حزب‌الله لبنان، اسرائیل پایتختی تل‌آویوده «تل‌حاییم» حربی پایگاه‌سینی بیرینچی مراتبه نشانگه آلگن. تسنیم آژانسی گه کوره، حزب‌الله لبنان خیبر عملیاتی دوامیده، تل‌آویوده اسرائیل‌نینگ «تل‌حاییم» حربی پایگاه‌سینی نشانگه آلگنینی اېتگن. اسرائیل اردوسی‌نینگ تل‌حاییم حربی پایگاه‌سی، لبنان چېگره‌سی ۱۲۰ کیلومترلیگیده جایلشگن.
ساغلیق‌نی سقلش وزیرلیگی بوگون (۲۵-عقرب، جمعه) ایکس صحیفه‌سیده بیر بیانیه ترقه‌تیب، بو زیرلیک سرپرستی نورجلال جلالی «میکروب گه قرشی کوره‌ش آتیده وزیرلرنینگ تورتینچی ییغیلیشی‌ده اشتراک اېتیش اوچون سعودی عربستان جده شهری گه رسمی تشریف بیلن جونب کېتگنینی معلوم قیلگن.
کابل نینگ شمالیده جایلشگن پروان، کاپیسا و پنجشیر ولایتلری یشاوچیلریدن قطاری نینگ سلام‌وطندار گه ایتیشلریچه، مذکور ولایتلرده عیاللر آره‌سیده «جاغور» کسللیگی کوپه‌یگن و بو آره‌ده، قیشلاقده‌گی عیاللر آزراق آگاهی‌لیک سبب ایرککلر گه قره‌گنده بو کسللیککه کوپراق چلینه‌دیلر.
ترانسپورت و هوا یوللری وزیرلیگی، کام‌ایرنینگ خوست ولایتیدن سعودی عربستان گه اوچیش‌لری باشلنگنیدن خبر بیره‌دیلر. اوشبو زیرلیک ۲۳-عقرب، چهارشنبه کونی ایکس صحیفه‌سیده بیر بیانیه ترقه‌تیب، کام‌ایر هوا یوللری شرکتی، خوست ولایتی خلق‌ارا هوا قونالغه‌سیدن سعودی عربستان‌نینگ جده شهری گه مستقیم اوچیش‌لرینی باشله‌گنینی معلوم قیلگن.
خلق‌ارا یېتکرمه‌لر، اسرائیل اردوسی‌نینگ غزه گه هجوملری عاقبتیده چمه‌سی ۳۳ کشی قربان بولیب و باشقه اونلب کیشی یره‌لنگنینی معلوم قیلگنلر. بو کیشی‌لر ۲۳-عقرب، چهارشنبه کونی اسرائیل اردوسی‌نینگ غزه تورلی حدودلریده‌گی هجوملریده قربان بولگنلر. معلومات‌لر گه بناً، اوشبو کیشی‌لرنینگ ییتّی نفری اسرائیل اردوسی‌نینگ غزه مرکزی «مغازی» کمپی همده «النصیرات» غربی حدودلریده‌گی هجوملریده هلاک بولگنلر.
خلق‌ارا ساغلیق‌نی سقلش تشکیلاتی بیر گزارش ترقه‌تیش بیلن ایتیشیچه، میلادی ۲۰۲۴-ییل نینگ باشلنگنیدن حاضرگچه، افغانستان ده پولیو نینگ ۲۳ مثبت واقعه‌سی قید ایتیلگن.
مخابرات و تکنالوژی معلوماتی وزیرلیگی مسئوللری، بوگون (۲۳-عقرب، چهارشنبه) حکومت یېتکرمه‌لر مرکزیده اۉتکزیلگن ییغیلیش‌ده، افغانستان بویلب مخابرات و انترنت خذمت‌لری اوچون ینگی نرخ تعیین قیلینگنیدن خبر بیرگنلر.
بو اوچ مملکت‌نینگ رهبرلری شوکت میرضیایف، الهام علی‌اوف و قاسم جومارت توکایف برق تېزیملرینی اۉزارا باغلب، شمال و قویاش‌دن برق ایشلب چیقریب و اروپا گه انتقال بیریش نیتیده اېکنلری اېتیلگن. معلومات‌لر گه کوره، بو اوچ مملکت‌نینگ «یشیل» برقی خزر دینگیزی آرقه‌لی قاره دینگیز گه باریب باغلنیلهدی.
