ارزگان ولایتی چوره تومنی یشاوچیسی نبی گه کوره، آسترالیا حربی کوچلری نینگ هوا هجومی عاقبتیده عایله اعضالریدن آلتی کیشی هلاک بولیب و باشقه اوچ کیشی یرهلنگن. اونینگ کوپهیتیریشیچه: «آسترالیا حربی کوچلری گه منسوب اوچاقلر یشش اوی گه بمب تشلهدی؛ اوییمیز بوزیلدی و بو هجوم طفیلی عایله اعضالریمیزدن آلتی کیشی هلاک بولیب و اوچ کیشی یرهلندی.»
اسلام امیرلیگی امتحانلر ملی ادارهسی، بوگون (۳۱-سرطان، یکشنبه) توش پیتی ۱۴۰۳-ییل کانکور سیناوی عمومی نتیجهسینی اعلام قیلدی. اوشبو ییل کانکور سیناوی ده کابل شهریدن اتلخان رحیمزوی، ۳۵۹.۶۱ نمره بیلن بیرینچی بولیب و کابل طب بیلیم یورتی گه یول تاپگن.
ایران اسلامی جمهوریتی نینگ ملی کینگش خوفسیزلیک کمیسیون اعضاسی یعقوب رضازاده، ینگیلیکده افغانستان و پاکستان حکومتلری نینگ چیگره حدودلریده کنتروللری بولمهگنی و او ییرده قاچاقچیلر بیلن ترورچیلرلر نینگ فعالیتی بولگنی نی ادعا قیلگن.
امتحانلر ملی ادارهسی، ۱۴۰۳-ییل کانکور سیناوی نتیجهلری اېرته (۳۱-سرطان، یکشنبه) اعلام بولیشینی معلوم قیلگن. مذکور اداره بوگون ایکس صحیفهسیده یازیشیچه: «اوشبو ییل کانکور سیناوی نتیجهلری، اېرته اعلام بولهدی.» امتحانلر ملی ادارهسی بوندن آلدین، اوشبو ییل کانکور سیناوی ده مملکت نینگ ۳۴ ولایتیدن قریب ۱۵۰ مینگ داوطلب اشتراک اېتیشینی اېتگن اېدیلر.
احصائیه و معلومات ملی ادارهسی گه کوره، افغانستان سۉنگی بیر آی ایچیده ۹۹۴ میلیون ۲۰۰ مینگ دالرلیک توار آلیش-بیریش قیلگن. اوشبو اداره بوگون (۳۰سرطان، شنبه) ایکس صحیفهسیده بیر بیانیه ترقهتیب، افغانستان اوشبو ییل جوزا آی ده ۹۳ میلیون ۳۰۰ مینگ دالر صادرات و ۹۰۰ میلیون ۹۰۰ مینگ دالر ورادات قیلگنینی یازگن.
افغانستان سودا و سرمایه یاتقیزیش اتاق مسئوللری، افغانستانده میوه و سبزهوات ییغیم-تیریم فصلی باشلنیشی بیلن، پاکستان دولتی اوشبو محصولات نینگ باجخانه تعرفهلرینی نیچه برابر آشیرگنینی معلوم قیلهدیلر.
فواید عامه وزیرلیگی سۉنگی بیر هفته ایچیده افغانستان تیمیر یولی آرقهلی ۷۷ مینگ دن آرتیق متریک تُن آلیش-بیریش بولگنینی معلوم قیلهدی. اوشبو وزیرلیک بوگون (۲۸-سرطان، پنجشنبه) ایکس صحیفهسیده بیر بیانیه ترقهتیب، سۉنگی بیر هفته ایچیده (۱۵-سرطان دن ۲۱-سرطان گه قدر) مملکت تیمیر یوللری آرقهلی ۷۷ مینگ ۵۰۶ متریک تُن آلیش-بیریش بولگنینی یازگن.
اوشبو ریاست بوگون ایکس اجتماعی ترماغیده بیر خبرنامه ترقهتیب ایتیشیچه، سالنگلر شامل بدخشان، تخار، بغلان، نورستان، کنر، لغمان، کاپیسا، پروان، کابل، میدانوردک، بامیان، ننگرهار، لوگر، غزنی، پکتیا، خوست و پکتیکا ولایتلریده کوچلی یامغیر یاغیب، سوو تاشقینی و بوران یوز بیریش احتمالی پیشبینلیک بولگن.
