اۉزبېکستان ایلچیسی اعتبارنامه‌سینی متقی گه تاپشیردی

تشقی ایشلر وزیرلیگی سۉزلاوچیسی‌نینگ اورین باسری ضیااحمد تکل، بوگون (۳۰-عقرب، چهارشنبه) ایکس صحیفه‌سیده بیر بیانیه ترقه‌تیب، اۉزبېکستان‌نینگ افغانستان اوچون ینگی تانیشتیرگن ایلچیسی آیبیک عثمانوف، اعتبارنامه‌سینی اسلام امیرلیگی تشقی ایشلر وزیرلیگی سرپرستی امیرخان متقی گه تاپشیرگنیدن خبر بیرگن.

دنمارک اوکراین گه ۱۳۸ میلیون دالر یاردم بیره‌دی

رویترز آژانسی گه کوره، دنمارک باش وزیری اوشبو موضوع‌نی ۲۹-عقرب، سه‌شنبه کونی اوکراین جمهور باشلیغی ولودیمیر زلنسکی بیلن خبری بیر ییغیلیش‌ده آچیقلب و بو یاردم اوکراین‌نینگ قورال-دارولری صناعتینی قۉللب-قوتلش مقصدیده بیریلیشینی اېتگن.

تورکمنستان‌نینگ سودا بوییچه هیئتی هرات گه کېلدی

تورکمنستان «ماری» ولایتی حاکمی اورازو بگنچ مراد سپر گلدیویچ باشچیلیگیده اوشبو مملکت‌نینگ سودا و صناعتچیلردن عبارت هیئتی، هرات گه تشریف بویرگن. بو هیئت، ۲۹-عقرب، سه‌شنبه کونی افغانستان و تورکمنستان سودا و ترانزیت مناسبت‌لرینی مستحکم‌لش اوچون هرات گه کېلگنی اېتیلگن. اوشبو اوچره‌شووده ایکّی تامان، افغانستان‌نینگ قیمت‌بها تاش‌لری اینیقسه مرمر تاشی و سودا توارلری، تیمیر یول آرقه‌لی تورکمنستان گه صادر بولیشی حقیده بحث اېتگنلر.

نتانیاهو: گرو گه آلینگنلر اورنی حقیده خبر بیرگن کیشی گه بیش میلیون دالر مکافات بیریله‌دی

اسرائیل باش وزیری بنیامین نتانیاهو، حماس و اسرائیل اۉرته‌سیده اوروش همان دوام اېتماقده اېکن، غزه مرکزینی یقیندن باریب کوزه‌تگن. رویترز آژانسی گه کوره، اسرائیل باش وزیری بنیامین نتانیاهو ۲۹-عقرب، سه‌شنبه کونی غزه مرکزینی یقیندن باریب کوزه‌تیش پیتیده، حماس بو ییرده قیته حکومت قیله آلمسلیگینی اېتگن.

افغانستان اورتاق‌لیک اویینده تاجیکستان گه بای بیردی

مملکت‌ فوتبال ملی تیرمه جماعه‌سی، اورتاق‌لیک اویینده تاجیکستان فوتبال ملی تیرمه جماعه‌سی گه مغلوبیت گه تن بیردی. افغانستان فوتبال فدراسیونی ۲۹-عقرب، سه‌شنبه کونی فیسبوک صحیفه‌سیده بیر خبر ترقه‌تیب، مملکت فوتبال ملی تیرمه جماعه‌سی اورتاق‌لیک اویینده تاجیکستان برابریده ۳-۱ حسابی بیلن مغلوب بولگنیدن خبر بیرگن. مذکور فدراسیون گه کوره، اوشبو مسابقه اوتگن کون کابل وقتی بیلن شام پیتی ساعت ۵:۳۰ ده تاجیکستان پایتختی دوشنبه شهریده اۉتکزیلگن.

