جاری ییل فرضی حج ده افغانستان نینگ ۳۰ مینگ سهمی بار

حج و اوقاف وزیرلیگی مسئوللری نینگ ایتیشلریچه، قویاش ۱۴۰۳-ییل فرضی حج ده، افغانستان گه ۳۰ مینگ سهم بیریلگن. حج و اوقاف وزیرلیگی سرپرستی نورمحمد ثاقب نینگ ایتیشیچه، بو آره‌ده ۳۰ مینگ‌‌دن ۸ مینگ سهم ایسه عیال‌لردن دیر.

امربالمعروف وزیرلیگی ا.ا رهبری تامانیدن «شکایت‌لرنی تینگلش قانونی» تصدیق‌لنگنیدن خبر بیردی

امر بالمعروف و نهی عن‌المنکر وزیرلیگی مسئوللری بوگون (سه‌شنبه، ۷-حمل)، کابل ده یولگه قوییلگن بیر برنامه‌ده ایتیشلریچه، حکومتی اداره‌لر ایشلاوچیلری و مسئوللردن یشاوچیلر نینگ شکایت‌لری حل بولینیشی اوچون، اسلام امیرلیگی رهبری تامانیدن «شکایت‌لر نی تینگلش» ۲۳ ماده‌لی قانونی تصدیق‌لنگن.

خلق‌ارا آزیق-آوقت دستوری: افغانستان ده فعالیتی‌میز دوامی اوچون ۶۵۷ میلیون دالرگه نیازیمیز بار

افغانستان ده بیرلشگن ملت‌لر تشکیلاتی خلق‌ارا آزیق-آوقت دستوری نینگ اعلام قیلیشیچه، اوشبو مملکت‌ده کیله‌سی آلتی آی‌ده فعالیتی نی دوام بیریش اوچون، ۶۵۷ میلیون دالر گه عاجل نیازی بار.

پاکستان سوداگرلیک وزیرلیگی نینگ معینی افغانستان گه تشریف بویردی

سرپرست حکومت صناعت و سوداگرلیک وزیرلیگی، پاکستان سوداگرلیک وزیرلیگی نینگ معینی کابل گه تشریف بویرگنیدن خبر بیرگن. صناعت و سوداگرلیک وزیرلیگی ۶-حمل، دوشنبه کونی، ایکس اجتماعی ترماغی‌ده یازیشیچه، پاکستان سوداگرلیک وزیرلیگی نینگ معینی محمدخرم آقا ییتکچیلیگی‌ده اوشبو مملکت یوقاری مرتبه‌لی هیئتی کابل گه تشریف بویرگن.

فراه ده ۱۷ مکتب فایده‌لنیشگه تاپشیریلدی

فراه ولایتی معارف رسمی‌لری، اوشبو ولایتده ۱۷ مکتب فایده‌لنیشگه تاپشیریلگنینی معلوم قیله‌دیلر. فراه معارف باشلیغی اخترمحمد زعیم نینگ سلام‌وطندار گه ایتیشیچه، دوشنبه کونی، ۶-حمل، مذکور ولایتده ۱۷ مکتب فایده‌لنیشگه تاپشیریلگن. اونگه کوره، اوشبو مکتب‌لر ۱۰ میلیون ۵۷۷ مینگ افغانی خره‌جت کوتاریب قوریلگن. زعیم جنابلری نینگ کوپه‌یتیریشیچه، بو ولایتده بیر قنچه مکتب‌لر بناسی اۉتگن اۉروش‌لر طفیلی بوزیلگن و قیته تعمیرلنیشی کېره‌ک.

ذبیح‌الله مجاهد: اسلام امیرلیگی پاکستان بیلن یخشی مناسبتی بولیشینی اېسته‌یدی

سرپرست حکومت سۉزلاوچیسی ذبیح‌الله مجاهد گه کوره، اسلام امیرلیگی پاکستان بیلن مناسبتی یخشی بولیشینی اېسته‌یدی و افغانستان‌ توپراغیدن باشقه مملکت‌لر اېنیقسه پاکستان گه قرشی فایده‌لنیش اوچون هېچ کیم‌گه رخصت بیرمه‌یدی.

هواشناس‌لیک ریاستی مملکت نینگ ۲۳ ولایتی‌ده کوچلی قار و یامغیر یاغیشیدن آگاه‌لنتیردی

سرپرست حکومت ترانسپورت و هوا یول‌لری وزیرلیگی نینگ هواشناس‌لیک ریاستی اېرته (سه‌شنبه، ۷-حمل)، مملکت نینگ ۲۳ ولایتیده کوچلی قار و یامغیر یاغیب و بوران یوز بیریش احتمالی‌دن آگاه‌لنتیرگن.

افغانستان مرکزی بانکی سونگی بیر ییل‌ده ایسکیرگن ۵.۲ میلیارد افغانی نی آلاو بیرگن

افغانستان مرکزی بانکی نینگ اعلام قیلیشیچه، ۱۴۰۲-ییل‌ده ایسکیرگن قریب ۵ میلیارد ۲۰۰ میلیون افغانی ‌نی، کابل شهری و مملکت نینگ باشقه حوزه‌لریدن توپلب و آلاو بیرگن. مذکور بانک بوگون اوز ایکس صحیفه‌سیده بیر خبرنامه ترقه‌تیب یازیشیچه، پول نینگ آلیش-بیریشی‌ده قوله‌ی‌لیک یره‌تیش مقصد…

کابل‌ده سۉنگی بیش ییل ده ییر آستی سوولری ۱۵ متر پس توشگن

خلق‌ارا سوو کونیدن «سوو ملی سرمایه دیر و اونی قوریقلش گه برچه‌میز مسئول میز» عنوانیده کابل بیلیم یورتی‌ده نشانلندی. اوشبو احتفال‌ده کابل بیلیم یورتی مسئوللری، کابل شهری‌ده ییر آستی سوولری سېزیلرلی درجه‌ده پس توشه‌یاتگنیدن خواطر بیلدیریب ایتیشلریچه، کابل‌ده سۉنگی ۱۵ ییل ایچیده ییر آستی سوولری ۱۵ متر پس توشگن.