اسلام امیرلیگی احصائیه و معلومات ملی ادارهسی، قویاش ۱۴۰۴ ییل، جدی آییده ۲ مینگ ۳۹۶ چیت ایللیک افغانستان گه کیلیب کیتگنینی بیلدیردی. اوشبو اداره، بوگون (۷ دلو/ ۲۷ جنوری، سهشنبه) ایکس صحیفهسیده بیر بیانیه ترقهتیب بو حقده خبر بیردی. بیانیگه کوره، اوشبو کیشیلر مملکت چیگره بندرلری و هوا قونالغهلری آرقهلی کیلیب کیتگن.
اسلام امیرلیگی اخبارات و مدنیت وزیرلیگی، افغانستانده خبرچیلرنی قوللب-قوتلاوچی اوچ نهاددن باشقه بوتون نهادلرنینگ فعالیت قیلیش جوازی بیکار قیلینگنینی اعلان قیلدی. اوشبو وزیرلیک، بوگون (۶ دلو/ ۲۶ جنوری، دوشنبه) ایکس صحیفهسیده بیر بیانیه ترقهتیب بو حقده خبر بیردی.
اسلام امیرلیگی کانلر و پترولیم وزیرلیگی، تاپی لایحهسینینگ افغانستان حدودلریدهگی ایشلری جدل صورتده دوام ایتهیاتگنینی معلوم قیلدی.
کابل شهری یشاوچیلری، اوشبو شهرنینگ تورلی حدودلری اینیقسه گوجوم جایلری، بازارلر، موتر بیکتلری، پارکلر، کسلخانهلر اطرافی و سودا مرکزیلریده، عمومی حاجتخانهلر یوقلیگیدن شکایت قیلهدیلر. اولر گه کوره، بو ییرلرده حاجتخانه بولسه-ده، بیراق نظارت رعایت قیلینمهیدی.
اسلام امیرلیگی باش وزیرینینگ اداری اورین باسری عبدالسلام حنفی، ۳۴ ولایتده مملکت گه قیتگن ۸۰ مینگ عایلهگه نقدی یاردم و آزیق-آوقت ترقهتیلیشینی ایتگن.
مالیزیاده آسیا فوتبال کنفدراسیونی رسمی ییغیلیشیده، افغانستان فوتبال فدراسیونی باشلیغی و خلقارا فدراسیون (فیفا) تخنیکی و ترقیات کمیته اعضاسی محمدیوسف کارگر، افغانستان فوتبال میدانلری توزهلیشی اوچون شرطنامه امضالشنی قولگه کیریتگن.
افغانستان برق ییتکزیش شرکتی (برشنا)، اوزبیکستان دن وارد بولهدیگن برقنینگ پلخمری و کابل آرهسیدهگی حدودده کیسیلگنینی معلوم قیلگن.
قزاقستانده ۱۶ یاشگچه بولگن بالهلر و اوسمیرلر گه اجتماعی ترماقلردن فایدهلنیشنی تقیقلش گه قرار قیلینگن.
اسلام امیرلیگی مالیه وزیرلیگی، پاکستانده ایشلب چیقریلگن دارولر افغانستان گه کیلتیریلیشینی رسمی طرزده منع قیلدی. اوشبو وزیرلیک، بوگون (۱ دلو/ ۲۱ جنوری، چهارشنبه) ایکس صحیفهسیده بیر بیانیه ترقهتیب بو حقده خبر بیردی. بیانیه گه کوره، قویاش ۱۴۰۴ییل، ۲۰ دلو دن کیین، پاکستانده ایشلب چیقریلگن هیچ قندهی دارو مملکت باجخانهلریده محصول قیلینمهیدی.
تخنیکی و مسلکی تعلیمات ادارهسی، بوگون (۳۰-جدی، سهشنبه)، فنی و مسلکی تعلیملرنی کینگهیتیریش مقصد، ایچکی و تشقی موسسهلردن قطاری بیلن تورتته کیلیشوونامه امضالهگن.
اسلام امیرلیگی ملی مدافعه وزیرلیگینینگ ایتیشیچه، حربی ستاد باشلیغی فصیحالدین فطرت، رسمی بیر سفرده قطر کیتگن.
«انتیک» دییلگنده، اکثریت آدملر قدیمی، قیمتبها و نایاب همده توزهلیش صفتی و تاریخی اهمیت گه ایگه بولگن بویوملرنی توشونهدی. تنگه، ساعت، ایدیش، تابلو، کتاب یا کی تقینچاق کبی۱۰۰ ییلدن آرتیق یا کی اوندن کم قدامتی بولگن، اصلی بولگن، تاریخی یا کی مدنی اهمیت ایگه بولگن بویوملرنی «انتیک» دییش ممکن.
اسلام امیرلیگی شهیدلر و ناگرانلر وزیرلیگینینگ اعلام قیلیشیچه، ۶۵۰ مینگ سرپرستسیز عیال، ییتیم باله و ناگران کیشیلرگه نقد پول ترقهتیلگن.
اسلام امیرلیگی ساغلیقنی سقلش وزیرلیگینینگ ساغلیق خذمتلری بوییچه معینی عبدالولی حقانی، قطر گه قیلگن رسمی سفری جریانیده فرانسه ایلچیخانهسی شارژدافیری بیلن اوچرهشیب و افغانستان ساغلیقنی سقلش بولیمیده همکارلیکلر کوچهیشی توغریسیده صحبت قیلگن.
اسلام امیرلیگی سوزلاوچیسی اورینباسری حمدالله فطرتنینگ اعلام قیلیشیچه، افغانستان گه قیتیب کیلگن کیشیلرگه اوچ مینگ ۴۶ نمره ییر ترقهتیلگن.
اسلام امیرلیگی تشقی ایشلر وزیری امیرخان متقی، افغانستان ده بیرلشگن ملتلر تشکیلاتینینگ اورینباسرلیک هیئت ادارهسی (یوناما)، سرپرستی جورجت گانیون بیلن اوچرهشیب و دوحه جریانی توغریسیده صحبت قیلگن.
