میدان‌وردک ده هاوان اوقی پارتلشی عاقبتیده بیر باله هلاک بولیب و باشقه بیر باله یره‌لندی
میدان‌وردک امنیه قوماندان‌لیگی مسئوللری، اوشبو ولایت ده هاوان اوقی پارتلشی عاقبتیده ایکی باله اولیب و یره‌لنگنیدن خبر بیره‌دیلر.
میدان‌وردک امنیه قوماندان‌لیگی مسئوللری، اوشبو ولایت ده هاوان اوقی پارتلشی عاقبتیده ایکی باله اولیب و یره‌لنگنیدن خبر بیره‌دیلر.
جمهورلیک ریاستی سرای (ارگ) اوز توییتری ده، پنج‌شنبه کونی، ۴ جوزا، اسلام امیرلیگی باش وزیرلیگی نینگ اداری اورین باسری عبدالسلام حنفی، قندوز ولایتی دین عالم‌لریدن بیرقطاری بیلن اوچره‌شگنیدن خبر بیرگن. اوشبو اوچره‌شووده مفتی عبدالغفور و خال‌محمد، باشقه‌لر نماینده‌لیگیدن دینی مدرسه‌لر، تعلیم و تربیه، ساغلیک و قندوز یشاوچیلری نینگ قیینچیلیک‌لری حقیده ایضاح کیریتگنلر.
ناروی مهاجرلر کینگشی (ان‌آرسی) باش کاتبی یانگ ایگلند نینگ سلام‌وطندار گه ایتیشیچه، ینگی‌لیکده اسلام امیرلیگی رسمی‌لری بیلن اوچره‌شگندن کیین، اوشبو نهاد نینگ عیال ایشلاوچیلری تیزلیک بیلن ایش گه قیتیش گه امیدوار دیر. جناب ایگلند، افغانستان گه ایکینچی دور سفری دایره‌سیده قندهار و کابل ده اسلام امیرلیگی رسمی‌لری بیلن اوچره‌شگن.
مملکت تشقی ایشلر وزیرلیگی، پاکستان قماقخانه‌لریدن افغانستان‌لیک ۶۶ مهاجر قوییب یوباریلگنیدن خبر بیرگن. مملکت تشقی ایشلر وزیرلیگی سوزلاوچیسی نینگ اورین باسری ضیااحمد تکل اوز توییتری ده، چهارشنبه کونی، ۳ جوزا، پاکستان نینگ سند ایالتی قماقخانه‌لریدن افغانستان‌لیک ۶۶ مهاجر قوییب یوباریلگنینی یازگن.
غور امنیتی رسمی‌لری، اوشبو ولایت ده علیحده ایکی واقعه ده ایکی کیشی هلاک بولگنیدن خبر بیره‌دیلر. غور امنیه قوماندان‌لیگی مطبوعاتی دفتری بیر بیانیه ترقه‌تیب ایتیشیچه، مذکور ولایت نینگ تیوره تومنیده دکانی بولگن بیر کیشی، چهارشنبه کونی، ۳ جوزا، اویی تامان باریش پیتیده نامعلوم قوراللی کیشی‌لر تامانیدن آتیب اولدیریلگن.
بیرلشگن ملت‌لر تشکیلاتی باش کاتبی آنتونیو گوترش، سه‌شنبه کونی، ۲ جوزا، ترقه‌تگن بیانیه‌سیده، دنیا اولکه‌لری جهان اوروش‌لریده تینچ اهالینی حمایه قیلیش ده ناکام قالگنینی ایتگن. بیرلشگن ملت‌لر تشکیلاتی تامانیدن ترقه‌لگن معلومات اساسیده، ۲۰۲۲_ییل ده دنیا بویلب اوروش‌لرده قریب ۱۷ مینگ تینچ اهالی هلاک بولیب و باشقه میلیون‌لرچه کیشی آواره بولگن، اوشبو گزارش اساسیده تینچ اهالی تلفاتی ۲۰۲۱_ییل گه نسبتن ۵۳ فایز آشگن.
پاکستان میدیالری نینگ معلوماتی اساسیده، آصف‌علی درانی افغانستان ده اوشبو مملکت نینگ مخصوص نماینده‌سی اوله‌راق ایتیب تعینلنگن.
