رویترز آژانسی، بو هجوم ۱-اسد، دوشنبه کونی خانسیونس نینگ شرقی حدودلری «بنیسهیلا» و باشقه بیرقطار شهرلریده اۉیوشتیریلگنینی معلوم قیلگن. معلوماتلر اساسیده، اوشبو هجوملر عاقبتیده چمهسی ۷۰ کیشی هلاک بولیب و باشقه ۲۰۰ دن آرتیق کیشی یرهلنگن. اوشبو منطقهلر اهالیسی نینگ رویترز گه ایتیشلریچه، اسرائیل اردوسی نینگ تانکلری ایکّی کیلومتردن کوپراق بنیسهیلا شهری گه یقینلشیب و اولرنی اوی-جایلرینی ترک اېتیش گه مجبور قیلگن.
رویترز ۳۱-سرطان، یکشنبه کونی، اسرائیل حربی کوچلری رفح شهری مرکزی ده مینگلب آواره جایلشگن کمپ نی نشانگه آلگنینی معلوم قیلگن. اوشبو گزارش اساسیده، اسرائیل حربی کوچلری «تل السلطان» ده حماس جنگریلرینی نشانگه آلیب و اولر گه عاید قورال-یراغ و آست قورمهلرنی یوق اېتگنلرینی ادعا قیلگن.
امریکا قۉشمه ایالتلری نینگ جمهور باشلیغی جوبایدن اوشبو مملکت نینگ ۲۰۲۴-ییل جمهورلیک ریاستی سیلاو رقابتلریدن واز کېچگن. بایدن ۳۱-سرطان، یکشنبه کونی ایکس صحیفهسیده اوشبو خبرنی ترقهتیب جمهور باشلیغ اولهراق امریکا گه خذمت قیلیشنی حیاتیدهگی بویوک قوانچ دیه یادلهگن.
خلقارا یېتکرمهلر نینگ معلوماتی اساسیده، اوشبو واقعه ۳۰سرطان، شنبه کونی مذکور ولایت نینگ شانشی ولایتیده یوز بیرگن، بو واقعه طفیلی چمهسی ۱۱ کیشی قربان بولیب و باشقه ۳۰ کیشی یرهلنگن.
بنگلهدیش ده ۱۹ کوندن بیری طلبهلر نینگ ناراضیلیک همایشی دوام اېتیب کېلماقده اېکن، بو همایش زورهوانلیکّه تارتیلیب و اولردن بیرقطاری نینگ اولیب و یرهلنیشی گه سبب بولگن. خلقارا یېتکرمهلر نینگ معلوماتی اساسیده، ۲۹-سرطان، جمعه کونی بنگلهدیش ده طلبهلر نینگ ناراضیلیک همایشی دوام تاپیب و اوشبو کونده ناراضچیلردن چمهسی ۵۲ کیشی مذکور مملکت پایتختی «داکا» شهری ده هلاک بولگن.
آقسرای، امریکا قۉشمه ایالتلری نینگ جمهور باشلیغی جوبایدن کووید ۱۹ ویروسی گه چلنیگنیدن خبر بیرگن. آقسرای سۉزلاوچیسی کارین ژان پیر ۲۷-سرطان، چهارشنبه کونی بیر بیانیه ترقهتیب، اوشبو مملکت دولت رهبری جوبایدن کووید ۱۹ گه چلینگنینی بیلدیرگن. او، بایدن جنابلری کرونا ویروسی گه چلینگنلیگی طفیلی اۉزینی قرنطین قیلیشینی اېتگن. بیرقطار یېتکرمهلر جوبایدن نینگ شفاکاریدن نقل قیلیب، اونینگ کرونا یوقتیرگنی مثبت بۉلگن و کرونا بیرینچی دوزینی هم آلگنینی معلوم قیلگنلر.
پیرو ده یولاوچی تاشووچی بیر بس نینگ قولشی عاقبتیده چمهسی ۲۵ کیشی هلاک بولیب و باشقه ۱۷ کیشی یرهلنگن.
حماس و اسرائیل اۉرتهسیده آتیش کېسین مذاکرهلری توختهتیلگن بیرحالده، مذکور مملکت اردوسی ۲۶-سرطان، سهشنبه کونی غزه نینگ بیرقطار حدودلریده کېنگ کولمده هجوملری گه دوام بیرگن. معلوماتلر اساسیده اسرائیل نینگ غزه مرکزی و جنوبی حدودلریده اۉیوشتیرگن هجوملری عاقبتیده چمهسی ۵۷ کیشی قربان بولگن.
