تشقی ایشلر وزیرلیگی سۉزلاوچیسی نینگ اورین باسری ضیااحمد تکل بوگون (۱۳-میزان، جمعه) ایکس صحیفه‌سیده بیر بیانیه ترقه‌تیب یازیشیچه، متقی بو موضوع نی «فرمت مسکو» آلتینچی ییغیلیشیده بیان قیلیب و منطقه مملکت‌لردن داعش تامانیدن فقرالری عسکر آلینمسلیگی و اولر نینگ افغانستان و باشقه مملکت‌لر گه یوباریلیشی گه توسیق بولیب و بوزغونچیلیک هجوملری اوچون اسلام امیرلیگی بیلن همکارلیک قیلیش‌لرینی اېسته‌گن.
اسرائیل اردوسی لبنان گه هوا هجوملری گه دوام بیرماقده اېکن، ایران تشقی ایشلر وزیری سیدعباس عراقچی بیروت گه سفر قیلگن. ایران تشقی ایشلر وزیرلیگی سۉزلاوچیسی اسماعیل بقائی گه کوره، عراقچی بوگون (۱۳-میزان، جمعه) لبنان رسمی‌لری بیلن اوچره‌شیش اوچون بو مملکت پایتختی بیروت گه سفر قیلگن.
برازیل فوتسال ملی تیرمه جماعه‌سی ۱۱میزان، چهارشنبه کونی رقیبی اوکراین گه ۳-۲ حسابی بیلن غلبه قازانیب اوشبو مسابقه‌لر نینگ فاینلیستی بولگن اېدی و اۉتگن کون ارجنتاین و فرانسه فوتسال جماعه‌لری بیلله‌شیب و نهایت ارجنتاین هم ۳-۲ حسابی بیلن فرانسه نی مغلوب قیلیب و فاینل ده برازیل رقیبی بولدی.
اسلام امیرلیگی قاچقین‌لر وزیرلیگی، افغانستان‌لیک ۱۵ محبوس پاکستان تورمه‌خانه‌سیدن قوییب یوباریلگنینی معلوم قیلگن. قاچقین‌لر وزیرلیگی ۱۲-میزان، پنج‌شنبه کونی ایکس صحیفه‌سیده بیر بیانیه ترقه‌تیب، قانونی حجت‌لری بولمه‌گن بو کیشی‌لر ۱۵ کوندن ایکّی آی گچه پاکستان نینگ پشاور قماقخانه‌سیده زندانی بولگنلرینی اېتگن.
بدخشان ولایتی امنیه قوماندان‌لیگی سۉزلاوچیسی احسان‌الله کامگار گه کوره، بیرینچی واقعه ۱۲-میزان، پنج‌شنبه کونی مذکور ولایت نینگ تشکان تومنی «ارغندکان» منطقه‌سیده «کرولا» رسوملی بیر موتر سرک دن چیقیب چپه بولیشی طفیلی یوز بیرگن. بو واقعه ده موتر ده‌گی اوچ یولاوچی قربان بولیب و باشقه بیش کیشی یره‌لنگنینی اېته‌دی، بدخشان ولایتی امنیه قوماندان‌لیگی سۉزلاوچیسی احسان‌الله کامگار.
افغان قیزیل آی جمعیتی دفتری مسئوللری، بوگون (پنج‌شنبه، ۱۲-میزان)، کابل ده یولگه قوییلگن بیر برنامه‌ده ایتیشلریچه، هلمند، فراه و فاریاب دن سرپرست‌سیز عیاللر شامل ۸۰۰ کیشی نی مسلکی ایش اورگه‌نیشلری مقصد، افغان-کوریا انستیتیوتی گه تانیشتیرگنلر.
اېرته (۱۳-میزان جمعه) کونی روسیه، چین، ایران، اۉزبېکستان، پاکستان، هندوستان، قزاقستان، تاجیکستان و تورکمنستان «فرمت مسکو» آلتینچی ییغیلیشیده افغانستان مسئله‌سینی بحث گه آلیش‌لری کوتیله‌دی. روسیه تشقی ایشلر وزیرلیگی نینگ معلوماتی اساسیده، بو ییغیلیشده مملکت‌لر نینگ اسلام امیرلیگی بیلن مناسبتی و «ملی یره‌ش» جریانی کوچلنتیریلیشی حقیده بحث اېتیله‌دی.