ینگی‌لیکده، بیرلشگن ملت‌لر تشکیلاتی عیاللر بولیمی، اسلام امیرلیگی تامانیدن عیاللر گه یره‌تیلگن چیکلاولر دوامیدن خواطر بیلدیرگن. مذکور نهاد نینگ عیاللر بولیمی بیر بیانیه ترقه‌تیب ایتیشیچه، اوز قاعده‌لری دن آرتگه چیکینمه‌یدی و افغانستان ده یالغیز ایرکک‌لر بیلن فعالیتی گه دوام بیریش اوچون تیار ایمس دیر.
تورکیه جمهورلیک ریاستی سیلاوی بیرینچی باسقیچیده هیچ بیر نامزد تعینلنگن آوازنی تولدیره آلمسلیگی باعث ایکینچی باسقیچ گه اوتدی، تورکیه جمهورلیک ریاستی بیرینچی باسقیچیده «اتا» ائتلافی دن نامزد بولگن سنان اوغان اوشبو مملکت نینگ جمهورلیک ریاستی سیلاولری نینگ ایکینچی باسقیچیده رجب طیب اردوغان تیمی گه قوشیلیب و اوندن اوز حمایتی اعلام ایتگن.
ایرنا آژانسی نینگ معلوماتی اساسیده، علی سلاجقه دوشنبه کونی، ۱ جوزا، ایران نینگ البرز ولایتیده اوتکزیلگن ییغیلیش ده، هلمند حق‌آبه‌سی جنجلی باره‌سیده ایتیشیچه، ایران جمهور باشلیغی شخصاً اوزی اوشبو موضوع گه اره‌لشیب و اوتگن کونی اسلام امیرلیگی رسمی‌لری بیلن بوتوغریده بحث ایتیلگن.
بدخشان ده‌گی محلی منبع‌لر نینگ سلام‌وطندار گه ایتیشلریچه، بوگون (دوشنبه، ۱ جوزا) توش دن کیین ساعت ۱:۰۰ اطرافی ده اوشبو ولایت مرکزی فیض‌آباد شهری نینگ بیشینچی ناحیه‌سیده، «شهاب‌الدین» اسملی یاش بیر ییگیت اوزینی دار گه آسیب اولدیرگن.
افغانستان ده بیرلشگن ملت‌لر تشکیلاتی باش کاتبی نینگ مخصوص نماینده‌سی روزا اوتنبایوا بیلن اوچره‌شگن ایچکی ایشلر وزیرلیگی سرپرستی سراج‌الدین حقانی، بیرلشگن ملت‌لر تشکیلاتی ییغیلیش‌لریده اسلام امیرلیگی نماینده‌لری گه اشتراک ایتیش حقی بیریلیشینی طلب قیلگن.
بادغیس یشاوچیلری و دهقان‌لریدن بیرقطاری، اوشبو ولایت نینگ پسته اورمان‌لری گه چیگیرتکه‌لر هجومی دن خواطر بیلدیریب ایتیشلریچه، بوتوغریده دولت و باشقه همکار نهادلر دقت قیلمه‌گن تقدیرده، چیگیرتکه‌لر پسته اورمان‌لری گه علاوه باشقه ایکین‌لرینی بوتونلی یوق ییتیشی ممکن.
بدخشان ده‌گی محلی منبع‌لر نینگ ایتیشلریچه، اوشبو ولایت نینگ راغستان تومنیده آلتین کانی چپه بولیشی باعث، ایکی کانچی هلاک بولیب و باشقه بیر کانچی یره‌لنگن.
غزنی امنیه قوماندان‌لیگی رسمی‌لری، اوشبو ولایت ده اوتگن اوروش‌لردن پارتلمه‌ی قالگن بمبی (نارنجک) پارتلشی باعث، بیر باله هلاک بولیب و باشقه بیر باله یره‌لنگنیدن خبر بیره‌دیلر. غزنی امنیه قوماندان‌لیگی سوزلاوچیسی خالد سرحدی اوشبو خبرنی تصدیقلب سلام‌وطندار گه ایتیشیچه، حادثه بوگون (یک‌شنبه، ۳۱ ثور) غزنی ولایتی ده‌یک تومنی «تاسنگ» قیشلاغیده، باله‌لر نارنجک بمبی بیلن اوینش پیتیده یوز بیرگن.
پنجشیر محلی مسئوللری نینگ ایتیشلریچه، اوشبو ولایت رخه تومنیده بیر کیشی ابه‌سی نینگ اوغلی تامانیدن آتیب اولدیریلگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش