولایت مرکزی شبرغان شهری نینگ بیشینچی خوفسیزلیک سمتی حدودلریده، بیر ییگیت نینگ جسدی تاپیلگنیدن خبر بیره‌دیلر. جوزجان امنیه قوماندان‌لیگی نینگ جنایی جرم‌لر گه قرشی کوره‌ش مدیری غلام‌رسول احمدی نینگ سلام‌وطندار گه ایتیشیچه، خوفسیزلیک کوچلر تامانیدن بیر ییگیت نینگ جسدی تاپیلگن و کرمینالوژی تحقیقات اوچون اوشبو مدیریت گه تاپشیریلگن.
بلخ امنیتی مسئوللری، اوشبو ولایت ده بیر عایله نینگ ۷ اعضاسی اولدیریلگنیدن خبر بیره‌دیلر. بلخ امنیه قوماندان‌لیگی سوزلاوچیسی محمدآصف وزیری نینگ ایتیشیچه، اوشبو واقعه جمعه کیچه، ۱۴ دلو، بلخ ولایتی چمتال تومنی «جرقلعه» قیشلاغیده یوز بیرگن.
افغانستان اوچون روسیه نینگ مخصوص نماینده‌سی ضمیر کابلوف نینگ ایتیشیچه، کیله‌سی هفته اوشبو مملکت پایتختی مسکو ده افغانستان خصوصیده خوفسیزلیک ییغیلیش یولگه قوییلیشی ممکن. افغانستان اوچون روسیه نینگ مخصوص نماینده‌سی ضمیر کابلوف جمعه کونی، ۱۴ دلو، تاس آژانسی بیلن اوتکزگن صحبتیده، مذکور ییغیلیش کیله‌سی هفته اوتکزیلیشی ممکن دیگن.
معلومات و مدنیت وزیرلیگی ده میدیالر نینگ نشراتینی نظارت قیلیش باشلیغی عبدالحق حماد، پنج‌شنبه کیچه، ۱۳ دلو، اوز توییتری ده بیلیم یورت اوقیتووچیسی اسماعیل مشعل قولگه آلینیشینی تصدیقلب یازیشیچه، خوفسیزلیک نهادلر اونی تحقیق اوچون آلیب کیتگنلر.
افغانستان ایشلری بوییچه امریکا نینگ مخصوص نماینده‌سی توماس وست، افغانستان ده قیز اوقووچیلر نینگ تعلیمی و عیاللر ایشی توخته‌تیلیشی گه دایر منطقه‌وی سفرلرینی باشلش بیلن، امریکا تشقی ایشلر وزیری آنتونی بلینکن نینگ ایتیشیچه، اسلام امیرلیگی اوز قرارلرینی بیکار قیلمه‌گن تقدیرده امریکا تامانیدن چیکلاو و ایریم باسیم‌لر کیلتیریلیب و اولر گه ویزه بیریلمه‌ی، امریکا و دنیا همجمعیت تامانیدن حرمت قیلینمه‌یدیلر.
ملی مدافعه وزیرلیگی اوز توییتری ده، اوشبو وزیرلیک سرپرستی محمدیعقوب مجاهد و اسلام امیرلیگی اردو ستاد باشلیغی فصیح‌الدین فطرت، چهارشنبه، ۱۲ دلو، اوشبو وزیرلیک مقری ده سابق دولت رسمی‌لری و جنرال‌لریدن بیرقطاری بیلن اوچره‌شگن‌لریدن خبر بیرگن.
خلق‌ارا تینیق‌لیک تشکیلاتی اداری فساد گه قرشی کوره‌ش اداره‌سی نینگ معلوماتی اساسیده، افغانستان ۲۰۲۲_ییل ده ۲۴ امتیاز کسب ایتیش بیلن ۱۵۰_ اوریننی ایگلله‌گن.
افغانستان ایشلری بوییچه امریکا نینگ مخصوص نماینده‌سی توماس وست نینگ منطقه‌وی سفرلرینی باشله‌شیگه دایر امریکا قوشمه ایالت‌لری تشقی ایشلر وزیرلیگی نینگ اعلامیه‌سی سونگی کون‌لریده، جناب وست پاکستان گه ایکی کون‌لیک سفری و اوشبو مملکت تشقی ایشلر وزیرلیگی رسمی‌لری بیلن اوچره‌شگنیدن خبر بیره‌دی.
مملکت تشقی ایشلر وزیرلیگی نینگ سرپرستی امیرخان متقی، پاکستان حکومتی دن، اوشبو مملکت نینگ ایچکی خوفسیزلیک قیینچیلیکلرینی اسلام امیرلیگی گه نسبت بیرمسلیگینی سوره‌گن. تشقی ایشلر وزیرلیگی سرپرستی نینگ کوپه‌یتیریشیچه: «پاکستان وزیرلری دن، تام‌لری اوستیده‌گی قارنی باشقه‌لر نینگ تامی اوستیگه تشلمه‌ی، ایچکی قیینچیلیکلرنی اوزلری حل قیلیشینی ایسته‌ی من.»
افغانستان نینگ پاکستان ده‌گی ایلچیخانه‌سی، اوشبو ایلچیخانه و کراچی شهری ده افغانستان جنرال قنسولی نینگ سعی‌وحرکتی طفیلی، افغانستان‌لیک ۱۲۰ مهاجر قوییب یوباریلگنیدن خبر بیرگن. مذکور افغانستان‌لیکلر، یشش اوچون قانونی حجت‌لری یوق‌لیگی طفیلی پاکستان پولیسی تامانیدن قولگه آلینگن ایدیلر.
اسلام امیرلیگی نینگ آمو دریا اطرافی تخریب‌لرینی تیکشیریش اوچون یوللـه‌گن هیئتی گه کوره، آمو دریا اطرافی تخریب‌لرینی آلدینی آلیش و دریا قیرغاغ‌لرینی مستحکم‌لش، اسلام امیرلیگی توانیدن یوقاری دیر.
کابل و ولایت‌لرده پاسپورت توزیع قیلیش جریانی توخته‌تیلیشیدن تخمیناً بیش آی دن کوپ اوتماقده دیر. کابل یشاوچیلریدن قطاری پاسپورت توزیع قیلینیش جریانی توخته‌تیلیشیدن شکایت قیلیب ایتیشلریچه، پاسپورت قاره بازار ده کوپ پول عوضی گه ساتیله‌دی.
ایچکی ایشلر وزیرلیگی مسئوللری نینگ ایتیشلریچه، سونگی بیر ییل ده مملکت مقیاسیده ۳۶۹ خودکش واقعه شامل ۱۵۹۱ قتل واقعه ثبت ایتیلگن. ایچکی ایشلر وزیرلیگی سوزلاوچیسی نینگ اورین باسری بسم‌الله حبیب گه کوره، اوشبو قتل‌لر گه دایر ۱۸۰۰ کیشی حبس گه آلینگن و سندلری تیکشیریلیشیدن کیین عدلی و قضایی نهادلر گه یوباریله‌دی.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش