خلق‌ارا یېتکرمه‌لرنینگ معلوماتی اساسیده، هندوستان ۱۶-ثور، سه‌شنبه‌دن چهارشنبه گه اوتر کیچه پاکستان‌نینگ بیرقطار شهرلریگه راکته آرقه‌لی هجوم قیلگن. معلومات‌لر اساسیده، هندوستان اردوسی پاکستان‌نینگ بعضی منطقه‌لریده اویوشتیرگن راکته هجومیده ۸ تینچ اهالی هلاک بولیب و باشقه کمیده ۳۵ کیشی یره‌لنگن.
اروپا قهرمانلر لیگی یریم فاینل قیتیش اویینیده، اینتر میلان فوتبال تیرمه جماعه‌سی بارسلونا گه غلبه قازانیب بو مسابقه‌لرنینگ بیرینچی فاینلیستی بولدی.
غزه ده ساغلیق‌نی سقلش رسمی‌لری‌نینگ ایتیشلریچه، ینگی‌لیکده اسرائیل آرقه‌لی غزه‌نینگ بیر قطار بولیم‌لری نشانگه آلینگنی نتیجه‌سیده، کمیده ۱۱ کیشی قربان بولگن.
اروپا قهرمانلر لیگی یریم فاینل قیتیش اویینیده، بو مسابقه‌لرده ایتالیا نماینده‌سی اینتر میلان، بارسلونادن میزبانلیک قیله‌دی. اوشبو مسابقه، بو کیچه (۱۶-ثور، سه‌شنبه) کابل وقتی بیلن ساعت ۱۱:۳۰ ده اوتکزیله‌دی. بوندن اول اسپانیا نماینده‌سی بارسلونا، اۉز اوییده اینتر میلان برابریده ۳-۳ حسابی بیلن مساوی گه تن بیرگن.
خلق‌ارا یېتکرمه‌لرنینگ معلوماتی اساسیده، اسرائیل اردوسی ینگی هوا هجوملریده حدیده بندری‌ده حوثی‌لرنینگ قرارگاه‌لرینی نشانگه آلگن. اسرائیل اردوسی، ۱۵-ثور، دوشنبه کونی بیر بیانیه ترقه‌تیب، حدیده بندری‌دن بوتون قورال-یراغ انتقال بیریش اوچون فایده‌لنیلیش‌نی اېتگن.
انگلستان لیورپول کلوبی‌نینگ راست حمایه‌چیسی ترنت الکساندر آرنولد، ۲۰ ییلدن کېین فصل یکونیده بو کلوب‌دن ایریلیشینی بیلدیردی.
ایران تشقی ایشلر وزیری سیدعباس عراقچی، پاکستان رسمی‌لری بیلن اوچره‌شیش مقصد اسلام‌آباد گه بارگن. عراقچی‌نینگ ایتیشیچه، پاکستان رسمی‌لری بیلن اوچره‌شوولرده ینگی دهلی و اسلام‌آباد آره‌سیده‌گی کیسکین‌لیکلر کمه‌یشی توغریسیده سعی‌وحرکت قیله‌دی.
غزه ییتکرمه‌لر اداره‌‌سی‌نینگ ایتیشیچه، اسرائیل محاصره‌سی و آچلیک سبب، فلسطین‌لیک قریب ۲۹۰ مینگ باله اولیم خوفی بیلن روپهره دیر.
ایران مدافعه وزیری عزیز نصیرزاده، بو مملکت گه هجوم بولگن حالده، امریکانینگ قرارگاه‌لری نشانگه آلینیشی حقیده آگاه‌لنتیرگن. نصیرزاده، ۱۴-ثور، یک‌شنبه کونی ایران دولتی تلویزیونی بیلن اوتکزگن صحبتیده، ایران اوروش گه تارتیلسه یا که بو مملکت نشانگه آلینسه، تهران «کوچلی» جواب قیتریشینی اېتگن.
یمن حوثی‌لری‌نینگ اسرائیل گه قرشی راکته هجوملری دوام اېتماقده اېکن، بو مرته «بن گوریون» هوا قونالغه‌سینی نشانگه آلگن. الجزیره، بوگون (۱۴-ثور، یک‌شنبه) ترقه‌تگن گزارشی‌ده اسرائیل اردوسی تل‌آویو قونالغه‌سی یقینیده راکته توشگنینی تصدیقلب و بو توغریده تدقیقات‌لر باشلنگنینی معلوم قیلگن.
غزه‌ده حماس و اسرائیل اورته‌سیده اوروش دوام اېتماقده اېکن، اسرائیل‌نینگ ېنه ایکّی عسکری هلاک بولگن. العربیه گه کوره، اوشبو عسکرلر غزه جنوبی حدودلری رفح‌ده بیر تونل پارتلشی عاقبتیده هلاک بولگنلر. معلومات‌لر اساسیده، اسرائیل اردوسی، غزه جنوبی خان‌یونس‌ده یشش بنالر و آواره‌لر خیمه‌لرینی نشانگه آلگن، نتیجه‌ده بیر عایله‌نینگ آلتی اعضاسی قربان بولگن.
اسرائیل آرقه‌لی غزه‌نینگ بوتونلی محاصره بولگنی و انسان‌سیورلیک یاردم‌لر یوباریلیشی آلدی آلینگنی‌دن کیین، اوشبو منطقه‌نینگ کمیده ۵۷ یشاوچیسی اینیقسه باله‌لر، کیکسه‌لر و کسل‌لر، آچلیک و توییب آوقت‌لنمسلیک عاقبتیده قربان بولگنلر.
ایران تشقی ایشلر وزیری سیدعباس عراقچی، منطقه و خلق‌ارا اوزگریشلری حقیده صحبت قیلیش مقصد، کیله‌سی هفته هندوستان و پاکستان گه سفر قیله‌دی.
بیرلشگن ملتلر تشکیلاتی‌نینگ باله‌لرنی قوللب-قوتلاوچی صندیغی (یونیسف)، غزه‌نینگ محاصره بولگنی و بو منطقه گه انسان‌سیورلیک یاردم‌لر یوباریلیشی تقیق‌لنگنی‌دن تنقید‌لب و ایتیشیچه، مینگلرچه باله «توییب آوقت‌لنمسلیک، آچلیک و قحطچیلیک» بیلن روپهره دیر.
واشنگتن و کی‌یف بیر نیچه آی‌گه چوزیلگن دیپلماتیک تارتیشوولردن کېین اوکراین‌نینگ فایده‌لی قزیلمه‌لرینی تصرف اېتیشگه دایر شرطنامه‌نی امضاله‌دی. ۳۰-اپریل کونی امضالنگن کېلیشوو دایره‌سیده، اوکراین‌نی تېکلش بوییچه سرمایه یاتقیزیش بیر صندیق تشکیل اېتیله‌دی. امریکا مالیه وزیرلیگی حجت امضالنیش‌نی جمهور باشلیغ دونالد ترامپ‌نینگ «اېرکین و مستقل اوکراین‌نی قۉللب-قوتلش گه متعهدلیگی دیه تلقین قیلگن.
اۉزبېکستان یېتکرمه‌لری‌نینگ معلوماتی اساسیده، بو مملکت‌ده ېنه اوچاق ایشلب چیقریش باشلنگن. تاشکینت‌ده بولیب اوتگن «انا پرام» کورگزمه‌سیده « نوایی» اېرکین اقتصادی منطقه‌وی اداره‌سی و روسیه بیر شرکتی اورته‌سیده، اۉزبېکستان‌ده اوچاق ایشلب چیقریش بیتیمی امضالنگن. اوشبو بیتیم‌ده، یولاوچی تاشووچی و ملکی اوچووچی‌سیز اوچاق ایشلب چیقریش نظرده توتیلگن.