اسلام امیرلیگی بوتون مملکتلر بیلن مناسبت‌لری مستحکم‌لنیشی گه تأکید اېتدی

اسلام امیرلیگی باش وزیری‌نینگ سیاسی اورین باسری محمدعبدالکبیر باشچیلیگیده سرپرست حکومت‌نینگ سیاسی کمیسیونی سۉنگی ییغیلیشی‌ده، منطقه‌ده‌گی اۉزگریش، منطقه و دنیا مملکتلری بیلن مناسبت‌لرینی مستحکم‌لش و افغانستان گه انسان پرورلیک یاردملر دوام تاپیشی کبی مسئله‌لرنی محاکمه قیلگن.

خوست ده ۱۱۹ ته دولتی مکتب بناسیز دیر

خوست ده اوقووچیلر و اوقیتووچیلردن قطاری نینگ ایتیشلریچه، مکتبلر نینگ بناسیزلیگی حاضرگچه بو ولایتده تعلیم برابریده‌گی اساسی قیین‌چیلیکلردن بیری دیر.

اسرائیل‌نینگ غزه گه هجوملری عاقبتیده فلسطین‌لیک ۵۰ کیشی قربان بولدی

فلسطین ساغلیق‌نی سقلش رسمی‌لری، اسرائیل اردوسی‌نینگ غزه گه هجوملری عاقبتیده چمه‌سی ۵۰ کیشی قربان بولیب و باشقه اونلب کیشی یره‌لنگنینی اېتگنلر. خلق‌ارا یېتکرمه‌لرنینگ معلوماتی اساسیده، اوشبو کیشیلر ۲۸-عقرب، دوشنبه کونی اسرائیل اردوسی‌نینگ غزه تورلی حدودلریده اویوشتیرگن هجوملری عاقبتیده قربان بولگنلر.

اورتاق‌لیک اویین؛ افغانستان بوگون تاجیکستان بیلن بیللـه‌شه‌دی

مملکت‌ فوتبال ملی تیرمه جماعه‌سی، اورتاق‌لیک اویینده تاجیکستان فوتبال ملی تیرمه جماعه‌سی بیلن بیللـه‌شه‌دی. افغانستان فوتبال فدراسیونی ۲۸-عقرب، دوشنبه کونی فیسبوک صحیفه‌سیده بیر خبر ترقه‌تیب، مملکت فوتبال ملی تیرمه جماعه‌سی اورتاق‌لیک اویینده تاجیکستان بیلن بیللـه‌شوویدن خبر بیرگن.

ولادیمیر پوتین اۉزبېکستان‌لیک ایکّی اشوله‌چینی تقدیرله‌دی

اۉزبېکستان‌لیک «فُرخ ذاکروف و سیوره نظرخانوف» روسیه دولت رهبری ولادیمیر پوتین تامانیدن تقدیرلنگنلر. اۉزبېکستان یېتکرمه‌لری‌نینگ معلوماتی اساسیده، ۲۸-عقرب، دوشنبه کونی اۉزبېکستان‌لیک بو ایکّی صنعت‌کار اۉزبېک و روس مدنیتینی یقینلشتیریش و باییتیش گه قۉشگن حصه‌سی اوچون، ولادیمیر پوتین تامانیدن دوست‌لیک آردینی بیلن تقدیرلنگنلر.

ا.ا: چین و روسیه سرمایه یاتقیزووچیلری‌نینگ ترغیب قیلیش اوچون قولی‌لیکلر یره‌تیلگن

اسلام امیرلیگی علیحده ترقه‌تگن بیانیه‌لریده، حاضرگی کونده افغانستان‌ده تورلی ساحه‌لرده سرمایه یاتقیزیش اوچون یخشی فرصت‌لر یره‌تیلگن شونی اوچون، قۉشنی و منطقه مملکتلر اینیقسه چین و روسیه سوداگرلری افغانستان‌ده سرمایه یاتقیزیش گه قیزیماقده‌لیگینی اېتگن.