ارجنتاین فوتبال اویینچیسی آنخل دیماریا، اوشبو مملکت جماعهسی امریکا کوپا ۲۰۲۴-ییل رقابتلری گه قهرمان بولیشی بیلن بیرگه، بو مملکت فوتبال ملی تیرمه جماعهسی بیلن خیرلشدی.
پاکستان یېتکرمهلری نینگ معلوماتی اساسیده، پاکستان خوفسیزلیک کوچلری نینگ بیر بیکتی (ایست بازرسی) ده شبهنظامیلر نینگ هجومی عاقبتیده اوشبو مملکت نینگ تورت عسکری هلاک بولیب و تینچ اهالی شامل باشقه اونلب کیشی یرهلنگن.
پاکستان نینگ خیبر پختونخوا ایالتیده محلی بیر ژورنالیست، موتر سایکل دهگی قوراللی کیشیلر تامانیدن آتیب اۉلدیریلگن.
اسپانیا فوتبال ملی تیرمه جماعهسی یورو ۲۰۲۴-ییل رقابتلری فاینلی ده انگلستان گه غلبه قازانیب، تورتینچی مراتبه اروپا ملتلر کپی قهرمانی بولدی. اوشبو بیللشوو ۲۴-سرطان، یکشنبه دن دوشنبه گه اوتر کیچه افغانستان وقتی بیلن ساعت ۱۱:۳۰ ده، جرمنی برلین شهری «المپیاد» سپورت میدانیده بولیب اوتدی.
یورو ۲۰۲۴-ییل فوتبال فاینل بیللشووی بو کیچه انگلستان و اسپانیا ملی تیرمه جماعهلری همده امریکا کوپا ۲۰۲۴-ییل فاینل بیللشووی اېرته بولیب اۉتهدی. یورو ۲۰۲۴-ییل فاینل بیللشووی ده انگلستان و اسپانیا بو کیچه (۲۴-سرطان، یکشنبه) افغانستان وقتی بیلن ساعت ۱۱:۳۰ بولیب اۉتهدی و امریکا کوپا ۲۰۲۴-ییل فاینل بیللشووی ده اېرته (۲۵-سرطان، دوشنبه کونی) اېرتهلب افغانستان وقتی بیلن ساعت ۴:۳۰ ده لیونل مسی همتیمیلری (ارجنتاین)؛ کلمبیا بیلن بیللشهدیلر.
اسرائیل اردوسی نینگ غزه جنوبی حدودلریده هوا هجومی عاقبتیده فلسطینلیک قریب ۴۰۰ کیشی اولیب و یرهلنگن. رویترز آژانسی گه کوره، ۲۳-سرطان، شنبه کونی اسرائیل اردوسی نینگ غزه جنوبی حدودلریده اۉیوشتیرگن هجومی عاقبتیده فلسطینلیک ۹۱ کیشی هلاک بولیب و باشقه ۳۰۰ دن آرتیق کیشی یرهلنگن.
امریکا ده اوشبو مملکت جمهورلیک ریاستی سیلاو نامزدلریدن بیری دونالد ترامپ نینگ سیلاو کمپاینیده قوراللی هجوم اۉیوشتیریلیشی عاقبتیده ترامپ یرهلنیب و باشقه ایکّی کیشی هلاک بولگن. خلقارا یېتکرمهلر نینگ معلوماتی اساسیده، اوشبو هجوم ۲۳-سرطان، شنبه کونی امریکا نینگ پنسیلوانیا ایالتی «باتلر» منطقهسیده اۉیوشتیریلگن.
رویترز آژانسی نینگ گزارشی اساسیده، اوتگن کون (جمعه، ۲۲-سرطان)، نایجریا ده بیر مکتب بناسی نینگ قولهشی عاقبتیده، ۲۲ اوقووچی اولگن. رویترز آژانسی گه کوره، اوشبو واقعهده ۱۵۴ اوقووچی آوار آستیده قالیب و اولر ارا ۱۳۲ اوقووچی ایسه قوتقریلگن.