حزب‌الله لبنان، بیرینچی مراتبه اسرائیل‌نینگ هوا کوچلری کتّه بیر پایگاه‌سی گه هجوم اویوشتیرگن. خلق‌ارا یېتکرمه‌لرنینگ معلوماتی اساسیده، یقین شرق‌ده کېسکین‌لیکلر اوج آلگچ، حزب‌الله لبنان ۲۲-عقرب، سه‌شنبه کونی اسرائیل اردوسی‌نینگ راکته هجوملری گه جواب بو مملکت‌نینگ هوا کوچلری کتّه بیر پایگاه‌سی گه هجوم اویوشتیرگن.
تخار حاکمی سوزلاوچیسی محمدعارف عارف نینگ ایتیشیچه، اوشبو ولایت برشنا آمریتی افغانستان برق ییتکزیش شرکتی نینگ بویروغی اساسیده، مذکور ولایت‌ده برق‌دن قرضدار بولگن اهالی و دکان‌دارلردن قرض نینگ ییغیشی‌نی باشله‌گن.
کونده ایران دن یوزلب افغانستان‌لیک یشاوچی نینگ چیقریلیشی بیرحالده، قاچقینلر وزیرلیگی سرپرستی خلیل‌رحمان حقانی مذکور مملکت‌دن افغانستان‌لیک قاچقینلر نینگ جبری شکلده چیقریلیشی توخته‌تیلیشینی ایسته‌گن.
یقین شرق‌ده توقنشوولر اوج آلگچ، عرب اتفاقی و اسلامی مملکتلر باشلیغ‌لری، ۲۱-عقرب، دوشنبه کونی سعودی عربستان پایتختی ریاض شهریده‌گی ییغیلیش‌ده، غزه و لبنان‌ده‌گی توقنشوولر گه چېک قوییلیشی اوستیگه تأکید اېتگنلر. اوشبو ییغیلیش یکونیده ترقه‌لگن بیانیه‌ده، اسرائیل‌نینگ غزه‌ده‌گی حضوری باسیم اته‌لیب و غزه‌ده‌گی احوال گه چېک قوییلیشی گه تأکید اېتیلگن.
اسرائیل یېتکرمه‌لری، حزب‌الله لبنان اوشبو مملکت گه چمه‌سی ۱۹۰ راکته آتگنینی معلوم قیلگن. «تایمز آف اسرائیل» کونده‌لیگی، اوشبو مقدار راکته‌لر ۲۱-عقرب، دوشنبه کونی اسرائیل‌نینگ شمالی حدودلری تامان آتیلگنینی اېتگن. گزارش گه کوره، بو راکته‌لر عاقبتیده بیر باله شامل ییتّی کیشی یره‌لنگن.
سلام‌وطندار رادیوسی «امید» دستوری بیلن افغانستان یاشلرینی قۉللب-قوتلب و اولرنینگ احوالینی یخشی‌لش گه امکانیت یره‌تیب بیرگن. بو دستور یاشلرنینگ روحیه‌سینی آشیریش، تحصیل و ایش امکانیت‌لرینی یره‌تیش و اولرنینگ کونده‌لیک قیینچلیک‌لرینی حل قیلیش غایه بیلن تشقری سوراو و معلوماتی تحلیل‌لر آرقه‌لی یاشلرنینگ احوالینی تېکشیریب و اولرنینگ قیینچیلیک‌لرینی حل قیلیش مقصدیده عملی و ایجابی ییچیم یول قیدیریش گه باشله‌گن.
تورلی مملکتلر اینیقسه ایران، پاکستان و تورکیه دن افغانستان‌لیک قاچقینلر نینگ چیقریلیش پروسه‌سی کوپه‌یگنی بیرحالده، بیرلشگن ملتلر تشکیلاتی نینگ قاچقینلر ایشلری بوییچه عالی کمیسارلیگی و خلق‌ارا ایش تشکیلاتی، باشقه مملکتلردن افغانستان گه قیتگن قاچقینلر گه ایش زمینهلری یره‌تیلیشی مقصد بیر شرطنامه امضالنگنی‌دن خبر بیرگنلر.
باله‌لردن حفاظت قیلووچی صندیغی یا-ده (Save the children)، نینگ ایتیشیچه، افغانستان ده قیش یاردم فعالیتلرینی عمل‌گه آشیریش اینیقسه جاری ییل اوشبو مملکت‌ده یوز بیرگن سوو تاشقین‌لردن زیان کورگن عایله‌لر گه یاردم بیریش اوچون ۴.۲ میلیون دالر بودجه کم‌لیگی بیلن روپه‌ره‌لر.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
