العربیه گزارشی اساسیده، اسرائیل حربی کوچلری ۲۲-جوزا، سهشنبه کونی لبنان جنوبی حدودلری «جویا» شهری ده حزبالله نینگ قرارگاهلرینی نشانگه آلگن، بو هجوم عاقبتیده حزبالله لبنان نینگ چمهسی تورت ییریک قوماندانی جمله دن گردان النصر قوماندانی «ابوطالب» هلاک بولگن.
روسیه جمهور باشلیغی ولادیمیر پوتین، یقین هفتهلرده شمالی کوریا و ویتنام گه سفر قیلیشی کوتیلهدی. روسیه یېتکرمهلری ۱۰-جون، دوشنبه کونی اوشبو مملکت رهبری یقین هفتهلر ایچیده مذکور مملکتلر گه سفر قیلیشی ممکن دیب خبر بیرگن. رویترز، رسمی بیر مقام دن نقل قلیب پوتین شمالی کوریا و ویتنام گه ۱۹ و ۲۰ جولای سفر قیلیشی ممکن لېکن حاضرگه قدر قطعی بولمهگنینی معلوم قیلگن.
خلقارا یېتکرمهلر، بیرلشگن ملتلر تشکیلاتی خوفسیزلیک کینگشی ۱۰-جون، دوشنبه کونی غزه ده اسرائیل و حماس اۉرتهسیده آتیش کېسین برقرار اېتیلیشی اوچون امریکا قۉشمه ایالتلری جمهور باشلیغی جوبایدن نینگ تکلیفینی قۉللب-قوتلهگنی حقیده گزارش بیرگنلر.
ایران پایتختی تهران شهری ده پلاستیکسازلیک بیر کارخانه ده صادر اېتیلگن یانغین عاقبتیده چمهسی ۸۳ کیشی یرهلنگن. ایران یېتکرمهلری ساغلیق مسئوللردن نقل قیلیب، اوشبو یانغین ۲۱-جوزا، دوشنبه کونی تهران شهری «شهریار» سرکی ده پلاستیکسازلیک بیر کارخانه ده یوز بیرگن.
خلقارا ییتکرمهلر نینگ گزارشی اساسیده، اسرائیل باش وزیری بنیامین نتانیاهو اوروش کابینه اعضاسی بنی گانتز، یکشنبه کونی ۲۰-جوزا، استعفا بیرگن.
خلقارا ییتکرمهلر نینگ گزارشی اساسیده، شنبه کونی ۸-جون، غزه مرکزی «النصیرات» منطقهسیده اسرائیل حربیسی نینگ هوایی هجومی عاقبتیده، کمیده ۲۱۰ فلسطینلیک قربان بولیب و ۴۰۰ کیشی ایسه یرهلنگن.
روسیه جمهور باشلیغی اوکراین اوروشیده غلبه قازانیش اوچون «اتمی قورال» دن قوللنیش گه کېرهک اېمس دیگن. روسیه جمهور باشلیغی ولادیمیر پوتین بیرینچی مراتبه اوشبو سۉزلرنی ، ۱۸-جوزا، جمعه کونی، سنپترزبورگ ده خلقارا اقتصادی ییغیلیش ده بیان قیلگن.
امریکا تشقی ایشلر وزیری آنتونی بلینکن، غزه ده حماس و اسرائیل اۉرتهسیده آتش کېسین برقرار اېتیلیشینی محاکمه قیلیش مقصدیده کېلهسی هفته اۉرته شرققه سفر قیلیشی ممکن. رویترز آژانسی، بلینکن اوشبو سفری ده اسرائیل، مصر، قطر و اردن رسمیلری بیلن اوچرهشووی ممکن دیگن.
غزه ده اسرائیل حربی کوچلری نینگ آوارهلر توپلنگن مدرسه ده هوا هجومی عاقبتیده ۳۲ کیشی قربان بولگن. الجزیره خبری ترماغی گه کوره، اسرائیل حربی کوچلری بوگون (۱۷-جوزا، پنجشنبه) بامداد چاغی، غزه نینگ نصیرات منطقهسیده بیرلشگن ملتلر تشکیلاتی گه عاید یوزلب فلسطینلیک آواره توپلنگن مدرسهنی نشانگه آلگن.
