اسلام امیرلیگی فواید عامه وزیرلیگی، سالنگ یونهلیشینینگ یریم قالگن ایشلرینی اساسی شکلده قیته قورهدی و بو یونهلیش قربان هییت بیرهمیدن سۉنگ بوتون یوک تاشووچی موترلر یوزیگه یاپیلیشینی معلوم قیلهدی.
فواید عامه وزیرلیگی، قویاش ۱۴۰۴-ییل ثور آییده مملکت تیمیر یوللری آرقهلی ۳۳۲ مینگ ۸۳۷ متریک تُن توار، آلیش-بیریش بولگنینی معلوم قیلگن.
سرپرست حکومت کانلر و پترولیم وزیرلیگی، نورستان ولایتی دوآب اولسواللیگیده «ماوی» کانی قیمت و یریم قیمتبها تاشلری، ۴۲ میلیون افغانی عوضی گه ساتیلگنیدن خبر بیرهدی.
افغانستان ده برق ییتکزیش شرکتی (برشنا)، ۴۳.۲ مگاوات ظرفیت بیلن هرات ده شمال انرژیسیدن ۲۰۰ مگاوات برق ایشلب چیقریش لایحهسینینگ بیرینچی فازی ایشی باشلنگنینی معلوم قیلگن.
هرات ولایتی محلی مسئوللری، بیرینچی مرته فرانسهدن یوکلنگن «قوروق سوت» سودا توارلری، هرات-خواف تیمیر یولی آرقهلی بو ولایتنینگ «روزنک» بیکتی گه اېتیب کېلگنیدن خبر بیرهدیلر. هرات حاکمی سۉزلاوچیسی محمدیوسف سعیدی گه کوره، بو سودا توارلری «قوروق سوت»دن عبارت بولیب و سکیز کانتین گه فرانسهدن یوکلنیب و هرات گه اېتیب کېلگن.
صناعت و سودا وزیرلیگی، بوگون (۷-جوزا، چهارشنبه) اسلام امیرلیگی ییریک رسمیلری حضوری بیلن، مملکتنینگ صناعتی حدودلریده صناعتچیلر گه ییر تقسیماتینی باشلهدی.
بدخشان ولایتی محلی رسمیلری، اوشبو ولایتنینگ اشکاشم تومنیده پیاز و کچالو سقلش اوچون ۲۵ ساووقخانه قوریلیش ایشی باشلنگنینی معلوم قیلهدیلر.
بیرلشگن ملتلر تشکیلاتینینگ بالهلرنی قۉللب-قوتلش صندیغی، اوشبو هفته ایچیده ۱۰۰ متریک تُن دارو مخصوص چارتر اوچیشلر آرقهلی، افغانستان گه آلیب کېلینگنینی معلوم قیلگن.
صناعت ملی هفتهسی تورتینچی کورگزمهسی، صناعت، ایچکی تولیدلر و محصولاتلرنی قۉللب-قوتلش مقصدیده، اسلام امیرلیگی ییریک رسمیلری، تشقی ایلچیخانهلرنینگ بعضی دیپلماتلری، خصوصی سکتور وکیللری، صناعتچیلر و سرمایه یاتقیزووچیلر حضوری بیلن کابلده آچیلدی.
۲۵ تُنلیک تورلی خیل ترشی بوگون (۵-جوزا، دوشنبه) «گلنواز» ایشلب چیقریش شرکتی تامانیدن، هراتدن اروپا مملکتلری گه صادر قیلینگن.
سرپرست حکومت احصائیه و معلومات ملی ادارهسی، قویاش ۱۴۰۴-ییلنینگ دستلبکی ایکّی آییده بیش مینگ ۷۸ خارجی، ییر و هوا آرقهلی افغانستان گه کېلیب-کېتگنینی معلوم قیلگن.
تخار ولایتی معلومات و مدنیت رسمیلری، اوشبو ولایتنینگ رستاق اولسواللیگیده جایلشگن «حضرت واقف» تاریخی آبدهسی، یوق بولیش عرفهسیده بولگنینی اېتگنلر.
چین بیر هیئتی بو ولایتنینگ لولاش اولسواللیگیده ییرلشگن «سیکوه» آلتین کانینی یقیندن باریب کوزهتگن. فاریاب حاکمیتی بیر بیانیه ترقهتیب، اوشبو هیئت اسلام امیرلیگی کانلر و پترولیم وزیرلیگی اویغونلیگی بیلن، «سیکوه» آلتین کانینی یقیندن باریب کوزهتگنینی معلوم قیلگن.
لغمانده قویاشدن ۱۰ میگاوات برق ایشلب چیقریش ایشی، ریگل و افغانستان برق یېتکیزیش شرکتی تامانیدن باشلنگن. اسلام امیرلیگی باش وزیرینینگ اقتصادی اورین باسری عبدالغنی برادر، بوگون (۱-جوزا، پنجشنبه) اوشبو مناسبت بیلن اۉتکزیلگن احتفالده، بو لایحه ایشی آلتی آی چوزیلیب و ایشی توگهشی بیلن ۱۰ مینگ عایله برق بیلن تأمینلنیشینی بیلدیرگن.
هرات حاکمی نوراحمد اسلامجارنینگ ایتیشیچه، اوشبو ولایتده تالاسمیگه چلینگن بالهلرگه مخصوص بیرینچی کسلخانه فایدهلنیشگه تاپشیریلگن.
معلومات اساسیده، حیرتان باجخانهسیدن ۸ پترول تانکری، نیمروز باجخانهسیدن ۱۱۵ دیزل و ۴ پترول تانکری، فراه باجخانهسیدن ۵۵ دیزل تانکری، تورغندی باجخانهسیدن بیر دیزل تانکری و بیر گاز تانکری قیتیریلگن.
