بیرلشگن ملتلر تشکیلاتی باش کاتبی آنتونیو گوترش، اۉزبېکستان گه قیلگن سفری دایرهسیده اوشبو مملکت جمهور باشلیغی شوکت میرضیایف بیلن اوچرهشگن. گوترش جنابلری بوگون (۱۲-سرطان، سهشنبه) ایکس صحیفهسیده اۉزبېکستان جمهور باشلیغی شوکت میرضیایف بیلن تاشکینت شهریده منطقه ده ثبات تأمین اېتیلیشی و همکارلیکلر حقیده بحث اېتگنینی معلوم قیلگن.
یورو مسابقهلری حذفی باسقیچی گه یول تاپگن تیرمه جماعهلر ارا بو کیچه (۱۱-سرطان، دوشنبه) فرانسه فوتبال ملی تیرمه جماعهسی افغانستان وقتی بیلن آخشم ساعت ۸:۳۰ اطرافی ده بلژیک تیرمه جماعهسی و پرتگال یریم کیچه ساعت ۱۱:۳۰ اطرافی ده اسلوونی بیلن بیللشهدیلر.
خلقارا یېتکرمهلر نینگ معلوماتی گه کوره، شمالی کوریا شرقی ساحللریده ایکّی بالستیک راکته نی سیناودن اۉتکزگن. خلقارا یېتکرمهلر ۱۰-سرطان، یکشنبه کونی جنوبی کوریا اردوسیدن نقل قیلیب، شمالی کوریا اوشبو مملکت نینگ شرقی ساحللریده ایکّی بالستیک راکته نی سیناودن اۉتکزگنیدن خبر بیرگنلر. معلوماتلر گه کوره، اوشبو راکتهلردن بیری قیسقه مصافه نی اورهدیگن و باشقه بیری حقیده هېچ نرسه دیېلمهگن.
خلقارا یېتکرمهلر نینگ معلوماتی اساسیده، جنوبی کوریا ده بیر «ربات» ایش ساعتی کوپلیگی طفیلی اۉزینی اۉلدیرگن.
یورو مسابقهلری حذفی باسقیچی گه یول تاپگن تیرمه جماعهلر ارا بو کیچه (۹-سرطان، شنبه) سوئیس فوتبال ملی تیرمه جماعهسی افغانستان وقتی بیلن آخشم ساعت ۸:۳۰ اطرافی ده ایتالیا ملی تیرمه جماعهسی و جرمنی یریم کیچه ساعت ۱۱:۳۰ اطرافی ده دنمارک بیلن بیللشهدیلر.
ایران جمهورلیک ریاستی سیلاوی نینگ نتیجهسی اعلام بولیشی بیلن بیرگه، اوشبو سیلاو ایکّینچی باسقیچ گه کېتگن. ایران یېتکرمهلری بوگون (۹سرطان-شنبه) مذکور مملکت نینگ ایچکی ایشلر وزیرلیگی سیلاو ستاد سۉزلاوچیسی دن نقل قیلیب، بو مملکت نینگ جمهورلیک ریاستی سیلاوی نهایی نتیجهسینی اعلام بولگنینی اېتگنلر.
بیرلشگن ملتلر تشکیلاتی باش کاتبی آنتونیو گوترش اۉرته آسیا مملکتلری گه سفری دایرهسیده بوگون (۹-سرطان، شنبه) اۉزبېکستان گه سفر قیلیشی کوتیلهدی. بیرلشگن ملتلر تشکیلاتی سۉزلاوچیسی استیفان دوجاریک خبری بیر ییغیلیشده، گوترش جنابلری اۉزبېکستان گه سفری دن سۉنگ قیرغزستان، قزاقستان، تاجیکستان و تورکمنستان گه سفر قیلیشی ممکن.
امریکا قۉشمه ایالتلری نینگ سابق جمهور باشلیغی دونالد ترامپ بیر سیلاو مناظره ده، رقیبی جوبایدن نی اوشبو مملکت تاریخی دهگی «اېنگ یامان» جمهور باشلیغ دیب اتهگن.