فلسطین مستقل مملکت اولهراق بیرقطار مملکتلر تامانیدن تن آلینگچ، سلوانیا هم بو مملکت نی مستقل مملکت صفتیده تن آلگن. سلوانیا پارلمانی ۱۵-جوزا، سهشنبه کونی کوپ آواز بیلن، فلسطین نی مستقل مملکت صفتیده تن آلینیشنی تصدیقلهگن. سلوانیا پارلمانی وکیللری ۵۲ موافق و هېچ رد آواز بیلن بو موضوع نی تصدیقلهگن. بوندن آلدین ناروی، ایرلند و اسپانیا فلسطین نی مستقل مملکت صفتیده تن آلگن اېدیلر.
غزه مرکزی و جنوبی ده قاچقینلر نینگ ایکّی کمپیده اسرائیل حربی کوچلری نینگ ییر و هوا هجوملری عاقبتیده چمهسی ۱۹ کیشی هلاک بولیب و باشقه اونلب کیشی یرهلنگن. رویترز گه کوره، اسرائیل حربی کوچلری ۱۵-جوزا، سهشنبه کونی غزه مرکزی و جنوبی ده «البریج، المغازی و النصیرات» کمپلریده هجوم اۉیوشتیرگن.
هندوستان باش وزیری نرندرا مودی، اوشبو مملکت نینگ پارلمانی سیلاو غالبی اعلام بولدی. نرندرا مودی اوشبو مملکت نینگ پارلمانی اېنگ کوپ چوکیسینی اېگللش بیلن، سیلاو غالبی اعلام بولگن. هندوستان پارلمانی سیلاو نتیجهسی ۱۶-جوزا، سهشنبه کونی کیچ قورون اعلام بولدی، اوشبو سیلاو گه نرندرا مودی ییتکچیلیگیده دموکراتیک ملی اتحاد حزبی مذکور مملکت پارلمانی نینگ ۵۴۳ چوکیسی دن ۲۹۳ چوکیسینی قولگه کېریتگن.
فرانسهلیک فوتبال اویینچی کیلیان امباپه، رسمی شکلده رئال مادرید کلوبی گه قوشیلدی. اسپانیالیک رئال مادرید کلوبی، ۱۴-جوزا، دوشنبه دن سهشنبه گه اوتر کیچه، بیر بیانیه ترقهتیب، کیلیان امباپه نینگ اوشبو کلوب گه قوشیلگنینی رسمی شکلده تصدیقلهگن. فرانسهلیک اوشبو فوتبال اویینچی رئال مادرید بیلن بیش ییللیک شرطنامه امضالهگن.
سپورت یېتکرمهلری نینگ معلوماتی اساسیده، فرانسهلیک فوتبالچی کیلیان امباپه، رئال مادرید کلوبی گه قوشیلگن. اسکای اسپورت یکشنبه دن دوشنبه گه اوتر کیچه، ۱۳-جوزا، پاریسن جرمن فوتبال اویینچیسی کیلیان امباپه رئال مادرید گه قوشیلگنی حقیده خبر بیرگن. اسکای اسپورت نینگ کوپهیتیریشیچه، فرانسهلیک مذکور فوتبال اویینچیسی اوشبو هفته ایچیده رئال مادرید کلوبی بیلن رسمی طرزده شرطنامه امضالشی کوتیلهدی.
روسیهلیک آزاد مبارزهلر سپورتچیسی اسلام ماخاچف، بوگون (۱۳-جوزا، یکشنبه) آزاد مبارزهلر رقابتلریده امریکالیک رقیبی داستین پویریه اوستیدن غلبه قازاندی.
چین نینگ کاسمیک کېمهسی ملی ادارهسی (سیاناسای) بوگون (۱۳-جوزا، یکشنبه) اوشبو مملکت نینگ اوچووچیسیز کاسمیک کېمهسی (فضا پیما) بیر آی اول آی تامان گه آتیلگنیدن سۉنگ آی گه یېتیب بارگنیدن خبر بیرگن. مذکور اداره گه کوره، «چانگای-۶» اوچووچیسیز کاسمیک کېمه آی گه یېتیب بارگن و اونینگ وظیفهسی آی اطرافی دهگی توپراق و تاش دن نمونه آلیش دیر.