هرات ولایتی محلی مسئوللری، اوشبو ولایتده بیر قوریق نان نرخی ۱۰ افغانی دن سکیز افغانی بولگنیدن خبر بیرهدیلر.
فاریاب ولایتی معارف رسمیلری، اوشبو ولایت ایکّی تومنیده اوچ مکتب نینگ تمل تاشی قوییلگنیدن خبر بیرهدیلر. فاریاب معارف باشلیغی محمدطاهر جواد گه کوره، اوشبو مکتبلر مذکور ولایت نینگ خواجهسبزپوش و دولتآباد تومنلریده ۸۰۰ متر ییرده زمانهوی شکلده قوریلیب و ایشلری آلتی آی ایچیده یکونلنیشی ممکن. اونینگ ایتیشیچه، بو مکتبلر نینگ ییری محل یشاوچیلری تامانیدن ساوغه قیلینگن.
فاریاب ولایتی محلی مسئوللری، اوشبو ولایت نینگ آلتی تومنیده سکیز سوو یېتکیزیش شبکه نینگ قوریش ایشی باشلنگنینی معلوم قیلهدیلر. اوشبو ولایت نینگ قیشلاقلرنی رواجلنتیریش و قیته قوریش باشلیغی تورجان احمدی گه کوره، بو سوو یېتکیزیش شبکهلر ده ۴۰ مترمکعب سوو سیغیب و قوریلیشی بیلن ایکّی مینگ ۴۴۸ عایله ایچیملیک سوو بیلن تأمینلنهدی.
بوگون کابل ده یوکسک اوقوو وزیرلیگی و ملی ترقیات کمپنیهسی اۉرتهسیده همکارلیک شرطنامه امضالنگن. یوکسک اوقوو وزیرلیگی مسئوللری، اوشبو همکارلیک شرطنامه ترقیاتی لایحهلرنی عملگه آشیریش و مملکت بیلیم یورتلری نینگ استادلری و طلبهلری اوچون عملی ایشلر گه زمینه یرهتیش مقصدیده امضالنگنینی معلوم قیلهدیلر.
کاپیسا ولایتی تگاب تومنی «میاخیل» و «شینکی» قیشلاقلریده ۲۱-سرطان، پنجشنبه کونی ایکّی سوو یېتکیزیش شبکه نینگ قوریش ایشی باشلنگن. کاپیسا ولایتی حاکمی سۉزلاوچیسی عبدالعزیز نظری گه کوره، بو شبکهلر نینگ هر بیریده ۴۰ و ۵۰ متر مکعب سوو سیغهدی، فایدهلنیشگه تاپشیریلیشی بیلن ۶۳۸ عایله ایچیملیک سوو بیلن تأمینلنیشی ممکن.
صناعت و سودا وزیرلیگی بوگون (۲۱-سرطان، پنجشنبه) کابل شهری ده «صادرات ملی کونیدن» نشانلهدی. اوشبو احتفالده صناعت و سودا وزیرلیگی سرپرستی نورالدین عزیزی، افغانستان صادراتی اۉتگن ییللر گه نسبتن ۱۵۰ فایز آشگن و افغانستان نینگ سوداگرلیک توارلری حاضر ۷۰ دن کوپراق مملکت گه صادر بولماقدهلیگینی بیلدیرگن.
مملکت فواید عامه وزیرلیگی مسئوللری، سالنگلر قتناو یولی نینگ قیته قوریش ایشی اوچ بولیمده اوشبو ییل تورت اسد ده باشلنیشیدن خبر بیرهدیلر. فواید عامه وزیرلیگی سۉزلاوچیسی محمداشرف حقشناس نینگ سلاموطندار گه ایتیشیچه، سالنگلر قتناو یولی نینگ قیته قوریش ایشی اوچ بولیمده اوشبو ییل تورت اسد ده باشلنیشی ممکن.
هرات ولایتی ایکینچیلیک، سوغاریش و چاروهچیلیک ریاستی مسئوللری، اوشبو ولایتده هر کونی بیر میلیون دن آرتیق تاووق تخمی ایشلب چیقریلیشینی معلوم قیلهدیلر. هرات ولایتی ایکینچیلیک، سوغاریش و چاروهچیلیک باشلیغی پیرمحمد حلیمی نینگ سلاموطندار گه ایتیشیچه، بو ولایتده ۶۰ دن آرتیق تاووق فارمی قوریلگن اوشبو فارملردن هر کونی بیر میلیون دن آرتیق تخم ایشلب چیقریلهدی.