بلخ ولایتی امنیه قوماندان‌لیگی ترافیک مسئوللری، بلخ-سمنگان قتناو یولیده ترافیکی حادثه عاقبتیده ایکّی کیشی هلاک بولیب و باشقه اوچ کیشی یره‌لنگنینی معلوم قیله‌دیلر.
غزنی ده نسایی-ولادی بولیمی شفاکارلریدن بیرقطاری، آغیر ایشلرنی قیلیش و اوز باشیمچه‌لیک دارو استعمال قیلیش طفیلی، حامله‌دار عیاللر اورته‌سیده انارمل (غیرطبیعی) قان کیتیش کوپه‌یگنینی ایته‌دیلر.
روسیه اردوسی، اوکراین شرقی حدودلریده جایلشگن استراتیژیک منطقه‌لردن بولمیش «ووهلهدار» شهرینی باسیب آلگن. رویترز گه کوره، اوکراین حربی کوچلری ۱۱-میزان، چهارشنبه کونی اوشبو مملکت نینگ شرقی حدودلریده جایلشگن ووهلهدار شهریدن ایکّی ییل توقنشوودن سۉنگ آرتگه چېکینیشی گه مجبور بولگنلرینی اېتگن.
فاریاب صناعت و سوداگرلیک ریاستی مسئوللری نینگ ایتیشلریچه، اوشبو ولایتده ۱۸۰ عیال تورت آی تیکووچیلیک، گل‌دوزلیک و موره‌دوزلیک بولیم‌لریده تعلیم کوریش‌دن کیین فارغ بولگنلر.
اسلام امیرلیگی تشقی ایشلر وزیرلیگی سرپرستی امیرخان متقی، افغانستان وضعیتی گه دایر «فرمت مسکو» ییغیلیشیده قتنه‌شیش اوچون روسیه گه سفر قیلگن. اسلام امیرلیگی تشقی ایشلر وزیرلیگی سۉزلاوچیسی نینگ اورین باسری ضیااحمد تکل، بوگون (۱۱-میزان، چهارشنبه) ایکس صحیفه‌سیده بیر بیانیه ترقه‌تیب، بو وزیرلیک سرپرستی امیرخان متقی فرمت مسکو ییغیلیشیده اشتراک اېتیش اوچون روسیه گه سفر قیلگنیدن خبر بیرگن.
امریکا تشقی ایشلر وزیرلیگی نینگ بیانیه‌سیده، توماس وست امریکا تشقی ایشلر وزیرلیگی تحریم‌لرنی هماهنگ قیلیش اداره‌سی نینگ مسئولی اوله‌راق تانیشتیریلگن و افغانستانده اونینگ ایشلری بو مملکت اوچون امریکا ایلچیخانه‌سی شارژدافیری کرن دکر و امریکا نینگ افغانستان خاتین-قیزلر ایشلری بوییچه مخصوص وکیلی رینا امیری و تشقی ایشلر وزیرلیگیده بیر دیپلمات تامانیدن آلغه آلیب باریلیشی قید اېتیلگن.
فاریاب ده‌گی چاروهچی و تاووقچی عیاللردن قطاری نینگ ایتیشلریچه، تشقی نهادلر حمایتی اولر نینگ اقتصادی وضعیتی یخشی‌لنیشی گه سبب بولگن.
بدخشان ولایتی ایکینچیلیک، سوغاریش و چاروه‌چیلیک ریاستی مسئوللری، اوشبو ولایتده «مارکوپولو و آیبکس» کییک نسلی کمه‌یماقده‌لیگیدن خبر بیره‌دیلر. بدخشان ایکینچیلیک، سوغاریش و چاروه‌چیلیک اداره باشلیغی امان‌الله حسن، مذکور ولایت نینگ تورلی دره‌لریده بو نادر حیوان‌لر نینگ تیریکچیلیک احوالینی انیقلش اوچون تېکشیرو اۉتکزگنلرینی اېته‌دی.
او، بوگون (۱۱-میزان، چهارشنبه کونی) ایکس صحیفه‌سیده بیر بیانیه ترقه‌تیب ایران منطقه نینگ امنیتی و ثباتی اوچون متعهد دیر؛ بیراق «باسقینچیلر» گه قرشی جدی اقدام قیلیشینی یازگن. کنعانی، ایران حاکمیتی و خوفسیزلیگی گه قرشی هر قنده‌ی حرکت جواب‌سیز قالمسلیگی حقیده آگاه‌لنتیرگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
