اسرائیل اردوسی نینگ اعلام قیلیشیچه، لبنان جنوبی‌ده‌گی قیشلاقلرگه مقصدلی و چیکلنگن ییر هجوملرینی باشله‌گن. الجزیره خبری ترماغی نینگ گزارش بیریشیچه، اسرائیل اردوسی بوگون ایرته‌لب لبنان گه ییر هجوملرینی توپ‌خانه‌یی و هوایی کوچلری نینگ حمایتی بیلن باشله‌گن.
حزب‌الله لبنان رهبری سیدحسن نصرالله اولدیریلیشیدن سۉنگ، هاشم صفی‌الدین اوشبو حزب نینگ ینگی رهبری اوله‌راق اېتیب تعیینلنگن. العربیه اۉز منبعلریدن نقل قیلیب یازیشیچه، هاشم صفی‌الدین ۸-میزان، یک‌شنبه کونی حزب‌الله لبنان رهبریت کینگشی، هاشم صفی‌الدین نی اوشبو آقیم نینگ ینگی رهبری اوله‌راق اېتیب تعیینله‌گن.
لبنان ساغلیق‌نی سقلش وزیرلیگی نینگ اعلام قیلیشیچه، مذکور مملکت نینگ بیر قطار بولیم‌لریگه اسرائیل اردوسی آرقه‌لی اویوشتیریلگن هجوملر عاقبتیده، ۱۰۵ کیشی قربان بولیب و ۳۵۹ کیشی ایسه یره‌لنگن.
حزب‌الله لبنان رهبری سیدحسن نصرالله نینگ اولدیریلیشی منطقه و دنیا ده کېنگ کولملی مناسبت‌لر بیلن روپه‌ره بولیب و اۉرته شرق ده اوروش کېنگه‌یشی گه دایر خواطرلرنی آشیرگن.
حزب‌الله لبنان رهبری سیدحسن نصرالله، اسرائیل اردوسی نینگ هوا هجوملری عاقبتیده هلاک بولگچ، بیرقطار اسلامی مملکت‌لر جمله دن لبنان، ایران، عراق و یمن اوچ کوندن بیش کونگچه عمومی ماتم اعلام قیلگنلر. حزب‌الله نینگ سېزیلرلی درجه ده نفوسی بولگن لبنان دولتی، سیدحسن نصرالله اولدیریلیشی طفیلی بوگون (۸-میزان، یک‌شنبه) دن باشلب اوچ کون عمومی ماتم اعلام قیلگن.
بوندن آلدینراق اسرائیل اردوسی، حزب‌الله لبنان رهبری سیدحسن نصرالله، اولر نینگ هوا هجوملری عاقبتیده هلاک بولگنینی اېتگن اېدی. رویترز آژانسی گه کوره، حزب‌الله لبنان رهبری اسرائیل اردوسی نینگ ۶-میزان، جمعه کونی لبنان پایتختی بیروت جنوبی ده اویوشتیرگن هوا هجوملری عاقبتیده، اوشبو حزب نینگ مرکزی اداره‌سیده اولدیریلگن.
رویترز آژانسی گه کوره، حزب‌الله لبنان رهبری اسرائیل اردوسی نینگ ۶-میزان، جمعه کونی لبنان پایتختی بیروت جنوبی ده اویوشتیرگن هوا هجوملری عاقبتیده اوشبو حزب نینگ مرکزیده اولدیریلگن. اسرائیل اردوسی، جمعه کونده‌گی هوا هجوملریده حزب‌الله لبنان رهبری گه قۉشیمچه جنوبی بولیم قوماندانی علی کرکی و مذکور حزب نینگ باشقه بیر قطار قوماندان‌لری اولدیریلگنینی اېتگن.