ایران ده جمهورلیک ریاستی سیلاوی باشلنگن. ایرانلیک میلیونلرچه فقرا اوشبو مملکت نینگ ۱۴-دور جمهورلیک ریاستی سیلاوی گه قتنهشیب، اۉز تنلهگن نامزدلری گه آواز بیریشلری کوتیلهدی.
اوشبو مسابقهلر نینگ سۉنگی اویینلری ۶-سرطان، چهارشنبه دن پنجشنبه گه اوتر کیچه یکونلندی. یورو ۲۰۲۴-ییل مسابقهلری نینگ حذفی باسقیچی گه ایتالیا، جرمنی، دنمارک، انگلستان، اسلواکیا، اسپانیا، گرجستان، فرانسه، بلژیک، پرتگال، اسلوونیا، رومانیا، هالند، اتریش و تورکیه فوتبال ملی تیرمه جماعهلری یول تاپگنلر.
روسیه تشقی ایشلر وزیرلیگی، اوشبو مملکت ده اروپا مملکتلری گه عاید ۸۱ یېتکرمه فعالیتینی توختهتگنینی معلوم قیلگن.
امریکا قۉشمه ایالتلری نینگ آبامای ایالتی «مونتگومری» شهری ده بیر مهمانلیک احتفال ده اوق آتیش ده چمهسی توقیز کیشی یرهلنگن. خلقارا یېتکرمهلر نینگ معلمواتی اساسیده، بو واقعه محلی وقت بیلن ۳-سرطان، یکشنبه کونی امریکا نینگ آبامای ایالتیده یوز بیرگن. واقعه طفیلی یرهلنگنلردن بیرقطاری نینگ احوالی آغیر دیېلگن.
روسیه نینگ داغستان جمهوریتیده ایکّی کلیسا و بیر کنیسه ده قوراللی هجوم عاقبتیده توقیز کیشی هلاک بولگن. روسیه یېتکرمهلری نینگ معلوماتی اساسیده ۳-سرطان، یکشنبه دن دوشنبه گه اوتر کیچه اوشبو هجوم عاقبتیده یېتّی عسکر شامل توقیز کیشی هلاک بولیب و چمهسی ۲۵ کیشی یرهلنگن.
اسرائیل حربی کوچلری نینگ غزه شمالی حدودلریده هوا هجوملری عاقبتیده فلسطینلیک ۴۲ کیشی قربان بولگن. معلوماتلر گه کوره، اسرائیل حربی کوچلری ۲-سرطان، شنبه کونی غزه شمالی حدودلری الطوفه منطقهسی و ساحل کمپی گه هجوم اۉیوشتیرگن. خلقارا یېتکرمهلر نینگ معلوماتی اساسیده، سۉنگی بیر کیچه-کوندوز ایچیده اسرائیل نینگ غزه ده هوا هجوملری عاقبتیده فلسطینلیک ۱۰۱ کیشی قربان بولیب و باشقه ۱۶۹ کیشی یرهلنگن.
فلسطین ساغلیقنی سقلش وزیرلیگی، اسرائیل نینگ «المواسی» منطقهسی که بوندن آلدین اسرائیل تامانیدن تینچ منطقه تعیینلنگن اېدی هجوملری عاقبتیده، چمهسی ۲۵ کیشی هلاک بولیب و باشقه ۵۰ کیشی یرهلنگنینی معلوم قیلگن.
امریکا نینگ آکانزاس ایالتیده بیر سوپر مارکیت ده اوق آتیشمه ده اوچ کیشی هلاک بولیب و باشقه ایکّی پولیس شامل ۱۰ کیشی یرهلنگن. خلقارا یېتکرمهلر نینگ معلوماتی اساسیده، بو واقعه ۱-سرطان، جمعه کونی امریکا نینگ آرکانزاس ایالتی حدودلری گه قرهشلی فوردایس شهری ده یوز بیرگن. معلوماتلر گه کوره، هجومچی پولیس کوچلری بیلن توقنشووده یرهلنگن.
