فاریاب ولایتی محلی مسئوللری، اوشبو ولایت اندخوی تورتله تومنیده جایلشگن آقینه بندریده تیرپارک قوریش ایشی باشلنگنینی معلوم قیلهدیلر. فاریاب معلومات و مدنیت باشلیغی شمسالدین محمدی، بو تیرپارک ۱۰۸ میلیون افغانی عوضی گه قوریلیشینی اېتهدی.
خلقارا تولاو تیزیلمهلری گه توغریدن-توغری کېریش امکانی یوقلیگی، افغانستاندهگی یاشلر اوچون رقملی اپلیکیشن و وبسایت قوریش ساحهلریده اېنگ کتّه توسیقلردن بیری دیر. سلاموطندار اوشبو ساحهلرده فعالیت یوریتهیاتگن ۳۵ ییگیت بیلن صحبت قیلگن، اولرنینگ ایتیشلریچه، بو معما درآمدلری کېسکین کمهیشیگه سبب بولیب و اولر مرکب، قیمت و بیلواسطه یوللردن فایدهلنیش گه مجبور بولگنلر.
سرپل ولایتیده سودا مارکیتی قوریلیشی تصدیقلنیب و جوزجان ولایتی «قرقین و خمآب» اولسواللیکلریده برق یېتکیزیش ریجه محاکمه قیلینگن.
احصائیه و معلومات ملی ادارهسی، قویاش ۱۴۰۴-ییل، حمل آییده ۹۲۸.۵ میلیون دالرلیک توار آلیش-بیریش بولگنینی معلوم قیلگن.
ساغلیقنی سقلش وزیرلیگی، بیرلشگن ملتلر تشکیلاتی جمعیت صندیغینینگ افغانستانده هر ایکّی ساعت ایچیده بیر آنه اولیشی گه دایر بیاناتی گه مناسبت بیلدیریب ایتیشیچه، سۉنگی اوچ ییلده، آنهلر و بالهلر اوچون مخصوص مرکزلر قوریلیب و اولرنینگ طبی خذمتلردن فایدهلنیشی آشگن. اوشبو وزیرلیکنینگ کوپهیتیریشیچه، بو مرکزلر کوپهیشی بیلن آنهلر و چقهلاقلرنینگ اولیمی کمهیگن.
کابل بادامباغده، بنگلهدیش شفاکارلر تیمی یاردمی بیلن افغان قیزیل آی جمعیتی مرکزی کسلخانهسیده،۱۲۰ دوداق و تنگلهی جیریق بالهنینگ تیکین طرزده دوالش جریانی باشلنگن. اوشبو نهاد مسئوللری، بو بالهلرنینگ دوالش جریانی ۲۸-ثور، یکشنبه کونی باشلنگن و تورت کونگچه دوام تاپیشینی معلوم قیلهدیلر.
جوزجان ده محلی مسئوللر، اوشبو ولایت خواجه دوکوه تومنینینگ «باشکوت دشتلیلی» قیشلاغیده، ۲ کیلومتردن آرتیق سرکنینگ جغل توشش ایشی باشلنگنیدن خبر بیرگنلر.
شهر و اوی-جای قوریش وزیرلیگی، جوزجان ولایتیده بیر مینگ ۵۹۸ مهاجر عایله گه یشش نمرهلری توزیع قیلینیشیدن خبر بیرگن. شهر و اوی-جای قوریش وزیرلیگینینگ مطبوعات ادارهسی، بیر بیانیه ترقهتیب، حاضرگه قدر ۲۵ ولایتده ۳۵ شهرچه پلانی طرح و ترتیب بولگنینی معلوم قیلگن.
بدخشانده، مملکتنینگ شمال و شمالشرق ۹ ولایت رسمیلری قۉشمه ییغیلیش اۉتکزدی. ۲۶-ثور، جمعه کونی اۉتکزیلگن بو ییغیلیشده، امنیت، بنگیوار مادهلر گه قرشی کورهش و ولایتلر اورتهسیده هماهنگلیکنی مستحکملش حقیده بحث اېتیلگن. ونینگدیک بو ییغیلیشده، کانلر امنیتی تأمین اېتیلیشی، قراردادلرده تینیقلیک کېریتیلیشی، امرمعروف قانونی عملگه آشیریلیشی و باشقه مسئلهلر محاکمه قیلینگن.
افغانستان مرکزی بانکی، مملکتنینگ شمال زونیدن توپلنگن ۸۴۳ میلیون ۴۳۰ مینگ افغانی اېسکیرگن پول آلاو بیریلگنینی معلوم قیلگن.
اسلام امیرلیگی مخابرات و تکنالوژی وزیرلیگی سرپرستی، تخار گه قیلگن سفری دایرهسیده، اوشبو ولایتنینگ ۱۵ تومنیده مخابراتی ینگی سایتلر فعال بولیشیدن خبر بیرگن.
اسلام امیرلیگی امر معروف و نهی منکر وزیرلیگی، اجتماعی ترماقلرنی اېزلب و ایشلاوچیلر بو پلتفرملردن «اخلاقسیز و ناتوغری» فایدهلنمسلیکلری کېرهک دیگن.
ییرلرنی باسیب آلیشنینگ آلدینی آلیش و باسیب آلینگن ییرلرنینگ قیتریلیش کمیسیونی مسئوللری، کابل ده اوتکزیلگن خبری بیر ییغیلیشده ایتیشلریچه، افغانستان بویلب ۴۹.۷ میلیون جریب ییرنینگ باسیب آلینگنی انیقلنیب و اولر ارا، ۳.۹ میلیون جریبی تورلی ولایتلرده باسقینچلر یانیدن آلینگن.
سرپل ولایتی محلی مسئوللری، چک سلواکیالیک بیر سیاح، سرپل ولایتینینگ سیاحتی جاذبهلری، تاریخی و طبیعی جایلرینی یقیندن کوریش اوچون بو ولایت گه سفر قیلگنیدن خبر بیرهدیلر.
پاکستان دن قاچقینلرنینگ قیتریلیش پروسهسی کوچهیگنی بیلن بیرگه، پکتیکا و غزنی ولایتلریده مملکت گه قیتریلگن کیشیلر اوچون ایکی شهرچهنینگ قوریلیش ایشی باشلنگن.
هلمند ولایتی کجکی تومنیده اوروش، اوزیدن قالدیرگن ویرانلیکلر گه علاوه، بو ییردهگی اکثریت بالهلر اوقیش امکانیتیدن محروم بولیشیگه هم سبب بولگن. بو تومننینگ تورت کتّه و مهم تغاوی، حاجیخیل، هنگران و سبزی منطقهلری اهالیسی، اوروشدن کېین بو ییرده اوقیش امکانیتی یرهتیلمهگنینی اېتهدیلر.