اسرائیل نینگ لبنان گه اویوشتیره‌دیگن هوایی هجوملری بوگون گه قدر هم دوام قیلیب و سونگی بمباردمانی‌ده ایسه ۷۲ کیشی لبنان ده قربان بولگن. اسرائیل مدافعه وزیرلیگی نینگ اعلام قیلیشیچه، اوشبو مملکت کوچلری نینگ لبنان گه زمینی هجوم اویوشتیریشی ممکن.
لبنان ساغلیق‌نی سقلش وزیرلیگی، اسرائیل اردوسی نینگ اوشبو مملکت ده سۉنگی ایکّی کونده‌گی هجوملری طفیلی قربان‌لر رقمی ۵۰ باله شامل ۵۶۹ کیشی گه یېتگنینی معلوم قیلگن. رویترز آژانسی گه کوره، اسرائیل اردوسی نینگ لبنان ایریم قسمت‌لری اینیقسه بو مملکت نینگ جنوبی حدودلریده سۉنگی ایکّی کونده‌گی هوا هجوملری عاقبتیده بیر مینگ ۸۳۵ کیشی یره‌لنگن.
لبنان ساغلیق‌نی سقلش وزیرلیگی نینگ اعلام قیلیشیچه، اوشبو مملکت نینگ بیر قطار بولیم‌لری گه اسرائیل اردوسی آرقه‌لی اویوشتیرگن هوایی هجوملر عاقبتیده، ۴۹۲ کیشی قربان بولیب و بیر مینگ ۶۴۵ کیشی یره‌لنگن.
تورکیه نینگ شمال-غربی حدودلری «بورسا» شهریده تعلیمی بیر اوچاق نینگ قوله‌شی عاقبتیده ایکّی پیلوت قربان بولگن. آناتولی آژانسی گه کوره، اوشبو تعلیمی اوچاق بوگون (۲-میزان، دوشنبه) تورکیه نینگ شمال-غربی ده جایلشگن بورسا شهریده یشش منطقه ده قوله‌گن.
بیرلشگن ملتلر تشکیلاتی خلق‌ارا «ایما-اشاره» تیل کونی مناسبتی بیلن، دنیا مقیاسیده ۷۰ میلیون دن آرتیق قولاق دن عاجز کیشی بولیب و اولر نینگ ۸۰ فایزی رواجلنه‌یاتگن مملکت‌لرده یشب کېلماقده‌لیک‌لرینی معلوم قیلگن.
سۉنگی کونلرده اۉرته شرق ده کېسکین‌لیک‌لر اوج آلماقده اېکن اسرائیل و حزب‌الله لبنان سۉنگی کونلرده بیر-بیری نینگ مرکزلرینی هوا و راکته بیلن نشانگه آلماقده‌لر.
ایران ییتکرمه‌لری اوشبو مملکت جنوبی خراسان ولایتی‌ده، طبس تاش کومیر کانی‌ده هلاکتلی بیر پارتلش یوز بیرگنی‌دن خبر بیرگنلر. ایرنا آژانسی نینگ یازیشیچه، حاضرگچه اولگن کیشیلر سانی کمیده ۳۰ گه ییتیشگن.
ایران ییتکرمه‌لری نینگ گزارش بیریشیچه، اوشبو مملکت جمهور باشلیغی مسعود پزشکیان، بیرلشگن ملتلر تشکیلاتی نینگ ییتمیش توقیزینچی عمومی ییغیلیشی گه قتنه‌شیش مقصد، امریکا نینگ نیویورک شهری‌گه کیتگن.
بی‌بی‌سی لبنان ساغلیق‌نی سقلش وزیرلیگیدن نقل قیلیب یازیشیچه، ۳۰-سنبله، جمعه کونی اسرائیل اردوسی نینگ بیروت شهریده اویوشتیرگن هوا هجومی عاقبتیده قربان‌لر سانی ۱۴ کیشی یېتگن و باشقه اونلب کیشی یره‌لنگن، توپراق همده دیوارلر آستیده قالگنلرنی قوتقریش گه سعی-حرکت قیلماقده‌لر.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
